ಗರ್ಭಾವಸ್ಥೆಯಲ್ಲಿ ಬೆಡ್ ರೆಸ್ಟ್ ಏಕೆ ಹೇಳುತ್ತಾರೆ?

ಬೆಡ್ ರೆಸ್ಟ್ ಎಂದರೇನು?

ಬೆಡ್ ರೆಸ್ಟ್ ಸಾಮಾನ್ಯವಾಗಿ ಗರ್ಭಾವಸ್ಥೆಯ ಸಮಯದಲ್ಲಿ ಕೆಲವರಿಗೆ ವೈದ್ಯರು ಸಲಹೆ ನೀಡುತ್ತಾರೆ. ಕೆಲವು ಚಟುವಟಿಕೆಗಳನ್ನು ನಿರ್ಬಂಧಿಸುವ ಉದ್ದೇಶವಾಗಿರುತ್ತದೆ. ಹಿಂದಿನ ಕಾಲದಲ್ಲಿ ಅತ್ಯಂತ ಅಪಾಯದ ಸಮಯದಲ್ಲಿ ಮಾತ್ರ ಬೆಡ್ ರೆಸ್ಟ್ ಸಲಹೆ ನೀಡಲಾಗುತ್ತಿತ್ತು. ಆದರೆ ಇಂದಿನ ದಿನಮಾನದಲ್ಲಿ ತಾಯಿಯ ಆರೋಗ್ಯವು ಬಹಳ ಸೂಕ್ಷ್ಮ ಸ್ಥಿತಿಯಲ್ಲಿ ಇರುತ್ತದೆ. ಈ ಕಾರಣಕ್ಕಾಗಿ ಕೆಲವು ಸೀಮಿತ ಅವಧಿಯವರೆಗೆ ವೈದ್ಯರು ಬೆಡ್‍ರೆಸ್ಟ್ ಹೇಳುವ ಸಾಧ್ಯತೆಗಳಿರುತ್ತವೆ. ಬೆಡ್ ರೆಸ್ಟ್ ಗರ್ಭಿಣಿಯ ಮಾನಸಿಕ ಮತ್ತು ದೈಹಿಕ ಆರೋಗ್ಯವನ್ನು ಸಮತೋಲನದಲ್ಲಿ ಇರುವಂತೆ ಕಾಯ್ದುಕೊಳ್ಳಬಹುದು.

ಪ್ರಿಕ್ಲಾಂಪ್ಸಿಯ

ಈ ಸ್ಥಿತಿಯನ್ನು ಟಾಕ್ಸಿಮಿಯಾ ಎಂದು ಕರೆಯಲಾಗುತ್ತದೆ. ಇದರ ಸಾಮಾನ್ಯ ಲಕ್ಷಣವೆಂದರೆ ಅಧಿಕ ರಕ್ತದ ಒತ್ತಡ. ಇತರ ಲಕ್ಷಣ ವೆಂದರೆ ಮೂತ್ರದಲ್ಲಿ ಪ್ರೋಟೀನ್ ಹೊಂದುವುದು, ಕೈ, ಕಾಲು ಮತ್ತು ಮುಖ ಊತದಿಂದ ಕೂಡಿರುವುದು. ಪ್ರಿಕ್ಲಾಂಪ್ಸಿಯ ಹೊಂದಿರುವ ಗರ್ಭಿಣಿಯರಿಗೆ ಸಾಮಾನ್ಯವಾಗಿ ಬೆಡ್ ರೆಸ್ಟ್ ಸಲಹೆ ನೀಡುತ್ತಾರೆ. ಇದು ಗಂಭೀರ ಸಮಸ್ಯೆಯಾಗಿರುವುದರಿಂದ ನಿಯಮಿತವಾಗಿ ಮೇಲ್ವಿಚಾರಣೆ ನಡೆಸುತ್ತಲಿರಬೇಕಾಗುವುದು.

ಗರ್ಭಕಂಠದ ತೊಂದರೆ:

ಗರ್ಭಿಣಿಯ ಗರ್ಭಕಂಠವು ಮೃದುತ್ವ, ತೆಳುವಾಗಿರುವುದು, ಗರ್ಭಕಂಠ ತೆರೆದುಕೊಳ್ಳುವಂತೆ ಇದ್ದರೆ ಅಥವಾ ಅಸಮರ್ಥವಾದ ಗರ್ಭಕಂಠ ಹೊಂದಿದ್ದರೆ ಬೆಡ್ ರೆಸ್ಟ್ ಹೇಳುತ್ತಾರೆ. ಇಲ್ಲವಾದರೆ ಅಕಾಲಿಕ ಪ್ರಸವ ಆಗುವ ಸಾಧ್ಯತೆಗಳಿರುತ್ತವೆ.

ರಕ್ತಸ್ರಾವ

ಗರ್ಭಾವಸ್ಥೆಯಲ್ಲಿ ರಕ್ತಸ್ರಾವವು ಅಪಾರದರ್ಶಕ ಜರಾಯು ಅಥವಾ ಜರಾಯು ಹೊರಳುವಿಕೆಯ ಚಿಹ್ನೆಯಾಗಿರುತ್ತವೆ. ಇದು ಮೊದಲ ಮೂರು ತಿಂಗಳಲ್ಲಿ ಸಂಭವಿಸುವ ಸಾಧ್ಯತೆಗಳಿರುತ್ತವೆ. ಇದು ಗರ್ಭಪಾತವಾಗುವ ಲಕ್ಷಣವೂ ಆಗಿರಬಹುದು. ಇತರ ಎರಡು ತಿಂಗಳನ್ನು ಗಮನಿಸಿ ನಿಮಗೆ ಬೆಡ್ ರೆಸ್ಟ್ ಹೇಳಲಾಗುವುದು.

ಅಕಾಲಿಕ ಪ್ರಸವ

ಅಕಾಳಿಕ ಪ್ರಸವ ಅಥವಾ ಪ್ರಸವ ಪೂರ್ವದಲ್ಲಿಯೇ ಉಂಟಾಗುವ ಹೆರಿಗೆಯ ಲಕ್ಷಣಗಳಿದ್ದರೆ ವೈದ್ಯರು ಬೆಡ್ ರೆಸ್ಟ್ ಹೇಳುತ್ತಾರೆ. ಬೆಡ್ ರೆಸ್ಟ್ ಹೊಂದುವುದರಿಂದ ಉಂಟಾಗುವ ಅಪಾಯವನ್ನು ತಡೆಯಬಹುದು.

ಬಹು ಶಿಶುಗಳನ್ನು ಹೊಂದಿರುವುದು

ಗರ್ಭಿಣಿಯ ಹೊಟ್ಟೆಯಲ್ಲಿ ಅವಳಿ ಅಥವಾ ಅನೇಕ ಶಿಶುಗಳು ಇದ್ದಾಗ ಬೆಡ್‍ರೆಸ್ಟ್ ಹೇಳುತ್ತಾರೆ. ಹೀಗೆ ಮಾಡುವುದರಿಂದ ಅನೇಕ ಸಮಸ್ಯೆಗಳನ್ನು ತಡೆಗಟ್ಟಬಹುದು ಮತ್ತು ಅಕಾಲಿಕ ಪ್ರಸವವನ್ನು ತಡೆಯಬಹುದು.

ತೊಡಕಿನ ಇತಿಹಾಸ ಹೊಂದಿದ್ದರೆ:

ಈ ಹಿಂದೆ ಅಕಾಲಿಕ ಗರ್ಭಪಾತವನ್ನು ಅನುಭವಿಸಿದವರಾಗಿದ್ದರೆ ಅಥವಾ ಅಕಾಲಿಕ ಪ್ರಸವವನ್ನು ಹೊಂದಿರುವವರಾಗಿದ್ದರೆ ಅಂತಹ ಗರ್ಭಿಣಿಯರಿಗೆ ಮುನ್ನೆಚ್ಚರಿಕೆಯ ಕ್ರಮವಾಗಿ ಬೆಡ್ ರೆಸ್ಟ್ ಹೇಳುತ್ತಾರೆ.

ಗರ್ಭಾವಸ್ಥೆಯಲ್ಲಿ ಮಧುಮೇಹ

ಕೆಲವು ಗರ್ಭಿಣಿಯರಿಗೆ ಗರ್ಭಾವಸ್ಥೆಯಲ್ಲಿ ಮಧುಮೇಹ ಕಾಣಿಸಿಕೊಳ್ಳುತ್ತದೆ. ಅತ್ಯಧಿಕ ಪ್ರಮಾಣದ ಉತ್ತಮ ಆಹಾರ ಮತ್ತು ಉಳಿದ ಸಂಯೋಜನೆಳನ್ನು ಹೊಂದಿದ್ದರೆ, ಅದು ಮಗುವಿನ ಬೆಳವಣಿಗೆಯ ಮೇಲೆ ಪ್ರಭಾವ ಬೀರುವ ಸಾಧ್ಯತೆಗಳಿರುತ್ತವೆ. ಹಾಗಾಗಿ ಅಂತಹ ಸಂದರ್ಭದಲ್ಲೂ ಬೆಡ್ ರೆಸ್ಟ್ ಸಲಹೆ ಮಾಡಲಾಗುವುದು.

ಪ್ಲೆಸೆಂಟಾ ಪೆರ್ವಿಯಾ

ಗರ್ಭಕಂಠದ ಕೆಳಭಾಗದಲ್ಲಿ ಜರಾಯು ಗರ್ಭಕಂಠವನ್ನು ನಿರ್ಬಂಧಿಸಿರುತ್ತದೆ. ನೈಸರ್ಗಿಕ ಪ್ರಸವಕ್ಕೆ ಇದು ತೊಂದರೆಯನ್ನು ಉಂಟುಮಾಡಬಹುದು. ಮಗುವಿನ ಜನ್ಮಕ್ಕೆ ಸಿದ್ಧವಾಗುವ ತನಕ ಜರಾಯುಗಳ ಮೇಲೆ ಒತ್ತಡವನ್ನು ತಡೆಗಟ್ಟಲು ಮಹಿಳೆಯರಿಗೆ ಬೆಡ್ ರೆಸ್ಟ್ ವಿಶ್ರಾಂತಿ ಹೇಳಲಾಗುವುದು.

ಕಡಿಮೆ ಪ್ರಮಾಣದ ಆಮ್ನಿಯೋಟಿಕ್ ದ್ರವ

ಕೆಲವು ಮಹಿಳೆಯರಿಗೆ ಗರ್ಭಾಶಯದಲ್ಲಿ ಆಮ್ನಿಯೋಟಿಕ್ ದ್ರವ ಕಡಿಮೆ ಪ್ರಮಾಣದಲ್ಲಿ ಇರುತ್ತದೆ. ಇದು ನಿಮ್ಮ ಮಗುವಿಗೆ ಮಾರಣಾಂತಿಕವಾಗಬಹುದು. ನಿಮ್ಮ ಮಗುವಿನ ರಕ್ಷಣೆ ಮತ್ತು ಚಲನೆಗೆ ಸಹಾಯ ಮಾಡುವ ದ್ರವವಾಗಿರುತ್ತದೆ. ಹಾಗಾಗಿ ಇಂತಹ ಪರಿಸ್ಥಿತಿಯಲ್ಲಿರುವಾಗ ಕಡ್ಡಾಯವಾಗಿ ಬೆಡ್ ರೆಸ್ಟ್ ಹೇಳಲಾಗುತ್ತದೆ.

ದುರ್ಬಲ ಭ್ರೂಣ

ಗರ್ಭದಲ್ಲಿರುವ ಭ್ರೂಣವು ದುರ್ಬಲ ಸ್ಥಿತಿಯಲ್ಲಿದ್ದರೆ ಆಗ ಪೌಷ್ಟಿಕ ಆಹಾರದ ಸೇವನೆ ಹಾಗೂ ಬೆಡ್ ರೆಸ್ಟ್ ಗೆ ಸಲಹೆ ನೀಡುತ್ತಾರೆ. ಇಲ್ಲವಾದರೆ ಮಗುವಿಗೆ ಹಾಗೂ ತಾಯಿಗೆ ಇಬ್ಬರಿಗೂ ಅಪಾಯ ಉಂಟಾಗುವ ಸಾಧ್ಯತೆಗಳಿರುತ್ತವೆ.

ಬೆಡ್ ರೆಸ್ಟ್ ನ ಅಪಾಯಗಳು

ಕೆಲವು ಗರ್ಭಿಣಿಯರು ಕೊಂಚ ಆಯಾಸಕ್ಕೆ ಅಥವಾ ಕೊಂಚ ಬದಲಾವಣೆಗಳಿಗೂ ಹೆದರುತ್ತಾರೆ. ಜೊತೆಗೆ ವೈದ್ಯರ ಸಲಹೆ ಇಲ್ಲದೆ ಇರುವಾಗಲೂ ಸಹ ಅಧಿಕ ಪ್ರಮಾಣದ ಬೆಡ್ ರೆಸ್ಟ್ ಹೊಂದುತ್ತಾರೆ. ಸಮಸ್ಯೆ ಇರುವಾಗ ಅನಿವಾರ್ಯಕಾರಣಕ್ಕೆ ಬೆಡ್ ರೆಸ್ಟ್ ಹೊಂದುವುದು ಸಹಜ ಹಾಗೂ ಸೂಕ್ತವಾಗಿರುತ್ತದೆ. ಆದರೆ ಅನಗತ್ಯವಾಗಿ ಅಧಿಕ ಪ್ರಮಾಣದ ಬೆಡ್ ರೆಸ್ಟ್ ಹೊಂದುವುದರಿಂದ ಅನೇಕ ಸಮಸ್ಯೆಗಳು ಉಂಟಾಗುವುದು. ಅಗತ್ಯವಿದ್ದಾಗಲೂ ಬೆಡ್ ರೆಸ್ಟ್ ನಿಂದ ಕೆಲವು ಸಮಸ್ಯೆಗಳು ಸಾಮಾನ್ಯವಾಗಿ ಕಾಣಿಸಿಕೊಳ್ಳುವುದು ಎಂದು ಹೇಳಲಾಗುವುದು. ಅಧಿಕ ಪ್ರಮಾಣದ ಹಾಸಿಗೆ ವಿಶ್ರಾಂತಿ ಪಡೆದುಕೊಂಡರೆ ಅತಿಯಾದ ಶಿಶುವಿನ ಬೆಳವಣಿಗೆ, ಪ್ರಸವದ ನಂತರ ಶಿಶುವಿಗೆ ದುರ್ಬಲ ಸ್ನಾಯುಗಳು, ದುರ್ಬಲ ಮೂಳೆಯನ್ನು ಹೊಂದಿರುತ್ತವೆ. ಬೆಡ್ ರೆಸ್ಟ್

ನಿಂದ ರಕ್ತ ಹೆಪ್ಪುಗಟ್ಟುವಿಕೆ, ಆತಂಕ, ಖಿನ್ನತೆ, ದುಬಾರಿ ಹಣ ವ್ಯಯ, ಅತಿ ಕಡಿಮೆ ಜನನ ತೂಕ ಹೊಂದಿರುವ ನವಜಾತ ಶಿಶು ಹಾಗೂ ತಾಯಿಯ ಆರೋಗ್ಯದಲ್ಲೂ ಕೆಲವು ತೊಂದರೆ ಉಂಟಾಗುವ ಸಾಧ್ಯತೆಗಳಿವೆ.

ಹಾಗಾಗಿ ಗರ್ಭಾವಸ್ಥೆಯಲ್ಲಿ ನಿಮ್ಮ ಮಾನಸಿಕ ಸ್ಥಿತಿ ಹೇಗಿರಬೇಕು? ಆರೋಗ್ಯದ ಬಗ್ಗೆ ಯಾವ ರೀತಿಯಲ್ಲಿ ಆರೈಕೆ ಮತ್ತು ಚಿಂತನೆ ನಡೆಸಬೇಕು? ಎನ್ನುವುದರ ಕುರಿತು ಈ ಮುಂದೆ ನೀಡಿರುವ ವಿವರಣೆಯನ್ನು ಅರಿಯಿರಿ.

ಬೆಡ್ ರೆಸ್ಟ್ ನಿರ್ವಹಿಸಲು ಸಲಹೆಗಳು

ಬೆಡ್ ರೆಸ್ಟ್ ನಿರ್ವಹಿಸಲು ಮಾನಸಿಕವಾಗಿ ಮತ್ತು ದೈಹಿಕವಾಗಿ ಕಷ್ಟವಾಗಬಹುದು. ಹಾಗಾಗಿ ಈ ಮುಂದೆ ನೀಡಿರುವ ಕೆಲವು ಸಲಹೆಗಳನ್ನು ಪರಿಗಣಿಸಿ. ನಿಮ್ಮ ಆರೋಗ್ಯ ಮತ್ತು ಗರ್ಭಾವಸ್ಥೆಯ ಸಮಯದವನ್ನು ಸೂಕ್ತ ರೀತಿಯಲ್ಲಿ ಕಳೆಯಿರಿ.

ಹೊಸ ವಿಷಯ ತಿಳಿಯಿರಿ

ಹೊಸ ವಿಚಾರವನ್ನು ತಿಳಿದುಕೊಳ್ಳಲು ಬೆಡ್ ರೆಸ್ಟ್ ಸಮಯ ಸಹಕರಿಸುವುದು. ಯಾವುದಾದರೂ ಪರೀಕ್ಷೆಯನ್ನು ತೆಗೆದುಕೊಳ್ಳಿ. ಇಲ್ಲವೇ ಆನ್‍ಲೈನ್ ಮೂಲಕ ಹೊಸ ಭಾಷೆಯನ್ನು ಕಲಿಯಲು ಪ್ರಯತ್ನಿಸಿ. ನೈಗೆ ಗಳಂತಹ ಕೆಲವು ನೈಪುಣ್ಯತೆಯ ಕಲಿಕೆಯನ್ನು ಯೂಟ್ಯೂಬ್‍ಗಳ ಮೂಲಕ ಕಲಿಯಿರಿ.

ವ್ಯಾಯಾಮ

ಹಾಸಿಗೆಯಲ್ಲಿರುವಾಗ ಕೆಲವು ವ್ಯಾಯಾಮಗಳನ್ನು ಮಾಡಬಹುದು. ಹಾಸಿಗೆಯ ಸೌಕರ್ಯದಿಂದ ಮಾಡಬಹುದಾದ ಸರಳ ಮತ್ತು ಸುರಕ್ಷಿತ ವ್ಯಾಯಾಮದ ಬಗ್ಗೆ ವೈದ್ಯರ ಸಲಹೆಯ ಮೇರೆಗೆ ಪ್ರಾರಂಭಿಸಿ.

ವೇಳಾಪಟ್ಟಿ ಹೊಂದಿ

ಬೆಡ್ ರೆಸ್ಟ್ ಹೊಂದಿದ್ದೀರಿ ಎಂದ ಮಾತ್ರಕ್ಕೆ ನಿಮ್ಮ ಮಾನಸಿಕ ಚಿಂತನೆಗಳನ್ನು ವಿಶ್ರಾಂತಿಗೊಳಿಸಬೇಕಿಲ್ಲ. ಊಟ, ಉಪಹಾರ ಹೇರಿದಂತೆ ಇನ್ನಿತರ ಕೆಲಸ ಕಾರ್ಯಗಳಿಗೆ ಹಾಗೂ ಹವ್ಯಾಸಗಳಿಗೆ ಸೂಕ್ತ ವೇಳಾಪಟ್ಟಿಯನ್ನು ಮಾಡಿ. ಅದರಂತೆಯೇ ನಿತ್ಯವೂ ಕೆಲಸವನ್ನು ನಿರ್ವಹಿಸಿ. ಇದರಿಂದ ನಿಮ್ಮ ಗರ್ಭಾವಸ್ಥೆಯ ಸಮಯ ಉತ್ತಮ ಆರೋಗ್ಯದೊಂದಿಗೆ ಸುಂದರ ಅನುಭವ ನೀಡುವುದು.

ಸಹಾಯ ಪಡೆದುಕೊಳ್ಳಿ:

ಬೆಡ್ ರೆಸ್ಟ್ ಅಲ್ಲಿ ಇರುವಾಗ ನೀವು ಸ್ವತಃ ಯಾರಿಗೂ ಸಹಾಯ ಮಾಡುವ ಸ್ಥಿತಿಯಲ್ಲಿ ಇರುವುದಿಲ್ಲ. ನಿಮಗೆ ಅಗತ್ಯವಿದ್ದ ವಿಚಾರ ಹಾಗೂ ಕೆಲಸಗಳಿಗೆ ಮನೆ ಮಂದಿಯ ಸಹಾಯವನ್ನು ಕೇಳಿ ಪಡೆದುಕೊಳ್ಳಿ. ಸಹಾಯದ ಅಗತ್ಯ ಹೆಚ್ಚಾಗಿದ್ದರೂ ಅದಕ್ಕಾಗಿ ಮುಜುಗರ ಪಡೆದುಕೊಳ್ಳಬೇಕಾಗಿಲ್ಲ.

ಪೌಷ್ಟಿಕ ಆಹಾರವನ್ನು ಸೇವಿಸಿ:

ಬೆಡ್ ರೆಸ್ಟ್ ಪಡೆಯುವಾಗ ಉತ್ತಮ ಆಹಾರವನ್ನು ಸೇವಿಸಬೇಕು. ಜಂಕ್ ಆಹಾರ ಅಥವಾ ಕುರುಕಲು ಆಹಾರ ಪದಾರ್ಥಗಳಿಗೆ ಮನಸ್ಸು ಬಯಸಬಹುದು. ಆದರೆ ಅದರಿಂದ ದೂರವಿರಿ. ಸಮತೋಲಿತ ಆಹಾರ ಸೇವನೆ ಮಾಡುವುದರಿಂದ ತೂಕವು ಹತೋಟಿಯಲ್ಲಿರುವುದು. ಜೊತೆಗೆ ಮಲಬದ್ಧತೆಯಂತಹ ಸಮಸ್ಯೆಯನ್ನು ತಡೆಯಬಹುದು.

ಮಂದಿಯೊಡನೆ ಮಾತನಾಡಿ:

ಬೆಡ್ ರೆಸ್ಟ್ ಹೊಂದಿದ್ದೀರಿ ಎಂದರೆ ನೀವು ಪ್ರಪಂಚದಿಂದ ಪ್ರತ್ಯೇಕವಾಗಿದ್ದೀರಿ ಎಂದರ್ಥವಲ್ಲ. ಸುಮ್ಮನೆ ವಿಶ್ರಾಂತಿಯಲ್ಲಿದ್ದರೆ ಖಿನ್ನತೆ ಉಂಟಾಗಬಹುದು. ಹಾಗಿ ಮನೆ ಮಂದಿ, ಸ್ನೇಹಿತರು, ನೆಂಟರು ಸೇರಿದಂತೆ ಇನ್ನಿತರ ವ್ಯಕ್ತಿಗಳೊಂದಿಗೆ ಮಾತನಾಡುತ್ತಿರಿ.

ನೀವು ಸಂತೋಷದಿಂದ ಇರಿ:

ನಿಮಗೆ ಇಷ್ಟವಾಗುವ ಕೆಲಸಗಳನ್ನು ಮಾಡುವುದು, ನಿಮಗೆ ಇಷ್ಟವಾದವರೊಂದಿಗೆ ಮಾತನಾಡುವುದು, ಹಾಸ್ಯ, ಚಲನ ಚಿತ್ರಗಳ ವೀಕ್ಷಣೆ, ಆಸಕ್ತಿ ದಾಯಕ ಪುಸ್ತಕಗಳನ್ನು ಓದುವುದರಿಂದ ನೀವು ನಿಮ್ಮನ್ನು ಸಂತೋಷದಿಂದ ಇಟ್ಟುಕೊಳ್ಳಬಹುದು. ನಿಮ್ಮನ್ನು ನೀವು ಚಟುವಟಿಕೆಯಿಂದ ಕೂಡಿರುವಂತೆ ನೋಡಿಕೊಳ್ಳುವುದರ ಮೂಲಕ ಮಾನಸಿಕವಾಗಿ ಹೆಚ್ಚು ಸಮಾಧಾನ ಹೊಂದಬಹುದು.