ಟೊಮೆಟೋಕಾಯಿ ಚಟ್ನಿ

4 ಟೊಮೆಟೋ ಕಾಯಿ
2 ಬೆಳ್ಳುಳ್ಳಿ
4 ಹರಿಸು ಮೆಣಸಿನ ಕಾಯಿ
2 ಈರುಳ್ಳಿ
1 ಕಟ್ಟು ಕೊತ್ತಂಬರಿ ಸೊಪ್ಪು
25 ಗ್ರಾಂನಷ್ಟು ಗುರೆಳ್ಳು
ಸ್ವಲ್ಪ ಎಣ್ಣೆ
4 ಚಮಚ ಸಕ್ಕರೆ
ರುಚಿಗೆ ತಕ್ಕಷ್ಟು ಉಪ್ಪು.

ಮಾಡುವ ವಿಧಾನ : ಟೊಮೆಟೋಕಾಯಿ, ಹಸಿ ಮೆಣಸಿನಕಾಯಿ, ಈರುಳ್ಳಿ, ಕೊತ್ತಂಬರಿ ಸೊಪ್ಪು ಎಲ್ಲವನ್ನೂ ಮೊದಲು ನೀರಿನಲ್ಲಿ ತೊಳೆದು ಹೆಚ್ಚಿಟ್ಟುಕೊಳ್ಳಬೇಕು. ಬೆಳ್ಳುಳ್ಳಿಯ ಸಿಪ್ಪೆ ತೆಗೆದು ರೆಡಿ ಇಟ್ಟುಕೊಳ್ಳಬೇಕು. ಗುರೆಳ್ಳನ್ನು ಹುರಿದು ಪುಡಿ ಮಾಡಿಟ್ಟುಕೊಳ್ಳಬೇಕು.

ಆನಂತರ ಒಲೆಯ ಮೇಲೆ ಬಾಣಲೆ ಇಟ್ಟು, ಒಳ್ಳೆ ಎಣ್ಣೆ ಹಾಕಿ ಟೊಮೆಟೋ, ಈರುಳ್ಳಿ, ಬೆಳ್ಳುಳ್ಳಿ, ಹಸಿ ಮೆಣಸಿನಕಾಯಿ ಹಾಕಿ ಚೆನ್ನಾಗಿ ಹುರಿಯಬೇಕು. ಅವು ಕಂದುಬಣ್ಣಕ್ಕೆ ಬಂದ ತರುವಾಯ ಕೊತ್ತಂಬರಿಸೊಪ್ಪು ಹಾಕಿ ಹುರಿದು ಕೆಳಗಿಳಿಸಿ, ಉಪ್ಪು, ಸಕ್ಕರೆ, ಗುರೆಳ್ಳಿನ ಪುಡಿ ಹಾಕಿ ಮಿಕ್ಸಿ ಅಥವಾ ಗ್ರೆೃಂಡರ್‌ನಲ್ಲಿ ರುಬ್ಬಿದರೆ ಟೊಮೆಟೋ ಚಟ್ನಿ ರೆಡಿ. ಜೋಳದ ರೊಟ್ಟಿಯಾಂದಿಗೆ ಈ ಚಟ್ನಿಯ ರುಚಿಯೇ ರುಚಿ.