ಹುರುಳಿಕಾಳಿನಿಂದ ಸಾರಲ್ಲ, ದೋಸೆ

ಸೆಟ್ ದೋಸೆ, ನೀರು ದೋಸೆ, ಮಸಾಲೆ ದೋಸೆ ಹೀಗೆ ಅನೇಕ ಬಗೆಯ ದೋಸೆಗಳ ಪಟ್ಟಿ ಬೆಳೆಯುತ್ತ ಹೋಗುತ್ತದೆ. ಒಂದೊಂದು ದೋಸೆ ರುಚಿ ಒಂದಕ್ಕಿಂತ ಒಂದು ಭಿನ್ನವಾಗಿರುತ್ತದೆ. ಇವತ್ತು ನಾವು ಹುರುಳಿ ಕಾಳು ದೋಸೆಯ ರೆಸಿಪಿ ಬಗ್ಗೆ ತಿಳಿಯೋಣ. ಹುರುಳಿಕಾಳು ಸೇವನೆ ಆರೋಗ್ಯಕ್ಕೂ ಕೂಡ ತುಂಬಾ ಒಳ್ಳೆಯದು.

ತಯಾರಿಸುವ ವಿಧಾನ:

1. ಅಕ್ಕಿ, ಹುರುಳಿ ಕಾಳು ಮತ್ತು ಉದ್ದಿನ ಬೇಳೆಯನ್ನು ನೀರಿನಲ್ಲಿ 7-8 ಗಂಟೆ ನೆನೆ ಹಾಕಬೇಕು.

2. ನಂತರ ಮೇಲಿನ ಸಾಮಗ್ರಿಗಳನ್ನು ಮಿಕ್ಸಿಯಲ್ಲಿ ಹಾಕಿ, ಸ್ವಲ್ಪ ನೀರು ಅರೆಯಬೇಕು. ತುಂಬಾ ನೀರು ಸೇರಿಸಬಾರದು.

3. ಈಗ ದೋಸೆ ಹಿಟ್ಟಿಗೆ ರುಚಿಗೆ ತಕ್ಕ ಉಪ್ಪು ಹಾಕಿ ಕಲೆಸಿ ಪಾತ್ರೆಯ ಬಾಯಿ ಮುಚ್ಚಿ 10-12 ಗಂಟೆ ಇಡಬೇಕು. ನಂತರ ಈ ಹಿಟ್ಟಿನಿಂದ ದೋಸೆ ಮಾಡಿದರೆ ರುಚಿಕರವಾದ ದೋಸೆ ರೆಡಿ.

ಇದನ್ನು ಕ್ಯಾಪ್ಸಿಕಂ ಆಲೂಗೆಡ್ಡೆ ಸಬ್ಜಿ ಅಥವಾ ಚಟ್ನಿ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.