ಪುದೀನಾ ಸಾಸ್ ಹೆಚ್ಚಿಸುವುದು ತಿಂಡಿಯ ರುಚಿ

Chutney

oi-Reena

By Hema S

Published: Wednesday, February 22, 2012, 13:03 [IST]

ಕುರುಕಲು ತಿಂಡಿಗಳ ಜೊತೆ ಸಾಸ್ ಇದ್ದರೆ ಬಾಯಿಗೆ ಹೆಚ್ಚು ರುಚಿಕರವಾಗಿರುತ್ತದೆ. ಹಸಿಮೆಣಸಿನಕಾಯಿ ಸಾಸ್ , ಟೊಮೆಟೊ ಸಾಸ್ ಹೆಚ್ಚಾಗಿ ತಯಾರಿಸುತ್ತೇವೆ. ಈ ರೀತಿಯ ಸಾಸ್ ಅನ್ನು ಪುದೀನಾದಿಂದ ಕೂಡ ತಯಾರಿಸಬಹುದು. ರುಚಿಕರ ಮತ್ತು ಆರೋಗ್ಯಕರ ಪುದೀನಾ ಸಾಸ್ ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಒಂದು ಕಟ್ಟಿನ ಅರ್ಧದಷ್ಟು ಪುದೀನಾ ( ಚಿಕ್ಕದಾಗಿ ಕತ್ತರಿಸಿದ್ದು)
* 1 ಚಮಚ ಸಕ್ಕರೆ
* 1 ಚಮಚ ವಿನಿಗರ್
* 1 ಚಮಚ ಉಪ್ಪು

ತಯಾರಿಸುವ ವಿಧಾನ:
1. ವಿನಿಗರ್, ಸಕ್ಕರೆ ಮತ್ತು ಉಪ್ಪನ್ನು ಮಿಶ್ರ ಮಾಡಿ ಬಿಸಿ ಮಾಡಬೇಕು.
2. ಪುದೀನಾ ಎಲೆಯನ್ನು ಮಿಕ್ಸಿಯಲ್ಲಿ ಅರೆಯಬೇಕು.
3. ಈಗ ಬಿಸಿಮಾಡಿರುವ ಮಿಶ್ರಣವನ್ನು ಪುದೀನಾ ಜೊತೆ ಮಿಶ್ರ ಮಾಡಿ ತಣ್ಣಗಾಗಲು ಇಡಬೇಕು.
4. ಈಗ ತಯಾರಾದ ಪುದೀನಾ ಸಾಸ್ ಅನ್ನು ಕುರುಕಲು ತಿಂಡಿ ಜೊತೆ ತಿಂದು ನೋಡಿ.