ಪೂರಿಯ ದೊಡ್ಡಪ್ಪ ಬಟುರಾ,ರೆಸಿಪಿ

Breakfast

oi-Staff

Published: Tuesday, January 12, 2010, 15:44 [IST]

ಸಾಮಾನ್ಯವಾಗಿ ಹೋಟೆಲುಗಳಲ್ಲಿ ಬಟೂರಾ ತಿಂದ ಅನುಭವವಿರುವವರಿಗೆ ಬಟೂರಾ ಜತೆ ಚೆನ್ನ ಮಸಾಲಾ ತಿಂದು ರೂಢಿಯಾಗಿರತ್ತೆ. ಮನೆಯಲ್ಲಿ ಮಾಡುವಾಗ ಚೆನ್ನ ಇಷ್ಟವಿಲ್ಲದವರು ಪಲಕನ ಸೊಪ್ಪಿನ ನೀರು ಪಲ್ಯ ಮಾಡಿ ಸವಿಯಬಹುದು.

ಬೇಕಾದ ಸಾಮಗ್ರಿಗಳು

* 2 ಕಪ್ ಮೈದಾ ಹಿಟ್ಟು
* ಅರ್ಧ ಕಪ್ ಗಟ್ಟಿ ಮೊಸರು
* ಕಾಲು ಲೋಟ ಹಾಲು
* 3 ಚಮಚ ಬೆಣ್ಣೆ
* ಸ್ವಲ್ಪ ಅಡಿಗೆ ಸೋಡಾ
* ಒಂದ ಚಮಚ ಉಪ್ಪು
* ಕರಿಯುವುದಕ್ಕೆ ವನಸ್ಪತಿ

ತಯಾರಿಸುವ ವಿಧಾನ :

* ಅಗಲವಾದ ಪಾತ್ರೆಯಲ್ಲಿ ಹಿಟ್ಟು ಹಾಕಿ ಅದಕ್ಕೆ ಉಪ್ಪು,ಸೋಡಾ ಮತ್ತು ಬೆಣ್ಣೆ ಬೆರೆಸಿ ಚೆನ್ನಾಗಿ ಕಲಸಬೇಕು
* ಈ ಹಿಟ್ಟಿಗೆ ಮೊಸರು ಮತ್ತು ಹಾಲನ್ನು ಸುರಿದು ಮತ್ತೆ ಚೆನ್ನಾಗಿ ಕಲಸಿ. ಇನ್ನೂ ಬೇಕೆನಿಸಿದರೆ ಹಾಲು ಬೆರೆಸಿ, ನೀರು ಬೇಡವೇ ಬೇಡ
* ಹಿಟ್ಟನ್ನು ಮೂರು ಗಂಟೆ ಕಾಲ ಮುಚ್ಚಿಡಬೇಕು.
* ಆನಂತರ ಚಪಾತಿಯಂತೆ ಹಿಟ್ಟನ್ನು ಸಣ್ಣ ಗಾತ್ರಕ್ಕೆ ಲಟ್ಟಿಸಬೇಕು.
* ಬಿಸಿ ಎಣ್ಣೆಯನ್ನು ಪೂರಿ ಟೈಪ್ ಕರೆಯಿರಿ. ಉಬ್ಬಿ ಉಬ್ಬಿ ಬರುವ ಬಟೂರಾಗಳಲ್ಲಿನ ಎಣ್ಣೆಯ ಅಂಶವನ್ನು ಜಾಲರಿಯಲ್ಲಿ ಚೆನ್ನಾಗಿ ಬಸಿಯಿರಿ.