ದಟ್ಸ್ ಕನ್ನಡಪಾಕಶಾಲೆ : ಮಾವಿನಕಾಯಿ ತೊಕ್ಕು

ಹಣ್ಣುಗಳ ರಾಜನನ್ನು ಕೊಂಡು ಬಗೆಬಗೆಯ ತಿನಿಸನ್ನು ಮಾಡಬಹುದು. ಹಾಗೆ ಮಾವಿನಕಾಯಿ ಬಳಸಿ ತೊಕ್ಕು, ಗೊಜ್ಜು, ಉಪ್ಪಿನಕಾಯಿ ಮಾಡುವುದು ಸಾಮಾನ್ಯ. ಜನಪ್ರಿಯ ತೋತಾಪುರಿ ಮಾವಿನಕಾಯಿ ಬಳಸಿ ಸುಲಭವಾಗಿ ತೊಕ್ಕು ಮಾಡಬಹುದಾದ ಬಗೆ ತಿಳಿಯೋಣ

ಬೇಕಾಗುವ ಪದಾರ್ಥಗಳು:

ತೋತಾಪುರಿ ಮಾವಿನಕಾಯಿ,(ಗಿಣಿ ಮೂತಿ ಮಾವಿನಕಾಯಿ) : ದೊಡ್ಡ ಗಾತ್ರ 1
ಸಾಸಿವೆ : 2 ಚಾ ಚಮಚ
ಮೆಂತ್ಯಾ : 2 ಚಾ ಚಮಚ
ಇಂಗು ಕಡಲೆಕಾಯಿಗಾತ್ರದ ಎರಡು ಉಂಡೆ
ಎಣ್ಣೆ : 6 ಟೇಬಲ್ ಚಮಚ
ಮೆಣಸಿನ ಪುಡಿ: 2 ಚಾ ಪುಡಿ
ಉಪ್ಪು : 1 ಹಿಡಿ
ಬೆಲ್ಲ : 100 ಗ್ರಾಮ್ಸ್

ಮಾಡುವ ವಿಧಾನ:

ಮಾವಿನಕಾಯಿಯನ್ನು ತೊಳೆದು, ಸಿಪ್ಪೆ ತೆಗೆದು ತುರಿದಿಟ್ಟುಕೊಳ್ಳಿರಿ, ಸಾಸಿವೆ, ಮೆಂತೆಯನ್ನು ಎಣ್ಣೆ ಹಾಕದೆ ಪುಡಿ ಮಾಡಿರಿ. ಇಂಗನ್ನು ಪುಡಿ ಮಾಡಿಕೊಳ್ಳಿರಿ. ಆಮೇಲೆ ಎಣ್ಣೆಯನ್ನು ಬಾಣಲೆಯಲ್ಲಿ ಬಿಸಿಯಾಗಲಿಕ್ಕಿಟ್ಟು ಮಾವಿನಕಾಯಿ ತುರಿ ಹಾಕಿ ಮಗುಚಿರಿ, ಬೇಯುವಾಗ ಬೆಲ್ಲವನ್ನು ಜಜ್ಜಿ ಹಾಕಿ ಉಪ್ಪು, ಮೆಣಸಿನ ಪುಡಿ ಹಾಕಿರಿ ಮಗುಚುತ್ತಾ ಇದ್ದು ಸಾಸಿವೆ, ಮೆಂತೆಯ ಪುಡಿ ಹಾಕಿರಿ ಮಗುಚುತ್ತಾ ಇದ್ದು ಜಾಮ್ ನಂತೆ ಆಗುವಾಗ ಇಳಿಸಿರಿ, ಆರಿದ ಮೇಲೆ ಬಾಟಲಿಯಲ್ಲಿ ಹಾಕಿಡಿರಿ. ಒಂದು ವಾರಕೆಡುವುದಿಲ್ಲ. ಚಟ್ನಿಯ ಬದಲು ತಿಂಡಿಗಳ ಜೊತೆಗೆ ಉಪಯೋಗಿಸಬಹುದು.

(ದಟ್ಸ್ ಕನ್ನಡ ಪಾಕಶಾಲೆ)