ರೆಸಿಪಿ: ಸುಲಭವಾಗಿ ಮಾಡಬಹುದು ಚೈನೀಸ್ ಕೇಕ್

ತಯಾರಿಸುವ ವಿಧಾನ:

1. ಸಮನಾದ ಅಳತೆಯೊಂದಿಗೆ ನೀರು ಮತ್ತು ಬೌನ್ ಶುಗರ್‌ನ್ನು ಪಾತ್ರೆಗೆ ಸೇರಿಸಿ. ಇದನ್ನು ಮೀಡಿಯಂ ಫ್ಲೇಮ್‌ನೊಂದಿಗೆ ಕಾಯಿಸಿ. ಸಕ್ಕರೆ ಸಂಪೂರ್ಣವಾಗಿ ಕರಗುವವರೆಗೆ ಸುಮಾರು 10 ನಿಮಿಷಗಳವರೆಗೆ ಬೆರೆಸಿ.(ಅದನ್ನು ಕುದಿಯಲು ಬಿಡಬೇಡಿ.) ಸ್ಟವ್ ಆಫ್ ಮಾಡಿ, ಮುಟ್ಟಲು ಆಗುವಷ್ಟು ತಣ್ಣಗಾಗಲು ಬಿಡಿ.

2. ಮಿಕ್ಸಿಂಗ್ ಬೌಲ್‌ನಲ್ಲಿ ಅಕ್ಕಿ ಹಿಟ್ಟನ್ನು ಹಾಕಿ, ಅದಕ್ಕೆ ಸಕ್ಕರೆ ನೀರಿನ ಮಿಶ್ರಣವನ್ನು ನಿಧಾನವಾಗಿ ಸುರಿಯುತ್ತಾ, ಅಕ್ಕಿಹಿಟ್ಟನ್ನು ನಿಧಾನವಾಗಿ ಮಿಶ್ರಣ ಮಾಡುತ್ತಾ ಬನ್ನಿ. ಸುಮಾರು 2ನಿಮಿಷಗಳ ಕಾಲ ಹದ ದೊರೆಯುವ ತನಕ ಮಿಶ್ರಣ ಮಾಡಿ.

3. ಇದಕ್ಕೆ ಎರಡು ಚಮಚದಷ್ಟು ಎಣ್ಣೆಯನ್ನು ಸೇರಿಸಿ ಮತ್ತು ಈ ಎಣ್ಣೆ ಮಿಶ್ರಣದೊಂದಿಗೆ ಸರಿಯಾಗಿ ಹೊಂದಿಕೆ ಆಗುವವರೆಗೂ ತಿರುಗಿಸಿ. ಸುಮಾರು 5 ನಿಮಿಷಗಳ ಕಾಲ ತೆಗೆದುಕೊಳ್ಳಬಹುದು. ನಂತರ ಅದಕ್ಕೆ ಬಾದಾಮಿ ಸಾರವನ್ನು ಸೇರಿಸಿ ಮಿಶ್ರಣ ಮಾಡಿ.

4. ನಿಮ್ಮ ಬಳಿ ಮಿಕ್ಸ್ ಮಡುವಂತಹ ಮಿಕ್ಸರ್ ಇದ್ದರೆ ಅದನ್ನು ಬಳಸಿದರೆ ಉತ್ತಮ, ಇಲ್ಲವಾದಲ್ಲಿ ಕೈಯಲ್ಲಿಯೂ ಮಿಶ್ರಣ ಮಾಡಬಹುದು.

5. ಈ ಮಿಶ್ರಣವನ್ನು ಸಸ್ಯಜನ್ಯ ಎಣ್ಣೆ ಲೇಪನ ಮಾಡಿದ ಕೇಕ್ ಮಾಡುವ ಬಾಣಲೆಯಲ್ಲಿ ಅಥವಾ ಪಾತ್ರೆಯಲ್ಲಿ ಹಾಕಿ ಸ್ಟೀಮ್‌ನಲ್ಲಿಡಿ. ಅಂದರೆ ದೊಡ್ಡ ಪಾತ್ರೆಗೆ ನೀರು ಹಾಕಿ ಅದರೊಳಗೆ ಕೇಕ್ ಮಿಶ್ರಣ ಹಾಕಿರುವಂತಹ ಕೇಕ್ ಪ್ಯಾನ್ ಇಡಬೇಕು. ಸುಮಾರು 40 ರಿಂದ 45 ನಿಮಿಷಗಳ ಕಾಲ ಬೇಯಿಸಿ ನಂತರ ತಣ್ಣಗಾಗಲು ಬಿಡಿ.

6. ಬಳಿಕ ಅದನ್ನು ಚಾಕುವಿನ ಸಹಾಯದಿಂದ ಸರ್ವಿಂಗ್ ಪ್ಲೇಟ್‌ಗೆ ವರ್ಗಾಯಿಸಿ, ಖರ್ಜೂರ ಹಾಗೂ ಹುರಿದ ಎಳ್ಳಿನಿಂದ ಅಲಂಕರಿಸಿದರೆ ರುಚಿಯಾದ ಕೇಕ್ ಸವಿಯಲು ಸಿದ್ಧ.