ಬೆಳಗಿನ ಬ್ರೇಕ್‌ಫಾಸ್ಟ್‌ಗೆ ತಯಾರಿಸಿ ಸ್ಪೆಶಲ್ ಬ್ರೆಡ್ ಉಪ್ಪಿಟ್ಟು

ಬೆಳಗ್ಗೆ ತಿಂಡಿ ಮಾಡಲು ಸಮಯವಿಲ್ಲದಿದ್ದಾಗ ಸುಲಭದಲ್ಲಿ ತಯಾರಿಸಬಹುದೆಂದು ಉಪ್ಪಿಟ್ಟು ಮಾಡಿ ಬಿಡುತ್ತೇವೆ ಅಲ್ವಾ? ರವೆ ಉಪ್ಪಿಟ್ಟು, ಜೋಳದ ಉಪ್ಪಿಟ್ಟು, ಬ್ರೆಡ್ ಉಪ್ಪಿಟ್ಟು, ಅವಲಕ್ಕಿ ಉಪ್ಪಿಟ್ಟು ಹೀಗೆ ಅನೇಕ ಬಗೆಯ ಉಪ್ಪಿಟ್ಟುಗಳನ್ನು ಮಾಡಲು ನಿಮಗೆ ಗೊತ್ತಿರಬಹುದು, ಆದರೆ ಇನ್ನೊಮ್ಮೆ ಉಪ್ಪಿಟ್ಟು ಮಾಡುವಾಗ ಬ್ರೆಡ್ , ರವೆ ಹಾಗೂ ಸ್ವಲ್ಪ ತರಕಾರಿಗಳನ್ನು ಹಾಕಿ ಉಪ್ಪಿಟ್ಟು ತಯಾರಿಸಿ ನೋಡಿ , ಈ ಹೊಸ ರುಚಿ ಖಂಡಿತ ನಿಮಗೆ ಇಷ್ಟವಾಗುವುದು:

ಸ್ವಾದಿಷ್ಟ ಬ್ರೇಕ್‌ಫಾಸ್ಟ್‌ಗಾಗಿ ಸೇಮಿಯಾ ಉಪ್ಮಾ ರೆಸಿಪಿ

ಸ್ಪೆಶಲ್ ಬ್ರೆಡ್ ಉಪ್ಪಿಟ್ಟು ತಯಾರಿಸಲು ಬೇಕಾಗುವ ಸಾಮಾಗ್ರಿಗಳು:

* ಚಿಕ್ಕ ರವೆ 1 ಕಪ್
* ಈರುಳ್ಳಿ 2
* ಕ್ಯಾರೆಟ್ 2
* ಕ್ಯಾಪ್ಸಿಕಂ 1
* ಹಸಿಮೆಣಸಿನಕಾಯಿ 2-4
* ಬಟಾಣಿ ಕಾಲು ಕಪ್
* ಟೊಮೆಟೊ 2
* ಬ್ರೆಡ್ ತುಂಡುಗಳು 8-10
* ಸಾಸಿವೆ 1 ಚಮಚ
* ಜೀರಿಗೆ 1 ಚಮಚ
* ಬೇಳೆ 1 ಚಮಚ (ಪಾಯಸ ಮಾಡುವ ಬೇಳೆ)
* ಅರಿಶಿಣ ಪುಡಿ ಕಾಲು ಚಮಚ
* ಕೆಂಪು ಮೆಣಸಿನ ಪುಡಿ 1 ಚಮಚ
* ಸ್ವಲ್ಪ ಕರಿಬೇವಿನ ಎಲೆ
*ನೀರು
* ಕೊತ್ತಂಬರಿ ಸೊಪ್ಪು

ಚುಮುಚುಮು ಹವೆಗೆ ಬಿಸಿ ಬಿಸಿ ಎಗ್ ಬರ್ಗರ್!

ತಯಾರಿಸುವ ವಿಧಾನ:
*ರವೆಯನ್ನು ಕಂದು ಬಣ್ಣ ಬರುವವರೆಗೆ ರೋಸ್ಟ್ ಮಾಡಿ ಬದಿಯಲ್ಲಿಡಬೇಕು. ಬ್ರೆಡ್ ತುಂಡುಗಳನ್ನು ರೋಸ್ಟ್ ಮಾಡಬೇಕು.
*ಇನ್ನು ಉಪ್ಪಿಟ್ಟು ಮಾಡುವ ಪಾತ್ರೆಯನ್ನು ಉರಿಯಲ್ಲಿಟ್ಟು, ಪಾತ್ರೆಗೆ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಸಾಸಿವೆ ಹಾಕಬೇಕು. ಸಾಸಿವೆ ಚಟಾಪಟಾ ಶಬ್ದ ಬರುವಾಗ ಜೀರಿಗ, ಕರಿಬೇವಿನ ಎಲೆ, ಕಡಲೆ ಹಾಕಿ ಕಡಲೆ ಸ್ವಲ್ಪ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.
*ನಂತರ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಬೇಕು. ನಂತರ ಟೊಮೆಟೊ, ಹಸಿಮೆಣಸಿನಕಾಯಿ, ಕ್ಯಾಪ್ಸಿಕಂ ಮತ್ತು ಕ್ಯಾರೆಟ್ ಹಾಕಿ, ಟೊಮೆಟೊ ಮೆತ್ತಗಾಗುವವರೆಗೆ ಹುರಿಯಬೇಕು. ಈಗ ಬಟಾಣಿ ಹಾಕಿ ಒಂದು ನಿಮಿಷ ಹುರಿದು ನೀರು ಹಾಕಿ, ನೀರಿಗೆ ಉಪ್ಪು ಹಾಕಿ ಕುದಿಸಬೇಕು.
*ಈಗ ಹುರಿದ ರವೆಯನ್ನು ಹಾಕಿ ಚೆನ್ನಾಗಿ ಸೌಟ್ ನಿಂದ ತಿರುಗಿಸಿ ಬೇಯಿಸಬೇಕು. ರವೆ ಮುಕ್ಕಾಲು ಭಾಗ ಬೆಂದಾಗ ರೋಸ್ಟ್ ಮಾಡಿದ ಬ್ರೆಡ್ ತುಂಡುಗಳನ್ನು ಹಾಕಿ ಒಮ್ಮೆ ಸೌಟ್ ನಿಂದ ತಿರುಗಿಸಿ ಬೇಯಿಸಬೇಕು, ಉಪ್ಪಿಟ್ಟು ಬೆಂದ ನಂತರ ಉರಿಯಿಂದ ಇಳಿಸಿ ಕೊತ್ತಂಬರಿ ಸೊಪ್ಪಿನಿಂದ ಅಂಕರಿಸಿದರೆ ರುಚಿಕವಾದ ಬ್ರೆಡ್ ಮಿಶ್ರಿತ ರವೆ ಉಪ್ಪಿಟ್ಟು ರೆಡಿ.