ಗರ್ಭಿಣಿಯರು ಜೋಳ ತಿಂದರೆ ಸಿಗುವ 5 ಪ್ರಮುಖ ಪ್ರಯೋಜನಗಳು

ಜೋಳ ಆರೋಗ್ಯಕರವಾದ ಆಹಾರವಾಗಿದೆ. ಇದನ್ನು ಗರ್ಭಿಣಿಯರು ಕೂಡ ತಿನ್ನಬಹುದಾಗಿದ್ದು, ಇದನ್ನು ತಿನ್ನುವುದರಿಂದ ಗರ್ಭಿಣಿಯರು ಪ್ರಮುಖ 6 ಪ್ರಯೋಜನಗಳನ್ನು ಪಡೆಯಬಹುದು. ಜೋಳದಲ್ಲಿ ಫಾಲಿಕ್ ಆಮ್ಲ, ನಾರಿನಂಶ, ವಿಟಮಿನ್ ಬಿ1, ಬಿ5 ಮತ್ತು ಸಿ ಇರುವುದರಿಂದ ಜೀರ್ಣಕ್ರಿಯೆಗೆ ಸಹಕಾರಿ.

ಗರ್ಭಿಣಿಯರು ತಮ್ಮ ಆಹಾರಕ್ರಮದಲ್ಲಿ ಜೋಳವನ್ನು ಸೇರಿಸುವುದರಿಂದ ಈ ಕೆಳಗಿನ ಪ್ರಮುಖ ಪ್ರಯೋಜನಗಳನ್ನು ಪಡೆಯಬಹುದು:

1. ಮಲಬದ್ಧತೆ ಹೋಗಲಾಡಿಸುತ್ತದೆ

ಗರ್ಭಿಣಿಯರಲ್ಲಿ ಮಲಬದ್ಧತೆ ಸಮಸ್ಯೆ ಹೆಚ್ಚಾಗಿ ಕಂಡು ಬರುತ್ತದೆ. ಗರ್ಭಿಣಿಯಾಗಿದ್ದಾಗ ಶರೀರದಲ್ಲಿ ಹಾರ್ಮೋನ್‌ಗಳ ಬದಲಾವಣೆಯಾಗುತ್ತದೆ ಹಾಗೂ ಜೀರ್ಣಕ್ರಿಯೆ ನಿಧಾನವಾಗಿ ನಡೆಯುವುದು, ಇದರಿಂದ ಮಲಬದ್ಧತೆ ಸಮಸ್ಯೆ ಉಂಟಾಗುತ್ತದೆ. ಇದನ್ನು ಹೋಗಲಾಡಿಸುವಲ್ಲಿ ಜೋಳ ಸಹಕಾರಿಯಾಗಿದೆ. ಜೋಳದಲ್ಲಿ ನಾರಿನಂಶ ಅಧಿಕವಿರುವುದರಿಂದ ಗರ್ಭಿಣಿಯರು ಜೋಳವನ್ನು ತಿನ್ನುವುದು ಒಳ್ಳೆಯದು.

ಜೋಳದಲ್ಲಿರುವ ಪೋಷಕಾಂಶಗಳು

2.ಮಗುವಿನ ಆರೋಗ್ಯಕ್ಕೆ ಒಳ್ಳೆಯದು

ಜೋಳದಲ್ಲಿ zeaxanthin ಎಂಬ ಅಂಶವಿದ್ದು ಇದು ಮ್ಯಾಕ್ಯೂಲರ್ ಡಿಜನರೇಷನ್ ಎಂಬ ಕಣ್ಣಿನ ಸಮಸ್ಯೆ ಉಂಟಾಗದಂತೆ ತಾಯಿಯನ್ನು ಹಾಗೂ ಮುಂದೆ ಮಗುವಿಗೆ ಕಣ್ಣಿನ ಸಮಸ್ಯೆ ಉಂಟಾಗದಂತೆ ತಡೆಯುತ್ತದೆ.

3. ಮಗುವಿಗೆ ದೈಹಿಕ ನ್ಯೂನ್ಯತೆ ಉಂಟಾಗದಂತೆ ತಡೆಯುತ್ತದೆ

ಇದರಲ್ಲಿ ಫಾಲಿಕ್ ಆಮ್ಲ ಇರುವುದರಿಂದ ಮೂಳೆಯಾರೋಗ್ಯಕ್ಕೆ ಒಳ್ಳೆಯದು, ಹಾಗೂ ಮಗುವಿಗೆ ದೈಹಿಕ ನ್ಯೂನತೆ ಉಂಟಾಗದಂತೆ ತಡೆಯುತ್ತದೆ.

ವಿಟಮಿನ್ಸ್

4. ಮಗುವಿನ ಮೆದುಳಿನ ಸಾಮರ್ಥ್ಯ ಹೆಚ್ಚಿಸುತ್ತದೆ

ಮಗುವಿನ ಮೆದುಳು ಸಾಮರ್ಥ್ಯ ಹೆಚ್ಚಿಸುವ ಆಹಾರದಲ್ಲಿ ಇದು ಕೂಡ ಒಂದಾಗಿದೆ. ಇದರಲ್ಲಿರುವ ಥಯಾಮೈನ್ ಮಗುವಿನ ಮೆದುಳಿನ ಬೆಳವಣಿಗೆಗೆ ಸಹಕಾರಿ.

5. ಮಗು ಹಾಗೂ ತಾಯಿಯಲ್ಲಿ ರೋಗ ನಿರೋಧಕ ಸಾಮರ್ಥ್ಯ ಹೆಚ್ಚಿಸುತ್ತದೆ

ಇದರಲ್ಲಿ ಬೀಟಾ ಕೆರೊಟಿನ್ ಹಾಗೂ ವಿಟಮಿನ್ ಎ ಇದ್ದು ಇದು ಗರ್ಭಿಣಿಯರಲ್ಲಿ ರೋಗ ನಿರೋಧಕ ಸಾಮರ್ಥ್ಯ ಹೆಚ್ಚಿಸುತ್ತದೆ ಹಾಗೂ ಮಗುವಿನ ಬೆಳವಣಿಗೆಗೆ ಸಹಕಾರಿ.

ಜೋಳದಲ್ಲಿರುವ ಖನಿಜಾಂಶಗಳು

ಯಾವಾಗ ಜೋಳ ಒಳ್ಳೆಯದಲ್ಲ?

*ಜೋಳದಲ್ಲಿ ಅಧಿಕ ಕೊಬ್ಬಿನ ಆಮ್ಲವಿರುವುದರಿಂದ ಹೃದಯ ಸಮಸ್ಯೆ ಇರುವವರು ದಿನಾ ತಿನ್ನುವುದು ಒಳ್ಳೆಯದಲ್ಲ.
*ಅಜೀರ್ಣ ಸಮಸ್ಯೆಯಿದ್ದಾಗ ಜೋಳ ತಿನ್ನಬೇಡಿ.

ಮೈಕ್ರೋವೇವ್‌ ಜೋಳ ಒಳ್ಳೆಯದಾ?

ಮೈಕ್ರೋವೇವ್‌ನಲ್ಲಿ ಮಾಡಿದ ಪಾಪ್‌ಕಾರ್ನ್‌ನಲ್ಲಿ perfluorooctanoic ಆಮ್ಲವೆಂಬ ರಾಸಾಯನಿಕವಿರುತ್ತದೆ. ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಆದ್ದರಿಂದ ಗರ್ಭಿಣಿಯರು ಮೈಕ್ರೋವೇವ್‌ ಪಾಪ್‌ಕಾರ್ನ್‌ ತಿನ್ನಬೇಡಿ.

ಸಾಮಾನ್ಯವಾಗಿ ಕೇಳಿ ಬರುವ ಪ್ರಶ್ನೆಗಳು

ಗರ್ಭಿಣಿಯರು ಅತಿಹೆಚ್ಚು ಜೋಳ ತಿಂದರೆ ಹಾನಿಕಾರಕವೇ?

ಯಾವ ವಸ್ತುವೇ ಆಗಿರಲಿ ಅತಿ ಹೆಚ್ಚು ತಿಂದರೆ ಒಳ್ಳೆಯದಲ್ಲ. ಇನ್ನು ಜೋಳ ರುಚಿ ಸಿಗಬೇಕಾದರೆ ಉಪ್ಪು ಬೇಕೇಬೇಕು. ಉಪ್ಪಿನಂಶ ಅಧಿಕ ತಿಂದರೆ ದೇಹದಲ್ಲಿ ನೀರಿನಂಶ ಕಡಿಮೆಯಾಗುವುದು. ಆದ್ದರಿಂದ ಜೋಳವನ್ನು ಮಿತಿಯಲ್ಲಿ ತಿನ್ನಿ.

ಬೇಯಿಸದೆ ಜೋಳ ತಿನ್ನಬಹುದೇ?

ಜೋಳವನ್ನು ಸಲಾಡ್‌ನಲ್ಲಿ ಬೇಯಿಸದೆಯೂ ತಿನ್ನಬಹುದು, ಆದರೆ ತುಂಬಾ ತಿನ್ನಬೇಡಿ.