ಗರ್ಭಿಣಿಯರಿಗೆ ಕಾಣಿಸಿಕೊಳ್ಳುವ ಮೈಗ್ರೇನ್‌ನ್ನು ನಿಯಂತ್ರಿಸಲು ಸಲಹೆಗಳು

Subscribe to Boldsky

ಮೈಗ್ರೇನ್ ತಲೆನೋವಿನ ಸಮಸ್ಯೆ ಎನ್ನುವುದು ವ್ಯಕ್ತಿಯೊಬ್ಬನನ್ನು ಹಿಂಡಿಹಿಪ್ಪೆ ಮಾಡಿಬಿಡುವುದು. ಮೈಗ್ರೇನ್ ಇರುವುದರಿಂದ ಯಾವುದೇ ರೀತಿಯ ಕೆಲಸ ಕಾರ್ಯಗಳನ್ನು ಸರಿಯಾಗಿ ಮಾಡಿಕೊಳ್ಳಲು ಆಗದು. ಇದನ್ನು ಅನುಭವಿಸಿದವರಿಗೆ ಅದು ಎಷ್ಟು ಸಂಕಷ್ಟ ನೀಡುವುದು ಎಂದು ತಿಳಿದಿರುವುದು. ಆದರೆ ಗರ್ಭಿಣಿಯರಿಗೆ ಕೂಡ ಮೈಗ್ರೇನ್ ಸಮಸ್ಯೆಯು ಕಾಣಿಸಿಕೊಳ್ಳುವುದು ಇದೆ.

ಗರ್ಭಧಾರಣೆಯ ಸಮಯದಲ್ಲಿ ಹಲವಾರು ರೀತಿಯ ನೋವನ್ನು ಸಹಿಸಿರುವಂತಹ ಮಹಿಳೆಗೆ ದೊಡ್ಡ ಸಮಸ್ಯೆಯೆಂದರೆ ಅದು ಮೈಗ್ರೇನ್. ಇದು ಎಲ್ಲರಲ್ಲೂ ಕಾಣಿಸಿಕೊಳ್ಳುವುದಿಲ್ಲ. ಆದರೆ ಕೆಲವು ಮಂದಿಯಲ್ಲಿ ಇದು ಕಂಡುಬರುವುದು. ಮೈಗ್ರೇನ್ ಬಂದರೆ ಇದಕ್ಕೆ ಔಷಧಿ ಕೂಡ ಇದೆ. ಆದರೆ ಗರ್ಭಧಾರಣೆ ಸಮಯದಲ್ಲಿ ಇದನ್ನು ಸೇವನೆ ಮಾಡಿದರೆ ಅದರಿಂದಾಗಿ ಕೆಲವೊಂದು ಅಡ್ಡಪರಿಣಾಮಗಳು ಆಗಬಹುದು. ಗರ್ಭಧಾರಣೆ ಸಂದರ್ಭದಲ್ಲಿ ಮೈಗ್ರೇನ್ ನ್ನು ನಿಭಾಯಿಸುವುದು ತುಂಬಾ ಕಠಿಣ ಕೆಲಸವಾಗಿರುವುದು.

ಈ ಲೇಖನದಲ್ಲಿ ನೀವು ಗರ್ಭಧಾರಣೆ ಸಮಯದಲ್ಲಿನ ಮೈಗ್ರೇನ್ ಸಮಸ್ಯೆ ಮತ್ತು ಅದಕ್ಕೆ ಕೆಲವೊಂದು ಪರಿಹಾರದ ಬಗ್ಗೆ ತಿಳಿಯಿರಿ.ಮೈಗ್ರೇನ್ ಸಮಸ್ಯೆಯಿಂದ ಬಳಲುತ್ತಿರುವ ಮಹಿಳೆಯರಲ್ಲಿ ಗರ್ಭಧಾರಣೆ ಸಂದರ್ಭದಲ್ಲಿ ಇದು ಕಡಿಮೆಯಾಗಬಹುದು. ಆದರೆ ಇನ್ನು ಕೆಲವು ಮಹಿಳೆಯರಲ್ಲಿ ಇದು ಮತ್ತಷ್ಟು ಹೆಚ್ಚಾಗಬಹುದು. ಗರ್ಭಧಾರಣೆ ವೇಳೆ ನೀವು ಮೈಗ್ರೇನ್‌ ಗೆ ಕಾರಣವೇನೆಂದು ತಿಳಿದುಕೊಂಡು ಅದನ್ನು ಸುಲಭವಾಗಿ ಕಡೆಗಣಿಸಲು ಪ್ರಯತ್ನಿಸಬೇಕು....

ಗರ್ಭಧಾರಣೆ ವೇಳೆ ಮೈಗ್ರೇನ್ ಬರಲು ಕಾರಣವೇನು?

ಗರ್ಭಧಾರಣೆ ವೇಳೆ ಮೈಗ್ರೇನ್ ಬರಲು ಕಾರಣವೇನು?

ಮೈಗ್ರೇನ್ ಬರಲು ಹಲವಾರು ರೀತಿಯ ಕಾರಣಗಳು ಇವೆ ಎಂದು ಹೇಳಲಾಗುತ್ತದೆ. ಕೆಲವು ವ್ಯಕ್ತಿಗಳಿಗೆ ಹುಟ್ಟುತ್ತಲೇ ಕೆಲವು ವಸ್ತುಗಳ ಬಗ್ಗೆ ಸೂಕ್ಷ್ಮತೆಯಿರುವುದು. ಇದರಿಂದ ಮೈಗ್ರೇನ್ ಕಾಣಿಸುವುದು.

ಗರ್ಭಿಣಿಯರಲ್ಲಿ ಮೈಗ್ರೇನ್ ಕಾಣಿಸಿಕೊಳ್ಳುವಂತಹ ಕೆಲವೊಂದು ಮೂಲ ಕಾರಣಗಳು.

Most Read: ಮೈಗ್ರೇನ್ ತಲೆನೋವಿಗೆ ಅಡುಗೆ ಮನೆಯಲ್ಲಿಯೇ ಇದೆ ಔಷಧಿ!

ಹಾರ್ಮೋನು ಅಸಮತೋಲನ

ಹಾರ್ಮೋನು ಅಸಮತೋಲನ

ಒಸ್ಟ್ರೋಜನ್ ಹಾರ್ಮೋನು ಮೈಗ್ರೇನ್ ಗೆ ಕಾರಣವಾಗುವುದು. ಹೆಚ್ಚಾಗಿ ಮಹಿಳೆಯರಿಗೆ ಗರ್ಭಧಾರಣೆ, ಋತುಚಕ್ರ ಮತ್ತು ಋತುಬಂಧದ ವೇಳೆ ಮೈಗ್ರೇನ್ ಕಾಣಿಸಿಕೊಳ್ಳುವುದು. ಇದರಿಂದಾಗಿಯೇ ಪುರುಷರಕ್ಕಿಂತ ಹೆಚ್ಚಾಗಿ ಮಹಿಳೆಯರಲ್ಲಿ ಮೈಗ್ರೇನ್ ಕಾಣಿಸಿಕೊಳ್ಳುವುದು. ಮತ್ತೊಂದು ಸೆರೋಟಿನ್ ಹಾರ್ಮೋನು ಕೂಡ ಮೈಗ್ರೇನ್ ಬರಲು ಕಾರಣವಾಗಿರುವುದು. ಸೆರೋಟಿನ್ ಮಟ್ಟವು ಕಡಿಮೆ ಇದ್ದರೆ ಆಗ ಮೈಗ್ರೇನ್ ಕಾಣಿಸಿಕೊಳ್ಳುವುದು. ಇದರಿಂದಾಗಿ ಭಾವನಾತ್ಮಕವಾಗಿ ಕುಸಿದಾಗ ಮತ್ತು ಒತ್ತಡದಿಂದ ಇರುವಾಗ ಮೈಗ್ರೇನ್ ಕಾಣಿಸಿಕೊಳ್ಳುವುದು.

ರಕ್ತದೊತ್ತಡದ ಅಸಮತೋಲನ

ರಕ್ತದೊತ್ತಡದ ಅಸಮತೋಲನ

ಹೆಚ್ಚಿನ ಮಹಿಳೆಯರಲ್ಲಿ ರಕ್ತದೊತ್ತಡದಲ್ಲಿ ಕಾಣಿಸಿಕೊಳ್ಳುವಂತಹ ಅಸಮತೋಲನವು ಮೈಗ್ರೇನ್ ಗೆ ಕಾರಣವಾಗುವುದು. ರಕ್ತದೊತ್ತಡವು ಹೆಚ್ಚಾಗುವ ಕಾರಣದಿಂದಾಗಿ ಮೆದುಳಿನ ನರಗಳು ರಕ್ತ ಸಂಚಾರವನ್ನು ನಿರ್ಬಂಧಿಸುವಂತೆ ಮಾಡುವುದು. ಗರ್ಭಧಾರಣೆ ವೇಳೆ ಅಧಿಕ ರಕ್ತದೊತ್ತಡದ ಜತೆಗೆ ಮೈಗ್ರೇನ್ ಕಾಣಿಸಿಕೊಳ್ಳುವುದು ಪ್ರಿಕ್ಲಾಂಪ್ಸಿಯದ ಸೂಚನೆಯಾಗಿದೆ.

ಸ್ನಾಯುಗಳ ಸೆಳೆತ

ಸ್ನಾಯುಗಳ ಸೆಳೆತ

ಸ್ನಾಯುಗಳ ಸೆಳೆತವು ಗರ್ಭಧಾರಣೆ ವೇಳೆ ಸಾಮಾನ್ಯ ವಿಚಾರವಾಗಿದೆ. ಬೆಳೆಯುತ್ತಿರುವ ಮಗುವಿಗೆ ಜಾಗ ಮಾಡಿಕೊಡುವ ಕಾರಣದಿಂದಾಗಿ ದೇಹದಲ್ಲಿ ಸ್ನಾಯುಗಳು ಹಿಗ್ಗುವುದು. ಇದರಿಂದಾಗಿ ಸ್ನಾಯುಗಳ ಮೇಲೆ ಒತ್ತಡ ಬಿದ್ದು, ಸ್ನಾಯು ಸೆಳೆತ ಉಂಟಾಗಬಹುದು. ಸ್ನಾಯು ಸೆಳೆತದ ವೇಳೆ ದೇಹವು ಸೆರೋಟಿನ್ ಸ್ರವಿಸುವುದು. ಇದರಿಂದಾಗಿ ಮೈಗ್ರೇನ್ ಕಾಣಿಸಿಕೊಳ್ಳುವುದು.

Most Read: ಮೈಗ್ರೇನ್ ತಲೆನೋವಿಗೆ ಮಾತ್ರೆ ಬಿಡಿ; ಮನೆ ಮದ್ದು ಪ್ರಯತ್ನಿಸಿ

ಇತರ ಕಾರಣಗಳು

ಇತರ ಕಾರಣಗಳು

ಮೈಗ್ರೇನ್ ಬರುವಂತಹ ಕಾರಣಗಳು ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗಿರುವುದು. ಆದರೆ ಕೆಲವೊಂದು ಸಾಮಾನ್ಯವಾದ ಕಾರಣಗಳೆಂದರೆ ಅದು ಚಾಕಲೇಟ್, ಕೆಫಿನ್, ಹವಾಮಾನ, ಸಂಸ್ಕರಿತ ಆಹಾರ ಮತ್ತು ಒತ್ತಡ. ನೀವು ಯಾವುದಾದರೂ ಆಹಾರಕ್ಕೆ ಹೆಚ್ಚು ಸೂಕ್ಷ್ಮವಾಗಿದ್ದರೆ ಆಗ ನೀವು ಮೈಗ್ರೇನ್ ಗೆ ಒಳಪಡುವಂತಹ ಸಾಧ್ಯತೆಯು ಅಧಿಕವಾಗಿರುವುದು ಎಂದು ಹೇಳಲಾಗುತ್ತದೆ. ಅತಿಯಾದ ಗಾಳಿ ಅಥವಾ ಮಂಜು ಬೀಳುವುದರಿಂದಲೂ ಮೈಗ್ರೇನ್ ಬರುವುದು.

ಗರ್ಭಧಾರಣೆ ವೇಳೆ ಮೈಗ್ರೇನ್ ಗೆ ಔಷಧಿ ತೆಗೆದುಕೊಳ್ಳಬಹುದೇ?

ಗರ್ಭಧಾರಣೆ ವೇಳೆ ಮೈಗ್ರೇನ್ ಗೆ ಔಷಧಿ ತೆಗೆದುಕೊಳ್ಳಬಹುದೇ?

ಮೈಗ್ರೇನ್ ಕಾಣಿಸಿಕೊಂಡರೆ ಆಗ ನೀವು ತಕ್ಷಣ ಹೋಗಿ ನೋವು ನಿವಾರಕ ಮಾತ್ರೆಗಳನ್ನು ಸೇವನೆ ಮಾಡುವಿರಿ. ಆದರೆ ಅಸ್ಪಿರಿನ್ ಅಥವಾ ಇಬುಪ್ರೊಫೆನ್ ನಂತಹ ಸ್ಟಿರಾಯ್ಡ್ ಮುಕ್ತವಾಗಿರುವಂತಹ ಉರಿಯೂತ ಶಮನಕಾರಿ ಮಾತ್ರೆಗಳು ಗರ್ಭದಲ್ಲಿರುವಂತಹ ಮಗುವಿಗೆ ಹೆಚ್ಚಿನ ಸಮಸ್ಯೆಯನ್ನು ಉಂಟು ಮಾಡುತ್ತದೆ. ಇದರಿಂದಾಗಿ ಇವುಗಳನ್ನು ಸೇವಿಸಲೇ ಬಾರದು. ಅಸ್ಪಿರಿನ್ ಅನ್ನು ನೀವು ಗರ್ಭ ಧರಿಸುವ ಆರಂಭದಲ್ಲಿ ತೆಗೆದುಕೊಂಡರೆ ಅದರಿಂದ ಗರ್ಭಪಾತವಾಗಬಹುದು. ಗರ್ಭಧಾರಣೆಯ ಮೂರನೇ ತ್ರೈಮಾಸಿಕದಲ್ಲಿ ಇದನ್ನು ತೆಗೆದುಕೊಂಡರೆ ಆಗ ಮಗುವಿನ ಹೃದಯಕ್ಕೆ ಸಮಸ್ಯೆಯಾಗಬಹುದು. ಇನ್ನೊಂದೆಡೆಯಲ್ಲಿ ಅಸೆಟಾಮಿನೋಫೆನ್ ನಂತಹ ಮಾತ್ರೆಗಳು ಗರ್ಭಧಾರಣೆ ವೇಳೆ ಸೇವಿಸಲು ಸೂಕ್ತವಾಗಿದೆ. ಅದಾಗ್ಯೂ, ನೀವು ಯಾವುದೇ ಅಪಾಯವನ್ನು ಎದುರಿಸದೆ ನೇರವಾಗಿ ವೈದ್ಯರ ಸಲಹೆ ಪಡೆದರೆ ಅದರಿಂದ ತುಂಬಾ ನೆರವು ಸಿಗುವುದು.

ಗರ್ಭಧಾರಣೆ ವೇಳೆ ಮೈಗ್ರೇನ್ ನಿಭಾಯಿಸುವುದು ಹೇಗೆ?

ಗರ್ಭಧಾರಣೆ ವೇಳೆ ಮೈಗ್ರೇನ್ ನಿಭಾಯಿಸುವುದು ಹೇಗೆ?

ಗರ್ಭದಲ್ಲಿರುವಂತಹ ಮಗುವಿಗೆ ಅಪಾಯವಾಗುತ್ತದೆ ಎನ್ನುವ ಕಾರಣಕ್ಕಾಗಿ ನೀವು ಮೈಗ್ರೇನ್ ಗೆ ಮಾತ್ರೆಗಳನ್ನು ಸೇವನೆ ಮಾಡದೆ ಇದ್ದರೆ ಆಗ ನೀವು ತುಂಬಾ ಪರಿಣಾಮಕಾರಿಯಾಗಿ ಇದನ್ನು ನಿಭಾಯಿಸಬಹುದಾಗಿದೆ. ಯಾವುದೇ ಔಷಧಿಯು ಇಲ್ಲದೆ ನೀವು ತುಂಬಾ ಸುರಕ್ಷಿತ ಹಾಗೂ ಪರಿಣಾಮಕಾರಿ ವಿಧಾನದಿಂದ ಮೈಗ್ರೇನ್ ನ್ನು ನಿಭಾಯಿಸುವುದು ಹೇಗೆ ಎಂದು ತಿಳಿಯಿರಿ.

Most Read: ಗರ್ಭಿಣಿಯರು ಅತಿಯಾಗಿ ಆಲೂಗಡ್ಡೆ ಚಿಪ್ಸ್ ತಿನ್ನಬಾರದು, ಆರೋಗ್ಯಕ್ಕೆ ತುಂಬಾ ಅಪಾಯಕಾರಿ

ಕಾರಣ ಹುಡುಕಿ

ಕಾರಣ ಹುಡುಕಿ

ನಿಮಗೆ ಮೈಗ್ರೇನ್ ಬರಲು ಕಾರಣ ಏನು ಎಂದು ನೀವು ಇದನ್ನು ಕಂಡು ಹಿಡಿಯಬೇಕಾಗಿದೆ. ಸ್ನಾಯುಗಳ ಸೆಳೆತ ಅಥವಾ ರಕ್ತದೊತ್ತಡದಲ್ಲಿ ಅಸಮತೋಲನ ಹೀಗೆ ಇದಕ್ಕೆ ಮೂಲ ಕಾರಣವೇನೆಂದು ಪತ್ತೆ ಮಾಡಿಕೊಂಡರೆ ನೀವು ಅರ್ಧ ಯುದ್ಧ ಗೆದ್ದಂತೆ. ಇದಕ್ಕಾಗಿ ನೀವು ಒಂದು ಡೈರಿ ಬರೆಯುವ ಅಭ್ಯಾಸ ಮಾಡಿಕೊಳ್ಳಿ. ಇದರಿಂದ ಮೈಗ್ರೇನ್ ಬರಲು ಕಾರಣವೇನು ಎಂದು ತಿಳಿಯಲು ನೆರವಾಗುವುದು.

ತಣ್ಣಗಿನ ಬಟ್ಟೆ ಹಾಕಿ ಅಥವಾ ತಣ್ಣೀರಿನ ಸ್ನಾನ ಮಾಡಿ

ತಣ್ಣಗಿನ ಬಟ್ಟೆ ಹಾಕಿ ಅಥವಾ ತಣ್ಣೀರಿನ ಸ್ನಾನ ಮಾಡಿ

ಇದು ತಲೆಯ ನರಗಳಿಗೆ ಆರಾಮ ನೀಡುವುದು ಮತ್ತು ಯಾವುದೇ ರೀತಿಯ ನೋವಿನಿಂದ ಆರಾಮ ನೀಡುವುದು. ಇದು ನೋವನ್ನು ಸ್ಪರ್ಶವಿಲ್ಲದಂತೆ ಮಾಡುವುದು. ನಿಮಗೆ ತಂಪು ಆಗದೆ ಇದ್ದರೆ ಆಗ ನೀವು ಬಿಸಿ ನೀರಿನ ಬಟ್ಟೆ ಅಥವಾ ಬಿಸಿ ನೀರಿನ ಸ್ನಾನ ಮಾಡಬಹುದು. ಇದು ಕೂಡ ಸ್ನಾಯುಗಳಿಗೆ ಆರಾಮ ನೀಡುವುದು ಮತ್ತು ನೋವು ನಿವಾರಿಸುವುದು.

Most Read: ಬುದ್ಧಿವಂತ ಮಗು ಹುಟ್ಟಬೇಕೆ? ಗರ್ಭಾವಸ್ಥೆಯಲ್ಲಿ ಸೇವಿಸುವ ಆಹಾರಗಳ ಡಯಟ್ ಹೀಗಿರಲಿ

ವ್ಯಾಯಾಮ

ವ್ಯಾಯಾಮ

ವ್ಯಾಯಾಮದಿಂದ ದೇಹದಲ್ಲಿ ಒಕ್ಸಿಟಾಸಿನ್ ಎನ್ನುವ ಉತ್ತಮ ಭಾವನೆ ಮೂಡಿಸುವ ಹಾರ್ಮೋನು ಹೆಚ್ಚಾಗುವುದು. ಇದು ನೈಸರ್ಗಿಕ ನೋವು ನಿವಾರಕವಾಗಿ ಕೆಲಸ ಮಾಡುವುದು ಮತ್ತು ಮೈಗ್ರೇನ್ ನೋವು ಕಡಿಮೆ ಮಾಡುವುದು. ಗರ್ಭಧಾರಣೆ ವೇಳೆ ವ್ಯಾಯಾಮ ಮಾಡುವ ಮೊದಲು ನೀವು ವೈದ್ಯರ ಸಲಹೆ ಪಡೆಯಿರಿ.

ನಿದ್ರೆ

ನಿದ್ರೆ

ಮೈಗ್ರೇನ್ ತಲೆನೋವು ನಿವಾರಣೆ ಮಾಡಲು ನಿದ್ರೆಯು ತುಂಬಾ ಪರಿಣಾಮಕಾರಿ ಚಿಕಿತ್ಸೆಯಾಗಿದೆ. ನಿದ್ರೆಯು ಮೈಗ್ರೇನ್ ಗೆ ಕಾರಣವಾಗಿರುವಂತಹ ಒತ್ತಡ ನಿವಾರಣೆ ಮಾಡುವುದು ಮತ್ತು ತಕ್ಷಣ ಆರಾಮ ನೀಡುವುದು. ನೋವಿನಿಂದಾಗಿ ನಿಮಗೆ ನಿದ್ರೆ ಬರದೆ ಇದ್ದರೆ ಆಗ ನೀವು ಸ್ವಲ್ಪ ಧ್ಯಾನ ಮಾಡಿ ನಿದ್ರೆಯ ಹಾರ್ಮೋನು ಉತ್ಪತ್ತಿಯಾಗುವಂತೆ ಮಾಡಿಕೊಳ್ಳಿ.

For Quick Alerts
ALLOW NOTIFICATIONS
For Daily Alerts

    English summary

    How To Manage Migraines During Pregnancy

    If you are suffering from migraines, you will find yourself at a dilemma during pregnancy because your go-to medication for the migraine headaches may not be safe anymore. So how do you manage migraine attacks during the crucial nine months of your pregnancy? Find out everything you need to know about pregnancy and migraines in our article below.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more