ಗರ್ಭಿಣಿಯಾಗಿದ್ದಾಗ ಗರ್ಭಚೀಲ ಬೇರ್ಪಡುವುದು ( Placental Abruption) ಎಂದರೇನು? ಹೀಗಾದರೆ ಮಗು, ತಾಯಿಗೆ ಅಪಾಯಕಾರಿ ಏಕೆ?

ಗರ್ಭಚೀಲ ಒಡೆಯುತ್ತದೆ ಎಂದು ಸ್ಕ್ಯಾನಿಂಗ್‌ನಲ್ಲಿ ತಿಳಿಯುವುದೇ?

ನಿಯಮಿತ ತಪಾಸಣೆ ಮಾಡಿಸುತ್ತಿದ್ದರೂ ಗರ್ಭಚೀಲ ಬೇರ್ಪಡಬಹುದೆಂಬ ಯಾವ ಸೂಚನೆಯೂ ಇರುವುದಿಲ್ಲ, ಇದು ಇದ್ದಕ್ಕಿದ್ದಂತೆ ಉಂಟಾಗಬಹುದು. ಈ ರೀತಿಯಾದಾಗ ಈ ಲಕ್ಷಣಗಳು ಕಂಡು ಬರುತ್ತದೆ

* ರಕ್ತಸ್ರಾವ (ಕೆಲವರಲ್ಲಿ ಜನನೇಂದ್ರೀಯದಲ್ಲಿ ರಕ್ತಸ್ರಾವ ಉಂಟಾಗುವುದಿಲ್ಲ, ಇಂಟರ್ನಲ್ ಬ್ಲೀಡಿಂಗ್ ಆಗಿರುತ್ತದೆ)

* ತುಂಬಾ ಹೊಟ್ಟೆನೋವು

* ಸೊಂಟ ನೋವು

ಈ ರೀತಿಯಾದಾಗ ತುಂಬಾನೇ ರಕ್ತಸ್ರಾವವಾಗುವುದು, ಅಲ್ಲದೆ ಗರ್ಭಗೋಶದೊಳಗಡೆ ರಕ್ತ ಹೆಪ್ಪಗಟ್ಟುವ ಸಾಧ್ಯತೆ ಕೂಡ ಇದೆ. ಇದರ ಲಕ್ಷಣಗಳು ಎಲ್ಲರಲ್ಲೂ ಒಂದೇ ರೀತಿ ಇರುವುದಿಲ್ಲ, ಕೆಲವರಲ್ಲಿ ಗರ್ಭಚೀಲ ಸಂಪೂರ್ಣ ಬೇರ್ಪಟ್ಟಿದ್ದರೂ ಯಾವುದೇ ರಕ್ತಸ್ರಾವ ಇರುವುದಿಲ್ಲ.

ಕೆಲವರಲ್ಲಿ ಗರ್ಭಚೀಲ ನಿಧಾನಕ್ಕೆ ಬೇರ್ಪಡುತ್ತದೆ, ಆಗ ರಕ್ತಸ್ರಾವ ಕಂಡು ಬರುವುದು. ಮಗುವಿನ ಬೆಳವಣಿಗೆಯಲ್ಲಿ ತೊಂದರೆಯಿದ್ದರೆ, ಕಡಿಮೆ ನೀರಿನಾಂಶ (amniotic fluid)ಅಥವಾ ಇತರ ಅಂಶಗಳಿಂದಾಗಿ ಉಂಟಾಗುವುದು.

ಕಾರಣಗಳೇನು?

ಗರ್ಭಚೀಲ ಬೇರ್ಪಡಲು ನಿಖರ ಕಾರಣವೇನು ಎಂಬುವುದು ವೈದ್ಯ ಲೋಕಕ್ಕೆ ಇದುವರೆಗೆ ತಿಳಿದು ಬಂದಿಲ್ಲ. ಹೊಟ್ಟೆಯ ಒಳಗಡೆ ಏನಾದರೂ ಸಮಸ್ಯೆಯಿದ್ದರೆ ಅಥವಾ ಬಿದ್ದರೆ , ಆಘಾತ ಉಂಟಾಗಿದ್ದರೆ ಅಥವಾ ಹೊಟ್ಟೆಯಲ್ಲಿ ನೀರಿನಂಶ ಕಡಿಮೆಯಾದರೆ ಈ ಹಿಂದೆ ಗರ್ಭಪಾತವಾಗಿದ್ದರೆ ಈ ರೀತಿ ಆಗುವ ಸಾಧ್ಯತೆ ಇದೆ. ಇನ್ನು 35 ವರ್ಷ ಮೇಲ್ಪಟ್ಟು ಗರ್ಭಧಾರಣೆಯಾಗಿದ್ದರೆ ಕೂಡ ಈ ರೀತಿ ಸಾಧ್ಯತೆ ಇದೆ.

ಯಾರಿಗೆ ಗರ್ಭಿಣಿಯಾಗಿದ್ದಾಗ ಈ ಸಮಸ್ಯೆಯ ಅಧಿಕ

* ಈ ಮೊದಲು ಗರ್ಭಧರಿಸಿದಾಗ ಗರ್ಭಚೀಲ ಬೇರ್ಪಟ್ಟಿದ್ದರೆ

* ಹೈಪರ್‌ಟೆನ್ಷನ್

* ಹೊಟ್ಟೆಗೆ ಪೆಟ್ಟಾಗಿದ್ದರೆ

* ಧೂಮಪಾನ

* ಗರ್ಭಧಾರಣೆವೇಳೆ ಕೊಕೈನ್‌ ಸೇವಿಸಿದ್ದರೆ

* ಗರ್ಭಕೋಶದ ಒಳಗಡೆ ಸೋಂಕು ಇದ್ದರೆ

* ವಯಸ್ಸಾಗಿ ಗರ್ಭಧಾರಣೆಯಾಗಿದ್ದರೆ

ಗರ್ಭಚೀಲ ಬೇರ್ಪಟ್ಟಿದ್ದರೆ

* ಅತ್ಯಧಿಕ ರಕ್ತಸ್ರಾವವಾಗುವುದು

* ರಕ್ತ ಹೆಪ್ಪುಗಟ್ಟುವುದು

* ಇವರಿಗೆ ಕೂಡಲೇ ರಕ್ತ ನೀಡಬೇಕು.

* ಕಿಡ್ನಿ ವೈಫಲ್ಯವಾಗಬಹುದು

* ಕೆಲವರಿಗೆ ರಕ್ತಸ್ರಾವ ನಿಲ್ಲುವುದೇ ಇಲ್ಲ

ಮಗುವಿಗೆ ಏನೆಲ್ಲಾ ತೊಂದರೆಯಾಗುವುದು

* ಮಗುವಿಗೆ ಪೋಷಕಾಂಶ ಮತ್ತು ಆಮ್ಲಜನಕ ದೊರೆಯುವುದಿಲ್ಲ

* ಅವಧಿಪೂರ್ವ ಹೆರಿಗೆಯಾಗುವುದು

* ಮಗು ಹುಟ್ಟುವಾಗಲೇ ಸಾವನ್ನಪ್ಪಿರುತ್ತದೆ.

ತಡೆಗಟ್ಟಬಹುದೇ?

ಗರ್ಭಚೀಲ ಬೇರ್ಪಡುವುದನ್ನು ತಡೆಗಟ್ಟಲು ಸಾಧ್ಯವಿಲ್ಲ. ಆದರೆ ಕೆಲವೊಂದು ಮುನ್ನೆಚ್ಚರಿಕೆವಹಿಸಿದರೆ ಈ ರೀತಿಯ ಅಪಾಯ ತಡೆಗಟ್ಟಬಹುದು. ಹೊಟ್ಟೆಗೆ ಪೆಟ್ಟಾಗಬಾರದು, ಬೈಕ್‌ನಲ್ಲಿ ಹೋಗುವಗ ಜಾಗ್ರತೆ.

ಈ ಮೊದಲು ಗರ್ಭಚೀಲ ಬೇರ್ಪಟ್ಟಿದ್ದರೆ ಮತ್ತೊಂದು ಗರ್ಭಧಾರಣೆಗೆ ಪ್ಲ್ಯಾನ್‌ ಮಾಡುವ ಮುನ್ನ ವೈದ್ಯರ ಸಲಹೆ ಪಡೆಯಿರಿ.