ಕುಂಬಳಕಾಯಿ ತಿರುಳಿನ ಸ್ವಾದಿಷ್ಟ ದೋಸೆ ರೆಸಿಪಿ

ದಕ್ಷಿಣ ಭಾರತದಲ್ಲಿ ಹೆಚ್ಚು ಜನಪ್ರಿಯವಾದ ಖಾದ್ಯ ದೋಸೆ. ಉತ್ತರ ಭಾರತದಲ್ಲಿ ಚಪಾತಿ ಹೇಗೆ ಜನಪ್ರಿಯವೋ ಅಂತೆಯೇ ದಕ್ಷಿಣದಲ್ಲಿ ದೋಸೆಯ ಕಾರುಬಾರು ಹೆಚ್ಚು. ದೋಸೆಯಲ್ಲೂ ವಿಧ ವಿಧ ಬಗೆಗಳಿದ್ದು ಮನೆಯಲ್ಲೇ ತಯಾರಿಸುವ ಸಾಮಾನ್ಯ ಉದ್ದಿನ ದೋಸೆಯಿಂದ ಹಿಡಿದು ಪಂಚತಾರಾ ಉಪಹಾರ ಮಂದಿರಗಳಲ್ಲಿ ದೊರೆಯುವ ವಿಭಿನ್ನ ರುಚಿಯ ತರಕಾರಿ ದೋಸೆಯವರೆಗೆ ದೋಸೆ ತನ್ನ ಪ್ರಭಾವವನ್ನು ಬೀರಿದೆ ಎಂದೇ ಹೇಳಬಹುದು.

ಇಂತಹುದೇ ಒಂದು ವಿಶೇಷ ಅತಿ ಸರಳವಾಗಿ ತಯಾರಿಸಬಹುದಾದ ಕುಂಬಳ ಕಾಯಿ ತಿರುಳಿನ ದೋಸೆಯೊಂದಿಗೆ ನಾವು ನಿಮ್ಮ ಮುಂದೆ ಇದ್ದೇವೆ. ಕುಂಬಳ ಕಾಯಿಯ ತಿರುಳನ್ನು ಬೇರ್ಪಡಿಸಿ ಅಕ್ಕಿ, ಮೊಸರಿನೊಂದಿಗೆ ಇದನ್ನು ರುಬ್ಬಿ ಈ ಸ್ವಾದಿಷ್ಟ ದೋಸೆಯನ್ನು ತಯಾರಿಸಲಾಗುತ್ತದೆ.

ಕುಂಬಳ ಕಾಯಿ ತಿರುಳಿನ ದೋಸೆ ರುಚಿಯೊಂದಿಗೆ ಆರೋಗ್ಯಕಾರಿ ಅಂಶಗಳನ್ನು ಹೊಂದಿದೆ. ನಿಮ್ಮ ಹೆಚ್ಚಿನ ಸಮಯವನ್ನು ಉಳಿಸಿ ಅತಿ ಕಡಿಮೆ ಕಾಲಾವಕಾಶದಲ್ಲಿ ಈ ದೋಸೆಯನ್ನು ನಿಮಗೆ ತಯಾರಿಸಬಹುದಾಗಿದೆ. ಹಾಗಿದ್ದರೆ ಇನ್ನೇಕೆ ತಡ, ಕೆಳಗೆ ನಾವು ನೀಡಿರುವ ಕುಂಬಳ ಕಾಯಿ ತಿರುಳಿನ ಪಾಕ ವಿಧಾನವನ್ನು ಅರಿತುಕೊಳ್ಳಿ ಮತ್ತು ಬಿಸಿ ಬಿಸಿ ದೋಸೆ ತಯಾರಿಸಿ. ಸವಿರುಚಿಯ ಹೆಸರು ಕಾಳಿನ ದೋಸೆ

ಪ್ರಮಾಣ: 4
ಸಿದ್ಧತಾ ಸಮಯ: 1 ಗಂಟೆ
ಅಡುಗೆಗೆ ಬೇಕಾದ ಸಮಯ: 1/2 ಗಂಟೆ

ಸಾಮಾಗ್ರಿ
*ಬೆಳ್ತಿಗೆ ಅಕ್ಕಿ - 2-5 ಕಪ್
*ಕುಂಬಳ ಕಾಯಿ ತಿರುಳು
*ಮೆಂತೆ - 2 ಚಮಚ
*ಮೊಸರು 1/2 ಕಪ್
*ಉಪ್ಪು - ರುಚಿಗೆ ತಕ್ಕಷ್ಟು
*ಎಣ್ಣೆ- ಸ್ವಲ್ಪ ಮಟನ್ ಗ್ರೇವಿ ಜೊತೆ ಸವಿಯಲು ಮಟನ್ ದೋಸೆ

ಮಾಡುವ ವಿಧಾನ
*ಮೊದಲು ಮೆಂತೆ ಮತ್ತು ಅಕ್ಕಿಯನ್ನು 4-5 ಗಂಟೆಗಳ ಕಾಲ ನೆನೆಸಿಡಿ. ನಂತರ ಅಕ್ಕಿಯನ್ನು ಚೆನ್ನಾಗಿ ತೊಳೆದು ಪಕ್ಕದಲ್ಲಿಡಿ. ಕುಂಬಳಕಾಯಿ ತಿರುಳನ್ನು ಬೇರ್ಪಡಿಸಿ ನಂತರ ಅದನ್ನು ಚೆನ್ನಾಗಿ ತೊಳೆಯಿರಿ.
*ನಂತರ ಅಕ್ಕಿ, ಮೆಂತೆ ಮತ್ತು ಕುಂಬಳಕಾಯಿ ತಿರುಳನ್ನು ಮೊಸರಿನೊಂದಿಗೆ ಕಡೆಯಿರಿ ರಾತ್ರಿ ಈ ಹಿಟ್ಟನ್ನು ಹಾಗೆಯೇ ತೆಗೆದಿಡಿ. ಹಿಟ್ಟು ತುಸು ದಪ್ಪವಾಗಿರಲಿ
*ತವಾವವನ್ನು ತುಸು ಬಿಸಿ ಮಾಡಿಕೊಳ್ಳಿ ಮಧ್ಯಭಾಗಕ್ಕೆ ಹಿಟ್ಟನ್ನು ಹುಯ್ದು ದೋಸೆಯಾಕಾರಕ್ಕೆ ತನ್ನಿರಿ ಎಣ್ಣೆ ಅಥವಾ ತುಪ್ಪವನ್ನು ದೋಸೆಯ ಮಧ್ಯಭಾಗಕ್ಕೆ ಹಾಕಿರಿ. ಮುಚ್ಚಳ ಮುಚ್ಚಿ.
*ದೋಸೆಯ ಎರಡೂ ಭಾಗವನ್ನು ಬೇಯಿಸಿಕೊಳ್ಳಿ ಕುಂಬಳ ಕಾಯಿ ತಿರುಳಿನ ದೋಸೆ ಸವಿಯಲು ಸಿದ್ಧವಾಗಿದೆ. ಚಟ್ನಿ ಅಥವಾ ಸಾಂಬಾರ್ ಈ ದೋಸೆಗೆ ಸೂಪರ್ ಕಾಂಬಿನೇಷನ್ ಆಗಿದೆ.