ಮೊಸರು ಬಳಸಿ ಮಾಡುವ ಕೊತ್ತಂಬರಿ ಚಟ್ನಿ ರೆಸಿಪಿ

ಚಟ್ನಿಯನ್ನು ನೂರಕ್ಕೂ ಹೆಚ್ಚು ಬಗೆಯಲ್ಲಿ ತಯಾರಿಸಬಹುದು. ಇಲ್ಲಿ ನಾವು ಕೊತ್ತಂಬರಿ ಸೊಪ್ಪಿನಿಂದ ತಯಾರಿಸುವ ಚಟ್ನಿಯ ರೆಸಿಪಿ ನೀಡಿದ್ದೇವೆ. ಈ ಚಟ್ನಿಯ ವಿಶೇಷತೆ ಅಂದರೆ ಇದನ್ನು ಮೊಸರು ಬಳಸಿ ತಯಾರಿಸಲಾಗುವುದು.

ಇದರಿಂದಾಗಿ ಸಾಮಾನ್ಯವಾದ ಕೊತ್ತಂಬರಿ ಸೊಪ್ಪಿನ ಚಟ್ನಿಗಿಂತ ಅಧಿಕ ರುಚಿಕರವಾಗಿರುತ್ತದೆ. ಈ ವಿಶೇಷ ಚಟ್ನಿಯನ್ನು ಮಾಡುವ ವಿಧಾನ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು:

ಕೊತ್ತಂಬರಿ ಸೊಪ್ಪು 1 ಕಟ್ಟು
ಮೊಸರು ಅರ್ಧ ಕಪ್
ಬೆಳ್ಳುಳ್ಳಿ ಎಸಳು 7-10
ಈರುಳ್ಳಿ 2
ಹಸಿಮೆಣಸಿನ ಕಾಯಿ 5-6
ರುಚಿಗೆ ತಕ್ಕ ಉಪ್ಪು
ಜೀರಿಗೆ 1 ಚಮಚ
ಅರ್ಧ ನಿಂಬೆ ಹಣ್ಣಿನ ರಸ
1 ಚಮಚ ಎಣ್ಣೆ

ತಯಾರಿಸುವ ವಿಧಾನ:

* ತವಾದಲ್ಲಿ ಜೀರಿಗೆ ಹಾಕಿ ರೋಸ್ಟ್ ಮಾಡಬೇಕು.

* ಬಾಣಲೆಯಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಬೇಕು. ನಂತರ ಅದರಲ್ಲಿ ಬೆಳ್ಳುಳ್ಳಿಯನ್ನು ಹಾಕಿ ಸ್ವಲ್ಪ ಕಂಡು ಬಣ್ಣ ಬರುವವರೆಗೆ ಹುರಿಯಬೇಕು. ಈ ರೀತಿ ಮಾಡಿದರೆ ಚಟ್ನಿ ರುಚಿಯ ಜೊತೆಗೆ ಪರಿಮಳಭರಿತವಾಗಿರುತ್ತದೆ.

* ಈಗ ಕೊತ್ತಂಬರಿ ಸೊಪ್ಪನ್ನು ಶುಚಿ ಮಾಡಿ ಒಂದು ಬಟ್ಟಲಿನಲ್ಲಿ ಹಾಕಬೇಕು. ಅದಕ್ಕೆ ಕತ್ತರಿಸಿದ ಮೆಣಸಿನ ಕಾಯಿ, ಕತ್ತರಿಸಿದ ಈರುಳ್ಳಿ, ರೋಸ್ಟ್ ಮಾಡಿದ ಜೀರಿಗೆ, ಫ್ರೈ ಮಾಡಿದ ಬೆಳ್ಳುಳ್ಳಿ ಹಾಗೂ ರುಚಿಗೆ ತಕ್ಕ ಉಪ್ಪು ಹಾಕಿ ಮಿಕ್ಸಿಯಲ್ಲಿ ಹಾಕಿ ಅದಕ್ಕೆ ಮೊಸರು ಹಾಕಿ ನುಣ್ಣಗೆ ರುಬ್ಬಬೇಕು.

* ಈಗ ರೆಡಿಯಾದ ಕೊತ್ತಂಬರಿ ಚಟ್ನಿಗೆ ಸ್ವಲ್ಪ ನಿಂಬೆ ರಸ ಹಿಂಡಿ ಚಟ್ನಿಯ ರುಚಿ ನೋಡಿ, ಒಂದು ತುತ್ತು ಅನ್ನ ಅಧಿಕವೇ ಹೊಟ್ಟೆಯನ್ನು ಸೇರುತ್ತದೆ.