ಮಸಾಲೆ ತುಂಬಿದ ಮಾವಿನಕಾಯಿ ಉಪ್ಪಿನಕಾಯಿ

Chutney

oi-Reena

By Hema S

Published: Monday, March 26, 2012, 12:41 [IST]

ಮಾವಿನ ಕಾಯಿ ಉಪ್ಪಿನಕಾಯಿಯನ್ನು ಅನೇಕ ಬಗೆಯಲ್ಲಿ ತಯಾರಿಸಬಹುದು. ತುಂಬಾ ಮನೆಗಳಲ್ಲಿ ಮಾವಿನಕಾಯಿಂದ ಇಡೀ ವರ್ಷಕ್ಕೆ ಸಾಕಾಗುವಷ್ಟು ಉಪ್ಪಿನಕಾಯಿ ಮಾಡಿಡಲಾಗುವುದು. ಇವತ್ತು ನಾವು ಮಸಾಲೆ ತುಂಬಿದ ಮಾವಿನಕಾಯಿ ಉಪ್ಪಿನಕಾಯಿ ತಯಾರಿಸುವ ವಿಧಾನದ ಬಗ್ಗೆ ತಿಳಿದುಕೊಳ್ಳೋಣ:

ಬೇಕಾಗುವ ಸಾಮಾಗ್ರಿಗಳು:

* 2 ಕೆಜಿ ಮಾವಿನಕಾಯಿ
* ಸಾಸಿವೆ ಪುಡಿ 8 ಚಮಚ
* ಹುರಿದು ಪುಡಿ ಮಾಡಿದ ಮೆಂತೆ 3 ಚಮಚ
* ಕೆಂಪು ಮೆಣಸಿನ ಪುಡಿ 4 ಚಮಚ
* ಚಕ್ಕೆ ಪುಡಿ 8 ಚಮಚ
* ಚಿಟಿಕೆಯಷ್ಟು ಇಂಗು
* ಅರಿಶಿಣ 2 ಚಮಚ
* ಅರ್ಧ ಚಮಚ ಅಜಮೋದ
* ಅರ್ಧ ಲೀಟರ್ ಎಣ್ಣೆ
* 12 ಚಮಚ ಉಪ್ಪು

ತಯಾರಿಸುವ ವಿಧಾನ:

1. ಮಾವಿನ ಕಾಯಿಗಳನ್ನು ತೊಳೆದು ಒಣಗಿಸಬೇಕು. ನಂತರ ಪ್ರತಿಯೊಂದು ಮಾವಿನ ಕಾಯಿಯನ್ನು 4 ಭಾಗಗಳಾಗಿ ಅದರ ಅರ್ಧದಷ್ಟು ಕತ್ತರಿಸಿ ಒಳಗಿನ ಬೀಜ ತೆಗೆಯಬೇಕು (ಪೂರ್ಣ ಕತ್ತರಿಸಬೇಡಿ)

2. ಈ ಮಾವಿನ ಕಾಯಿಗಳ ಒಳಗೆ ಮತ್ತು ಹೊರಗೆ ಉಪ್ಪು ಸವರಿ 8 ಗಂಟೆ ಕಾಲ ಇಡಬೇಕು.

3. ಎಣ್ಣೆಯನ್ನು ಬಿಸಿ ಮಾಡಿ ಅದಕ್ಕೆ ಸ್ವಲ್ಪ ಇಂಗು ಹಾಕಿ, ಇಂಗು ಕಂದು ಬಣ್ಣ ಬರುವವರಗೆ ಬಿಸಿ ಮಾಡಬೇಕು. ಈ ಎಣ್ಣೆಯಲ್ಲಿ ಉಳಿದೆಲ್ಲಾ ಮಸಾಲ ಸಾಮಾಗ್ರಿಗಳನ್ನು ಹಾಕಿ ಸ್ವಲ್ಪ ಹೊತ್ತು ಬಿಸಿ ಮಾಡಬೇಕು. ಈಗ ಸ್ವಲ್ಪ ಗಟ್ಟಿಯಾಗಿರುವ ಈ ಮಸಾಲೆಯನ್ನು ಮಾವಿನ ಕಾಯಿಯೊಳಗೆ ತುಂಬ ಬೇಕು.

4. ಈ ಮಸಾಲೆ ತುಂಬಿದ ಮಾವಿನ ಕಾಯಿಗಳನ್ನು ಮಸಾಲೆ ಗಾಜಿನ ಡಬ್ಬದಲ್ಲಿ ಹಾಕಿ ಉಳಿದ ಎಣ್ಣೆಯನ್ನು ಅದೇ ಡಬ್ಬಕ್ಕೆ ಸುರಿದು ಮುಚ್ಚಳವನ್ನು ಗಟ್ಟಿಯಾಗಿ ಹಾಕಿ 2-3 ದಿನ ಬಿಸಿಲಿನಲ್ಲಿಟ್ಟು ನಂತರ ಒಳಗಡೆ ಇಡಬೇಕು.

5. ಈ ಉಪ್ಪಿನಕಾಯಿ ಡಬ್ಬವನ್ನು 15 ದಿನಗಳವರಿಗೆ ದಿನಕ್ಕೊಮ್ಮೆ ಅಲುಗಾಡಿಸಿ ಇಡಬೇಕು. 15 ದಿನದ ಬಳಿಕ ತಿನ್ನಲು ರುಚಿಕರವಾದ ಮಸಾಲೆ ತುಂಬಿದ ಮಾವಿಕಾಯಿ ಉಪ್ಪಿನಕಾಯಿ ರೆಡಿಯಾಗಿರುತ್ತದೆ.