ಬೇಸಿಗೆ ಬೇಗೆಗೆ ಗಂಜಿ ಚಟ್ನಿಯೇ ಮೃಷ್ಟಾನ್ನ

Chutney

oi-Reena

By Hema S

Published: Tuesday, March 27, 2012, 13:45 [IST]

ಸೆಕೆಗಾಲದಲ್ಲಿ ಮಧ್ಯಾಹ್ನ ಊಟಕ್ಕೆ ಕುಚಲಕ್ಕಿಯಿಂದ ಗಂಜಿ ಮಾಡಿ , ಉಪ್ಪಿನ ಕಾಯಿ, ಹಪ್ಪಳ ಮತ್ತು ಚಟ್ನಿ ತಯಾರಿಸಿ ತಿನ್ನಲು ತುಂಬಾ ರುಚಿಯಾಗಿರುತ್ತದೆ. ಅದರಲ್ಲೂ ಈಗ ಹಸಿ ಮಾವಿನಕಾಯಿ ಸಿಗುತ್ತದೆ. ಗಂಜಿಗೆ ಜೊತೆ ತಿನ್ನಲು ತೆಂಗಿನ ಕಾಯಿ ಮತ್ತು ಮಾವಿನಕಾಯಿ, ಶುಂಠಿ ಹಾಕಿ ರುಚಿಕರವಾದ ಚಟ್ನಿ ಮಾಡುವ ಸುಲಭ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ತುರಿದ ತೆಂಗಿನ ಕಾಯಿ (ಅರ್ಧ ತೆಂಗಿನ ಕಾಯಿ)
* ಖಾರಕ್ಕೆ ತಕ್ಕ ಹಸಿಮೆಣಸಿನಕಾಯಿ
* ಒಂದು ಇಂಚಿನಷ್ಟು ಶುಂಠಿ
* ಹುಳಿಯಾದ ಮಾವಿನ ಕಾಯಿ ಅರ್ಧಭಾಗ (ಸಿಪ್ಪೆ ತೆಗೆದಿರಬೇಕು)
* ರುಚಿಗೆ ತಕ್ಕ ಉಪ್ಪು
* 1/4 ಭಾಗ ಈರುಳ್ಳಿ
* 1-2 ಎಸಳು ಬೆಳ್ಳುಳ್ಳಿ

ತಯಾರಿಸುವ ವಿಧಾನ:

* ಈ ಎಲ್ಲಾ ಸಾಮಾಗ್ರಿಗಳನ್ನು ಮಿಕ್ಸಿಯಲ್ಲಿ ಹಾಕಿ ಅರೆಯಬೇಕು. ಅರೆಯುವಾಗ ಸ್ವಲ್ಪ ಗಟ್ಟಿಯಾಗಿ ಅರೆಯಿರಿ. ತುಂಬಾ ಮೃದುವಾಗಿ ಅರೆಯುವುದು ಬೇಡ.

ಈಗ ಈ ಚಟ್ನಿಯನ್ನು ಗಂಜಿ ಜೊತೆ ರುಚಿ ನೋಡಿ. ಬೇಸಿಗೆಯಲ್ಲಿ ಈ ರೀತಿ ಗಂಜಿ ಮಾಡಿ ಕುಡಿದರೆ ದೇಹವನ್ನು ತಂಪಾಗಿ ಇಡುವುದರಿಂದ ಆರೋಗ್ಯಕ್ಕೂ ಒಳ್ಳೆಯದು.