ನೀವೂ ಪ್ರಯತ್ನಿಸಿ ಗರಿಗರಿಯಾದ 10 ವಿಧದ ದೋಸೆ

ಪ್ಲೇನ್ ದೋಸೆ:

ಅಕ್ಕಿ ಹಿಟ್ಟಿನಿಂದ ತಯಾರಿಸಲಾದ ಈ ದೋಸೆ ಒಂದು ಸರಳ ಪ್ರಕಾರವಾಗಿದೆ. ಇತರ ದೋಸೆಗಳಿಗೂ ಅಕ್ಕಿ ಹಿಟ್ಟು ಪ್ರಧಾನ. ಬಗೆ ಬಗೆಯ ಚಟ್ನಿಗಳೊಂದಿಗೆ ಈ ಪ್ಲೇನ್ ದೋಸೆಯನ್ನು ನಿಮಗೆ ಸವಿಯಬಹುದು.

ಮಸಾಲಾ ದೋಸೆ:

ಇದು ದೋಸೆ ವೆರೈಟಿಗಳಲ್ಲಿ ಹೆಚ್ಚು ಜನಪ್ರಿಯವಾದುದು. ಸ್ಟಫ್ ಮಾಡಿದ ಆಲೂಗಡ್ಡೆ ಇದಕ್ಕೆ ಉತ್ತಮ ಕಾಂಬಿನೇಶನ್. ಚಟ್ನಿ ಹಾಗೂ ಸಾಂಬಾರ್ ಜೊತೆ ಕೂಡ ಈ ದೋಸೆಯನ್ನು ಸೇವಿಸಲು ಇನ್ನಷ್ಟು ರುಚಿಕರವಾಗಿರುತ್ತದೆ. ಕೆಲವು ಹೋಟೆಲ್‌ಗಳು ಮಸಾಲಾ ದೋಸೆ ಯೊಂದಿಗೆ ವಡೆಯನ್ನು ನೀಡುತ್ತಾರೆ.

ಬೆಣ್ಣೆ ದೋಸೆ:

ನಿಮ್ಮ ತಟ್ಟೆ ಖಾಲಿಯಾಗುವಂತೆ ಈ ದೋಸೆ ಮಾಡುತ್ತದೆ. ಬೆಣ್ಣೆಯನ್ನು ಕರಗಿಸಿ ಕಾವಲಿ ಮೇಲೆ ಹುಯ್ದು ನಂತರ ದೋಸೆಯನ್ನು ತಯಾರಿಸುತ್ತಾರೆ. ಆದ್ದರಿಂದ ಇದರ ಹೆಸರು ಬೆಣ್ಣೆ ದೋಸೆ ಎಂದಾಗಿದೆ.

ರವಾ ದೋಸೆ:

ಉತ್ತರ ಭಾರತದಲ್ಲಿ ಹೆಚ್ಚು ಕಾಣಸಿಗುವ ದೋಸೆ ವೆರೈಟಿ ಆಗಿದೆ ರವಾ ದೋಸೆ. ರವೆಯನ್ನು ಬಳಸಿ ಈ ದೋಸೆ ತಯಾರಿಸುತ್ತಾರೆ. ಇತರ ದೋಸೆಗಳಿಗೆ ಹೋಲಿಸಿದರೆ ರವಾ ದೋಸೆ ರುಚಿ ಅದ್ಭುತವಾಗಿರುತ್ತದೆ.

ಪೇಪರ್ ದೋಸೆ:

ನಿಮ್ಮ ತಟ್ಟೆಗಿಂತಲೂ ದೊಡ್ಡದು ಹಾಗೂ ನಿಮ್ಮ ಟೇಬಲ್‌ಗಿಂತ ಸಣ್ಣದಾಗಿರುವ ದೋಸೆಯ ರುಚಿಯನ್ನು ನೀವು ಸವಿದಿರುವಿರಾ? ಅದುವೇ ಪೇಪರ್ ದೋಸೆ. ರುಚಿಯಲ್ಲಿ ಅಸಾಧಾರಣವಾಗಿರುವ ಪೇಪರ್ ದೋಸೆ ದೊಡ್ಡದಾಗಿರುತ್ತದೆ ಮತ್ತು ಕ್ರಿಸ್ಪಿಯಾಗಿರುತ್ತದೆ.

ನೀರು ದೋಸೆ:

ಕರ್ನಾಟಕದಲ್ಲಿ ಅದರಲ್ಲೂ ತುಳುವರು ಈ ದೋಸೆಯ ಫ್ಯಾನ್ ಎಂದೇ ಹೇಳಬಹುದು. ಹಿಟ್ಟನ್ನು ತುಸು ನೀರಾಗಿ ಕಡೆದು ತೆಳ್ಳಗೆ ಕಾವಲಿಯಲ್ಲಿ ಹುಯ್ದು ಈ ದೋಸೆಯನ್ನು ತಯಾರಿಸುತ್ತಾರೆ.

ಅಮೇರಿಕನ್ ಚೋಪ್ಸಿ ದೋಸೆ:

ವಾವ್! ಹೆಸರೇ ದೋಸೆಗೆ ವಿಶೇಷತೆಯನ್ನು ತಂದುಕೊಟ್ಟಿದೆ! ಭಾರತ, ಅಮೇರಿಕಾ ಹಾಗೂ ಚೀನಾದ ರುಚಿಯನ್ನು ಬಳಸಿ ವಿಭಿನ್ನ ರುಚಿಯ ದೋಸೆ ತಯಾರಿಸುತ್ತಾರೆ. ನೂಡಲ್ಸ್ ಮತ್ತು ಸಾಸ್ ಅನ್ನು ದೋಸೆಗೆ ಸ್ಟಫಿಂಗ್ ಆಗಿ ಬಳಸುತ್ತಾರೆ. ಇದನ್ನು ನೀವು ಖಂಡಿತ ಟ್ರೈ ಮಾಡಲೇಬೇಕು.

ಈರುಳ್ಳಿ ದೋಸೆ:

ಈ ದೋಸೆಯನ್ನು ಸುಲಭವಾಗಿ ತಯಾರಿಸಬಹುದು. ಸಾಮಾನ್ಯವಾಗಿ ದೋಸೆ ಹಿಟ್ಟನ್ನು ಹೊಯ್ಯುವಂತೆ ಕಾವಲಿಯಲ್ಲಿ ಹುಯ್ದು ಅದಕ್ಕೆ ಕತ್ತರಿಸಿದ ಈರುಳ್ಳಿಯನ್ನು ಮೇಲ್ಭಾಗಕ್ಕೆ ಹಾಕಿ ದೋಸೆಯನ್ನು ಸಿದ್ಧಪಡಿಸುತ್ತಾರೆ.

ಮೊಟ್ಟೆ ದೋಸೆ:

ನೀವು ಮಾಂಸಹಾರಿ ದೋಸೆಯನ್ನು ಟ್ರೈ ಮಾಡಬೇಕೆಂದು ಬಯಸಿದ್ದಲ್ಲಿ, ಮೊಟ್ಟೆ ದೋಸೆ ಒಂದು ಒಳ್ಳೆಯ ಆಯ್ಕೆಯಾಗಿದೆ. ಮೊಟ್ಟೆಯನ್ನು ಬೀಟ್ ಮಾಡಿ ದೋಸೆಯ ಹಿಟ್ಟಿನ ಸುತ್ತಲೂ ಹಾಕಿ ಇದನ್ನು ತಯಾರಿಸಿ. ಇದು ನಿಮಗೆ ಹೊಸ ಅನುಭವವಾಗುತ್ತದೆ.

ತರಕಾರಿ ದೋಸೆ:

ನಿಮಗೆ ಆರೋಗ್ಯ ಮುಖ್ಯವಾಗಿದ್ದರೆ ತರಕಾರಿ ದೋಸೆ ನಿಮ್ಮ ಮೆಚ್ಚಿನದಾಗಿರಲಿ. ತರಕಾರಿಗಳಿಂದ ಪೂರೈಕೆಯಾಗುವ ಎಲ್ಲಾ ನ್ಯೂಟ್ರೀನ್‌ಗಳನ್ನು ಇದು ನಿಮಗೆ ಒದಗಿಸುತ್ತದೆ. ಕ್ಯಾಬೇಜ್, ಮೊಳಕೆ ಬರಿಸಿದ ಧಾನ್ಯಗಳು ಹಾಗೂ ಸ್ಪ್ರಿಂಗ್ ಆನಿಯನ್‌ನಿಂದ ಈ ತರಕಾರಿ ದೋಸೆಯನ್ನು ತಯಾರಿಸಬಹುದು.