Just In
Don't Miss
- News Toilet Photo Viral: ಕಡಿಮೆ ಖರ್ಚಿನಲ್ಲಿ 'ಲೀಕೆಜ್ ಟ್ಯಾಂಕರ್'ನಿಂದ ಟಾಯ್ಲೆಟ್ ನಿರ್ಮಾಣ: ನೀವೂ ಟ್ರೈ ಮಾಡಿ
- Sports IPL 2024: ಹೈದರಾಬಾದ್-ಡೆಲ್ಲಿ ನಡುವೆ ಮೆಗಾ ಫೈಟ್; ಟಾಸ್, ಆಡುವ 11ರ ಬಳಗದ ವರದಿ
- Movies ರಾಜಕೀಯ ಆಯಾಮ ಬೇಡ, ಜನಸಾಮಾನ್ಯರ ಕೈಗೆ ಒಪ್ಪಿಸಿ ಎಂದ ರಚಿತಾ ರಾಮ್ ; #JusticeForNeha ಎಂದ ರಿಷಬ್ ಶೆಟ್ಟಿ..!
- Automobiles ಭಾರತದಲ್ಲಿ 80 ಲಕ್ಷ ಸ್ಕೂಟರ್ ಮಾರಿದ ಜಪಾನ್ ಕಂಪನಿ: ವಿಶ್ವಗುರು ಭಾರತದಲ್ಲಿ ಎಲ್ಲವೂ ಸಾಧ್ಯ!
- Technology 6000mAh ಬ್ಯಾಟರಿಯ ಈ ಫೋನ್ ಶೀಘ್ರದಲ್ಲೇ ಖರೀದಿಗೆ ಲಭ್ಯ!..ಬೆಲೆ ಎಷ್ಟು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ರೆಸಿಪಿ: ಸುಲಭವಾಗಿ ಮಾಡಬಹುದು ಆಲೂ ಚಕ್ಕುಲಿ
ಸಂಜೆ ವೇಳೆ ಸುರಿಯುವ ಜಿಟಿಜಿಟಿ ಮಳೆ, ಪಕ್ಕದಲ್ಲಿ ಬಿಸಿಬಿಸಿ ಕಾಫಿ ಜೊತೆ ಏನಾದರೂ ಕುರುಕುಲು ತಿಂಡಿಯಿದ್ದರೆ, ಸೂರ್ಯ ಮುಳುಗಿ ಕತ್ತಲು ಆವರಿಸಿದ್ದೇ ಗೊತ್ತಾಗುವುದಿಲ್ಲ. ಆದರೆ, ಪ್ರತಿದಿನ ಅದೇ ಪಕೋಡಾ, ಭಜ್ಜಿ ತಿಂದು ಬೋರ್ ಆಗಿದ್ಯಾ? ಹಾಗಾದ್ರೆ ಈ ಆಲೂಗಡ್ಡೆ ಚಕ್ಕುಲಿಯನ್ನೊಮ್ಮೆ ಟ್ರೈ ಮಾಡಿ.
ಬೇಕರಿಯಿಂದ ಇಂತಹ ಚಕ್ಕುಲಿ ತರುವ ಬದಲು ನೀವೇ ಮನೆಯಲ್ಲಿ ಸುಲಭವಾಗಿ ತಯಾರಿಸಬಹುದು, ಜೊತೆಗೆ ಸಾಲುಸಾಳು ಹಬ್ಬಗಳು ಬೇರೆ.. ಇನ್ನೇಕೆ ತಡ, ಆಲೂಗಡ್ಡೆ ಚಕ್ಕುಲಿ ಮಾಡುವ ವಿಧಾನವನ್ನು ನೋಡಿಕೊಂಡ ಬರೋಣ.
Recipe By: Shreeraksha
Recipe Type: snacks
Serves: 10
-
ಬೇಕಾಗುವ ಪದಾರ್ಥಗಳು:
2 ಬೇಯಿಸಿದ ಆಲೂಗಡ್ಡೆ
2 ಚಮಚ ನೀರು
2 ಕಪ್ ಅಕ್ಕಿ ಹಿಟ್ಟು
1 ಕಪ್ ಕಡಲೆ ಹಿಟ್ಟು
¼ ಚಮಚ ಅರಿಶಿನ
ಅರ್ಧ ಟೀಸ್ಪೂನ್ ಮೆಣಸಿನ ಪುಡಿ
1 ಚಮಚ ಜೀರಿಗೆ
½ ಚಮಚ ಉಪ್ಪು
1 ಚಮಚ ಬೆಣ್ಣೆ
ಎಣ್ಣೆ (ಹುರಿಯಲು)
-
ತಯಾರಿಸುವ ವಿಧಾನ:
ಮೊದಲು, ಆಲೂಗಡ್ಡೆಯನ್ನು ಬೇಯಿಸಿ, ಸಿಪ್ಪೆಯನ್ನು ತೆಗೆದು, ಕತ್ತರಿಸಿ ಮಿಕ್ಸಿಗೆ ಹಾಕಿ, 2 ಚಮಚ ನೀರು ಸೇರಿಸಿ ರುಬ್ಬಿಕೊಂಡು, ಪಕ್ಕಕ್ಕೆ ಇರಿಸಿ.
ಈಗ ಒಂದು ದೊಡ್ಡ ಬಟ್ಟಲಿನಲ್ಲಿ 2 ಕಪ್ ಅಕ್ಕಿ ಹಿಟ್ಟು ಮತ್ತು 1 ಕಪ್ ಕಡಲೆಹಿಟ್ಟು ಸೇರಿಸಿ, ಅದಕ್ಕೆ ¼ ಚಮಚ ಅರಿಶಿನ, ½ ಚಮಚ ಮೆಣಸಿನ ಪುಡಿ, 1 ಚಮಚ ಜೀರಿಗೆ ಮತ್ತು ½ ಚಮಚ ಉಪ್ಪು ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ.
ಇದಕ್ಕೆ ಒಂದು ಚಮಚ ಬೆಣ್ಣೆ,, ತಯಾರಿಸಿದ ಆಲೂಗಡ್ಡೆ ಪೇಸ್ಟ್ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ.
ಈಗ ಅಗತ್ಯವಿರುವಂತೆ ನೀರನ್ನು ಬೆರೆಸಿಕೊಳ್ಳಿ. ಹೆಚ್ಚು ನೀರು ಸೇರಿಸಬೇಡಿ, ಹಿಟ್ಟು ತುಂಬಾ ಮೃದುವಾಗಿದ್ದರೆ ಚಕ್ಕುಲಿ ಎಣ್ಣೆ ಎಣ್ಣೆಯಾಗುತ್ತದೆ ಮತ್ತು ಹಿಟ್ಟು ತುಂಬಾ ಗಟ್ಟಿಯಾಗಿದ್ದರೆ ಒತ್ತುವಾಗ ಒಡೆಯುತ್ತದೆ.
ಈ ಮಿಶ್ರಣವನ್ನು, ಚಕ್ಕುಲಿ ಹಾಕುವ ಅಚ್ಚಿಗೆ ಹಾಕಿಕೊಂಡು, ನಿಧಾನವಾಗಿ ಬಿಸಿ ಎಣ್ಣೆಗೆ ಒತ್ತಿ.
ಒಂದು ನಿಮಿಷ ಮುಟ್ಟಬೇಡಿ, ಏಕೆಂದರೆ ಚಕ್ಕುಲಿ ಮುರಿಯಬಹುದು.
ಒಂದು ನಿಮಿಷದ ನಂತರ, ಎರಡೂ ಬದಿಗಳಲ್ಲಿ ಮೀಡಿಯಂ ಫ್ಲೇಮ್ ನಲ್ಲಿಟ್ಟು, ಗೋಲ್ಡನ್ ಬ್ರೌನ್ ಆಗುವವರೆಗೂ ಹುರಿಯಿರಿ.
ಅಂತಿಮವಾಗಿ, ಗಾಳಿಯಾಡದ ಡಬ್ಬದಲ್ಲಿ ಶೇಖರಿಸಿ, ಒಂದು ವಾರ ಆಲೂ ಚಕ್ಕುಲಿಯನ್ನು ಸವಿಯಿರಿ.
- ಹಬ್ಬದ ಸಮಯಲ್ಲೂ ಇದನ್ನು ಮಾಡಬಹುದು
- ಸರ್ವ್ - 100g
- ಕ್ಯಾಲೋರಿ - 437
- ಕೊಬ್ಬು - 6g
- ಕಾರ್ಬ್ಸ್ - 82g