ರೆಸಿಪಿ: ಬದನೆ-ಅವರೆಕಾಳು ಕಾಂಬಿನೇಷನ್‌ ಸಾರು ಟೇಸ್ಟ್ ಮಾಡಿದ್ದೀರಾ?

ಈಗ ಅವರೆ ಸಮಯ, ಚಳಿಗಾಲದಲ್ಲಿ ಅವರೆ ತುಂಬಾನೇ ಮಾರುಕಟ್ಟೆಗೆ ಬರುತ್ತದೆ. ಅವರೆ ಬಂದರೆ ಏನೆಲ್ಲಾ ಮಾಡಬಹುದು ಎಂಬುವುದಕ್ಕೆ ಅವರೆ ಮೇಳಕ್ಕೆ ಹೋದರೆ ಸಾಕು, ಅವರೆ ಕಾಳು ಬಳಸಿ ನೂರಾರು ಬಗೆಯ ತಿಂಡಿ ತಿನಿಸುಗಳನ್ನು ತಯಾರಿಸುತ್ತಾರೆ.

ಅವರೆ ಸಾರು ಯಾವ ನಾನ್‌ವೆಜ್‌ ರುಚಿಗೆ ಕಡಿಮೆಯಿಲ್ಲ, ಆದ್ದರಿಂದ ಅವರೆಕಾಳಿಗೆ ತುಂಬಾನೇ ಡಿಮ್ಯಾಂಡ್. ಅವರೆಕಾಳಿನ ಸಾರು ಮಾಡಿದರೆ ಒಂದು ತುತ್ತು ಅನ್ನು ಹೆಚ್ಚೇ ಹೋಗುತ್ತದೆ. ನೀವು ಅವರೆ ಕಾಳನ್ನು ಬದನೆಕಾಯಿ ಕಾಂಬಿನೇಷನ್‌ ಜೊತೆ ಟ್ರೈ ಮಾಡಿದ್ದೀರಾ, ಇಲ್ಲಾ ಅಂದರೆ ಅಷ್ಟೊಂದು ಸೂಪರ್ ಆಗಿರುತ್ತದೆ, ಇಲ್ಲಿದೆ ನೋಡಿ ಅವರೆ-ಬದನೆಕಾಯಿ ಸಾರಿನ ರೆಸಿಪಿ.

ಬೇಕಾಗುವ ಸಾಮಗ್ರಿ
1 ಕಪ್‌ ಹೊಲದವರೆ
2 ಸಾಧಾರಣ ಗಾತ್ರದ ಬದನೆಕಾಯಿ
1 ಕಪ್ ಈರುಳ್ಳಿ
1 ಕಪ್ ಟೊಮೆಟೊ
1 ಚಮಚ ಖಾರದ ಪುಡಿ
ರುಚಿಗೆ ತಕ್ಕ ಉಪ್ಪು
2 ಚಮಚ ಎಣ್ಣೆ
ಸ್ವಲ್ಪ ಕೊತ್ತಂಬರಿ ಸೊಪ್ಪು

ಒಗ್ಗರಣೆಗೆ
1/2 ಚಮಚ ಸಾಸಿವೆ
1/2 ಚಮಚ ಉದ್ದಿನ ಬೇಳೆ
ಸ್ವಲ್ಪ ಕರಿಬೇವು

ಮಸಾಲೆಗೆ
ಅರ್ಧ ತೆಂಗಿನ ಕಾಯಿ (ತುರಿದಿದ್ದು)
1-2 ಹಸಿಮೆಣಸು
ಸ್ವಲ್ಪ ಕೊತ್ತಂಬರಿ ಸೊಪ್ಪು
1 ಚಕ್ಕೆ
ಸ್ವಲ್ಪ ಶುಂಠಿ
ಸ್ವಲ್ಪ ಬೆಳ್ಳುಳ್ಳಿ

ಯಮ್ಮೀ ಸ್ನ್ಯಾಕ್ಸ್ ರೆಸಿಪಿ: ಮೃದುವಾದ ಬಾಳೆಹಣ್ಣಿನ ಬೋಂಡಾ, ಆಹಾ ಸವಿದಷ್ಟೂ ಸಾಲದು

ಮಾಡುವ ವಿಧಾನ

* ಅವರೆ ಬೇಯಲು ಒಂದು ವಿಶಲ್ ಸಾಕು, ಬೇಕಿದ್ದರೆ ಎರಡು ವಿಶಲ್ ಹೊಡಿಸಬಹುದು.
* ಬದನೆಕಾಯಿಯನ್ನು ಸ್ವಲ್ಪ ದಪ್ಪ ತುಂಡುಗಳಾಗಿ ಕತ್ತರಿಸಿ
* ಈಗ ಪಾತ್ರೆಗೆ ಎಣ್ಣೆ ಹಾಕಿ ಬಿಸಿಮಾಡಿ, ನಂತರ ಎಣ್ನೆ ಹಾಕಿ ಅದಕ್ಕೆ ಸಾಸಿವೆ ಹಾಕಿ ಅದು ಚಟ್‌ಪಟ್ ಶಬ್ದ ಮಾಡುವಾಗ ಉದ್ದಿನ ಬೇಳೆ ಹಾಕಿ ಕತ್ತರಿಸಿದ ಈರುಳ್ಳಿ ಹಾಕಿ
* ಈರುಳ್ಳಿ ಕಂದು ಬಣ್ಣಕ್ಕೆ ಬರುವಷ್ಟು ಹೊತ್ತು ಫ್ರೈ ಮಾಡಿ
* ನಂತರ ಕತ್ತರಿಸಿದ ಟೊಮೆಟೊ ಹಾಕಿ, ಅರಿಶಿಣ ಪುಡಿ, ಉಪ್ಪು ಸೇರಿಸಿ, ನಂತರ ಟೊಮೆಟೊವನ್ನು ಸೌಟ್‌ನಿಂದಲೇ ಪೇಸ್ಟ್‌ ರೀತಿ ಮಾಡಿ.
* ನಂತರ ಬದನೆಕಾಯಿಯನ್ನು ನೀರಿನಿಂದ ತೆಗೆದು ಹಾಕಿ. ನಂತರ ಮಸಾಲೆ ಸೇರಿಸಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಬೇಯಿಸಿ.
* ನಂತರ ಬೇಯಿಸಿದ ಅವರೆಕಾಳು ಸೇರಿಸಿ. ಅವರೆಕಾಳು ಬೇಯಿಸುವಾಗ ಸ್ವಲ್ಪ ಉಪ್ಪು ಸೇರಿಸಬೇಕು.
* ನಂತರ ಈ ಗ್ರೇವಿಯನ್ನು 6-7 ನಿಮಿಷ ಕುದಿಸಿ, ಉಪ್ಪು-ಖಾರ ಸರಿಯಾಗಿದೆಯೇ ಎಂದು ನೋಡಿ ಉರಿಯಿಂದ ಇಳಿಸಿ, ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿ.