ವೆಜಿಟಬಲ್ ನೂಡಲ್ಸ್

ರುಚಿರುಚಿಯಾದ ಶಾವಿಗೆ ಯಾರಿಗೆ ಇಷ್ಟವಿಲ್ಲ ಹೇಳಿ. ಅದರಲ್ಲೂ ಈ ಮಾಘ ಮಾಸದ ಚಳಿಗೆ ನಾಲಿಗೆ ಸ್ವಲ್ಪ ಖಾರದ ವ್ಯಂಜನಗಳನ್ನು ಬಯಸುವುದು ಸಹಜ. ಅಣಬೆ, ಶುಂಠಿ, ಜೋಳದ ಹಿಟ್ಟು, ಕ್ಯಾರೆಟ್ಟು ಸೇರಿಸಿ ಪೌಷ್ಟಿಕವಾದ 'ವೆಜಿಟಬಲ್ ನೂಡಲ್ಸ್'ನ್ನು ಮನೆಯಲ್ಲೇ ತಯಾರಿಸಿಕೊಳ್ಳಬಹುದು. ರುಚಿಯ ಜತೆಗೆ ಸತ್ವಯುತವಾದ ರಸಪಾಕವನ್ನು ತಿಂದಂತಾಗುತ್ತದೆ. ಹಾಗಿದ್ದರೆ ತಡ ಯಾಕೆ!?

• ಸುಮನಾ, ಬೆಂಗಳೂರು

ಬೇಕಾಗುವ ಪದಾರ್ಥಗಳು :

ನೂಡಲ್ಸ್ : 300 ಗ್ರಾಂ.
ಕ್ಯಾರೆಟ್ : 2
ದಪ್ಪ ಮೆಣಸಿನಕಾಯಿ : 3
ಖಾರದಪುಡಿ : 1 ಟೇಬಲ್ ಚಮಚ
ಮುಸುಕಿನ ಜೋಳದ ಹಿಟ್ಟು : 2 ಟೇಬಲ್ ಚಮಚ
ಸಣ್ಣಗೆ ಹೆಚ್ಚಿದ ಶುಂಠಿ : 1 ಟೇಬಲ್ ಚಮಚ
ಹೆಚ್ಚಿದ ಅಣಬೆ : 1 ಕಪ್
ಈರುಳ್ಳಿ : 2
ಸಕ್ಕರೆ : 1 ಟೀ ಚಮಚ
ಉಪ್ಪು : ರುಚಿಗೆ ತಕ್ಕಷ್ಟು
ಸೋಯಾ ಸಾಸ್ : 1 ಟೇಬಲ್ ಚಮಚ
ಅಜಿನೋಮೊಟೊ : 1 ಟೇಬಲ್ ಚಮಚ

ಹೀಗೆ ಮಾಡಿ :

ಮೊದಲು ನೂಡಲ್ಸ್‌ನೊಂದಿಗೆ ತರಕಾರಿ, ಶುಂಠಿ, ಈರುಳ್ಳಿ ಮತ್ತು ಅಣಬೆಯನ್ನು ಎಣ್ಣೆಯಲ್ಲಿ ಬೇಯಿಸಿಕೊಳ್ಳಿ. ಅಣಬೆ ಬೇಯುತ್ತಿದ್ದಂತೆ ಈ ಮಿಶ್ರಣಕ್ಕೆ ಕ್ಯಾರೆಟ್ಟನ್ನು ಹಾಕಿ ಬೇಯಿಸಬೇಕು. ಮತ್ತಷ್ಟು ರುಚಿ ಬರಲು ಸೋಯಾ ಸಾಸ್, ಅಜಿನೊಮೊಟೊ, ಉಪ್ಪು ಮತ್ತು ಸಕ್ಕರೆಯನ್ನು ಬೆರಸಿ.

ಚೆನ್ನಾಗಿ ಬೆಂದ ನೂಡಲ್ಸ್‌ಗೆ ಒಂದು ಕಪ್ ನೀರು ಹಾಕಿ ಕಲಸಬೇಕು. ಈಗ ಖಾರದಪುಡಿ ಹಾಗೂ ಸಣ್ಣಗೆ ಹೆಚ್ಚಿಕೊಂಡ ದಪ್ಪ ಮೆಣಸಿನಕಾಯಿಯನ್ನು ಸೇರಿಸಿ. ಈ ಮಿಶ್ರಣವೆಲ್ಲಾ ಬೆಂದಿದೆ ಎಂದಾಗ ಜೋಳದ ಹಿಟ್ಟನ್ನು ಸೇರಿಸಬೇಕು. ಎರಡು ನಿಮಿಷ ಬೇಯಿಸಿದ ನಂತರ ವೆಜಿಟಬಲ್ ನೂಡಲ್ಸ್ ತಯಾರಾದಂತೆ.