ಪೋಷಕರೇ, ಅಪ್ಪಿತಪ್ಪಿಯೂ ಮಕ್ಕಳಿಗೆ ಇಂತಹ ಮಾತುಗಳನ್ನು ಹೇಳಬೇಡಿ

"ನಮ್ಮಿಂದ ಅದನ್ನು ಎಂದಿಗೂ ಖರೀದಿಸಲಾಗುವುದಿಲ್ಲ":

ನಿಮ್ಮ ಮಕ್ಕಳು ತಮ್ಮ ಕನಸುಗಳು ಅಥವಾ ಆಕಾಂಕ್ಷೆಗಳು ಹಣದ ಮೇಲೆಯೇ ನಿಂತಿದೆ ಎಂದು ಭಾವಿಸುವಂತೆ ಮಾಡಬಾರದು. ಬದಲಾಗಿ, ಅದಕ್ಕಾಗಿ ಕಷ್ಟಪಡುವಂತೆ ಮಾಡಿ. ಹಣವು ಕಠಿಣ ಪರಿಶ್ರಮದ ಮೂಲಕ ಗಳಿಸಬಹುದಾದ ದೊಡ್ಡ ಮೌಲ್ಯವಾಗಿದೆ ಎಂದು ನಿಮ್ಮ ಮಕ್ಕಳು ತಿಳಿದುಕೊಳ್ಳಬೇಕು. ಮೊದಲೇ ಮಕ್ಕಳಲ್ಲಿ ಹಣದಿಂದಲೇ ಸಾಧ್ಯ, ಅಸಾಧ್ಯಗಳ ಬಗ್ಗೆ ಭಾವನೆ ಮೂಡಿಬಿಟ್ಟರೆ, ಮುಂದೆ ಅದು ಅವರ ಮೇಲೆ ವ್ಯತಿರಿಕ್ತವಾಗಿ ಪರಿಣಾಮ ಬೀರುವುದು.

"ನಾವು ನಿನಗಾಗಿ ಎಲ್ಲವನ್ನೂ ಮಾಡುತ್ತೇನೆ":

ಈ ಮಾತನ್ನು ಹೇಳುವುದರಿಂದ ನೀವು ಅವರಿಗಾಗಿ ಮಾಡುವ ಪ್ರತಿಯೊಂದು ಕೆಲಸವೂ ಉಪಕಾರಕ್ಕೆ ಅಥವಾ ಯಾವುದೋ ಕಟ್ಟುಪಾಡಿಗಾಗಿ ಮಾಡುತ್ತಿದ್ದೀರಾ ಎಂಬ ಭಾವನೆ ಬರುತ್ತದೆಯೇ ಹೊರತು, ಪ್ರೀತಿಯಿಂದಲ್ಲ ಎಂದು ಅನಿಸಿ ಬಿಡುತ್ತದೆ. ಮಕ್ಕಳ ಮೇಲಿನ ಪೋಷಕರ ಪ್ರೀತಿಯು ನಿಸ್ವಾರ್ಥವಾಗಿರಬೇಕು. ಅವರ ಮೇಲಿರುವ ಪ್ರೀತಿಗಾಗಿ ಎಲ್ಲವನ್ನು ಮಾಡುತ್ತಿದ್ದೇವೆ, ಇದರ ಹಿಂದೆ ಯಾವುದೇ ಉದ್ದೇಶವಿಲ್ಲ ಎಂಬುದು ಅವರಿಗೆ ಮನವರಿಕೆಯಾಗಬೇಕೆಂದರೆ ಇಂತಹ ಮಾತುಗಳನ್ನಾಡಬೇಡಿ, ಬದಲಾಗಿ ಹೇಳದೆಯೇ ಅವರನ್ನು ಖುಷಿಯಾಗಿಡಿ.

"ಮಗುವಿನಂತೆ ವರ್ತಿಸುವುದನ್ನು ನಿಲ್ಲಿಸು":

ಮಗು ಮಗುವಿನಂತೆ ವರ್ತಿಸುವುದು ತಪ್ಪಲ್ಲ. ಅವರು ತಪ್ಪು ಮಾಡಿದರೂ ಪರವಾಗಿಲ್ಲ. ಮಕ್ಕಳು ಅಳುವುದು ಸಹಜ. ಪಾಲಕರು ಕೆಲವೊಮ್ಮೆ ತಮ್ಮ ಮಕ್ಕಳ ಮೇಲೆ ಸ್ವಲ್ಪ ಹೆಚ್ಚು ಕಠೋರವಾಗಿ, ಮಗುವಾಗಿ ವರ್ತಿಸುವುದನ್ನು ನಿಲ್ಲಿಸು ಎಂದು ಹೇಳುತ್ತೀರಿ. ಇದು ಸರಿಯಲ್ಲ. ಚಿಕ್ಕ ವಯಸ್ಸಿನಲ್ಲಿ ಮಗುವಿನ ಮೇಲೆ ಒಂದು ನಿರ್ದಿಷ್ಟ ನಡವಳಿಕೆಯನ್ನು ಜಾರಿಗೊಳಿಸುವುದು ಅವರನ್ನು ಬಿಗಿಯಾಗಿ ಮತ್ತು ಸಂಪ್ರದಾಯವಾದಿಯನ್ನಾಗಿ ಮಾಡುತ್ತದೆ.

"ನೀನು ಇದನ್ನು ಎಂದಿಗೂ ಮಾಡಲು ಸಾಧ್ಯವಿಲ್ಲ":

ನಿಮ್ಮ ಮಗುವಿಗೆ ಹೇಳಬಹುದಾದ ಕೆಟ್ಟ ವಿಷಯ ಇದು. ಇದು ತಕ್ಷಣವೇ ಮಕ್ಕಳನ್ನು ವಿವಿಧ ರೀತಿಯಲ್ಲಿ ಅಸಮರ್ಥರೆಂದು ಭಾವಿಸುವಂತೆ ಮಾಡುತ್ತದೆ. ಅವರ ಆತ್ಮವಿಶ್ವಾಸ ಕುಂದಿಸಿಬಿಡುತ್ತದೆ. ಪಾಲಕರು ತಮ್ಮ ಮಕ್ಕಳನ್ನು ಪ್ರೇರೇಪಿಸಬೇಕು ಮತ್ತು ಅವರು ಜೀವನದಲ್ಲಿ ಮುನ್ನಡೆಯಲು ಅವರ ಮೈಲಿಗಲ್ಲುಗಳನ್ನು ಹಾಕಿಕೊಡಬೇಕೇ ಹೊರತು, ಅವರನ್ನು ಹೀಯಾಳಿಸುವುದು ಸರಿಯಲ್ಲ.

ನಿಮ್ಮ ಸಂಗಾತಿಯ ಬಗ್ಗೆ ಏನಾದರೂ ಕೆಟ್ಟದು:

ಏನೇ ಇರಲಿ, ನಿಮ್ಮ ಮಕ್ಕಳ ಮುಂದೆ ನಿಮ್ಮ ಸಂಗಾತಿಯ ಬಗ್ಗೆ ನಕಾರಾತ್ಮಕವಾಗಿ ಮಾತನಾಡದಿರಲು ಪ್ರಯತ್ನಿಸಿ. ಪಾಲಕರು ತಮ್ಮ ಮಕ್ಕಳ ಮುಂದೆ ಇತರರನ್ನು ಹೇಗೆ ಪರಿಗಣಿಸುತ್ತಾರೆ ಎಂಬುದರ ಬಗ್ಗೆ ಜಾಗರೂಕರಾಗಿರಬೇಕು. ಮಕ್ಕಳ ಮುಂದೆ ಜಗಳವಾಡುವುದನ್ನು ಅಥವಾ ನಿಮ್ಮ ಸಂಗಾತಿಯೊಂದಿಗೆ ಕಠಿಣ ಸ್ವರದಲ್ಲಿ ಮಾತನಾಡುವುದನ್ನು ತಪ್ಪಿಸಲು ಪ್ರಯತ್ನಿಸಿ. ನಿಮ್ಮ ಮಕ್ಕಳು ಪ್ರೀತಿಯನ್ನು ಅನುಭವಿಸಬೇಕು, ಪ್ರೀತಿಯೇ ಎಲ್ಲದಕ್ಕೂ ಬುನಾದಿ ಎಂಬುದನ್ನು ನಂಬಬೇಕು.