ಮಸಾಲಾ ಬಾದಾಮಿ ಇಡ್ಲಿ

ಕುಸುಮಬಾಲೆ

ಬೇಕಾಗುವ ಪದಾರ್ಥಗಳು :

ಅಕ್ಕಿ : 200 ಗ್ರಾಂ
ಕಡಲೆ ಬೇಳೆ : 100ಗ್ರಾಂ
ಬಾದಾಮಿ ಹೋಳುಗಳು : 100ಗ್ರಾಂ
ಹಸಿ ಮೆಣಸಿನ ಕಾಯಿ : 25ಗ್ರಾಂ
ಶುಂಠಿ : 25ಗ್ರಾಂ
ಕೊತ್ತಂಬರಿ ಸೊಪ್ಪು : ಒಂದು ಹಿಡಿ
ಕರಿಬೇವು : ಎರಡು ಚಮಚ
ಎಣ್ಣೆ : ಬೇಯಿಸಲು ಬೇಕಾದಷ್ಟು
ನೀರು
ಉಪ್ಪು : ರುಚಿಗೆ ತಕ್ಕಷ್ಟು

ತಯಾರಿಸುವ ವಿಧಾನ :

ಒಂದು ದಿನ ಮುಂಚಿತವಾಗಿ ಅಕ್ಕಿ, ಕಡಲೆ ಬೇಳೆಯನ್ನು ಉಗುರು ಬೆಚ್ಚಗಿನ ನೀರಿನಲ್ಲಿ ಹಾಕಿ ಎರಡು ಗಂಟೆಗಳ ಕಾಲ ನೆನೆಸಿಡಬೇಕು. ನಂತರ ಇಡ್ಲಿ ಹಿಟ್ಟಿನ ರೀತಿ ರುಬ್ಬಿಕೊಳ್ಳಬೇಕು. ಹಿಟ್ಟನ್ನು ರಾತ್ರಿಯಲ್ಲಾ ನೆನೆಸುವುದರಿಂದ ಇಡ್ಲಿಗಳ ರುಚಿ ಹೆಚ್ಚುತ್ತದೆ ಜತೆಗೆ ಹೂವಿನಂತೆ ಮೃದುವಾಗಿ ಬರುತ್ತವೆ.

ಇಡ್ಲಿ ಹಿಟ್ಟಿಗೆ ಬಾದಾಮಿ ಹೋಳುಗಳು, ಸಣ್ಣಗೆ ಹೆಚ್ಚಿದ ಹಸಿಮೆಣಸಿನಕಾಯಿ, ಶುಂಠಿ, ಕೊತ್ತಂಬರಿ ಸೊಪ್ಪು, ಕರಿಬೇವನ್ನು ಮರೆಯದೆ ರುಚಿಗೆ ಒಂದಿಷ್ಟು ಉಪ್ಪನ್ನು ಬೆರಸಿ ಕಲಸಬೇಕು. ಈಗ ಇಡ್ಲಿ ಪ್ಲೇಟಿಗೆ ಸ್ವಲ್ಪ ಎಣ್ಣೆಯನ್ನು ಹಾಕಿ ಅದರಲ್ಲಿ ಇಡ್ಲಿ ಹಿಟ್ಟನ್ನು ಹಾಕಿ ಆವಿಯಲ್ಲಿ ಬೇಯಿಸಿ. ಇಡ್ಲಿಗಳು ತಣ್ಣಗಾದ ನಂತರ ಎಣ್ಣೆಗೆ ಹಾಕಿ ಹೊಂಬಣ್ಣಕ್ಕೆ ಕರಿಯಬೇಕು. ಅಷ್ಟೇ... ಮಸಾಲಾ ಬಾದಾಮಿ ಇಡ್ಲಿಗಳು ತಯಾರಾದಂತೆ. ಬಿಸಿಬಿಸಿ ಇಡ್ಲಿಗಳನ್ನು ಕೊಬ್ಬರಿ ಚಟ್ನಿ

ಅಥವಾ ಟೊಮೊಟೊ ಚಟ್ನಿಯೊಂದಿಗೆ ತಿನ್ನುತ್ತಿದ್ದರೆ ಆ ಸ್ವಾದಿಷ್ಟಕ್ಕೆ ಸರಿಸಾಟಿ ಇಲ್ಲ ಬಿಡಿ. ಹಾಗಿದ್ದರೆ ತಡ ಯಾಕೆ ಪ್ರಯತ್ನಿಸಿ ನೋಡಿ.