ಗರ್ಭಿಣಿ ಸ್ತ್ರೀ ಮಾತ್ರ ತಿಳಿದಿರುವ ಗರ್ಭಾವಸ್ಥೆಯ ಸತ್ಯಗಳು

ಹೆಣ್ಣಿಗೆ ತಾಯ್ತನೆಂಬುದು ಪ್ರಕೃತಿಯ ವರದಾನವಾಗಿದ್ದು ತನ್ನದೇ ಕರುಳ ಕುಡಿಯನ್ನು ಒಡಲಲ್ಲಿ ಹೊತ್ತು ಪೋಷಿಸುವ ಅನುಭೂತಿ ಆಕೆಗದು ಬೆಲೆ ಕಟ್ಟಲಾಗದ ಕ್ಷಣವಾಗಿದೆ. ತನ್ನೊಳಗೆ ಇನ್ನೊಂದು ಜೀವ ಬೆಳೆಯುತ್ತಿರುವಾಗ ಆಕೆಯಲ್ಲಿ ತೋರ್ಪಡಿಸಿಕೊಳ್ಳಲಾಗದೇ ಇರುವ ಭಾವನೆಗಳು ಸ್ಫುರಿಸುತ್ತವೆ.

ಆಕೆಗದು ವಿವರಿಸಲು ಸಾಧ್ಯಾವಾಗದೇ ಇರುವ ಸಂತಸವಾಗಿರುತ್ತದೆ. ತನ್ನ ಮಗು ಹೇಗಿರಬಹುದು, ಅದರ ಕಣ್ಣು, ಕೂದಲು, ತ್ವಚೆಯ ಬಣ್ಣ ಹೀಗೆ ತನ್ನ ಹುಟ್ಟಲಿರುವ ಕಂದಮ್ಮನ ಕುರಿತು ಆಕೆ ಸಾಕಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿರುತ್ತಾಳೆ. ಈ ಸಂದರ್ಭದಲ್ಲಿ ಆಕೆ ಕೆಲವೊಂದು ದೈಹಿಕ ಬದಲಾವಣೆಗಳಿಗೂ ಒಳಗಾಗಬೇಕಾಗುತ್ತದೆ.

ಆಕೆಗದು ಪ್ರಥಮ ಗರ್ಭವಾಗಿದ್ದರೆ ಗರ್ಭಿಣಿಗೆ ಈ ಅನುಭವಗಳು ಹೊಸದಾಗಿರುತ್ತವೆ. ಆಕೆ ಅನುಭವಿಸುವ ಈ ಬದಲಾವಣೆಗಳಿಂದ ಸಿಡುಕುತನ, ಒತ್ತಡ, ಮಾನಸಿಕ ಅಸಮಾಧಾನಗಳು ಉಂಟಾಗುತ್ತಿರುತ್ತವೆ. ವ್ಯಕ್ತಪಡಿಸಲು ಸಾಧ್ಯವಾಗದೇ ಇರುವ ಸಂಗತಿಗಳು ಆಕೆಯೊಳಗೆ ನಡೆಯುತ್ತಿರುತ್ತದೆ. ಗರ್ಭಾವಸ್ಥೆಯಲ್ಲಿ ಇದೆಲ್ಲಾ ಮಾಮೂಲು, ಭಯಪಡದಿರಿ!

ಇಂದಿನ ಲೇಖನದಲ್ಲಿ ಇಂತಹುದೇ ಕೆಲವೊಂದು ಅಂಶಗಳನ್ನು ನಾವು ತಿಳಿಸುತ್ತಿದ್ದು ಗರ್ಭಿಣಿ ಸ್ತ್ರೀ ಮಾತ್ರವೇ ಇದನ್ನು
ಅರ್ಥಮಾಡಿಕೊಳ್ಳಬಹುದಾಗಿದೆ. ಬನ್ನಿ ಅದೇನು ಎಂಬುದನ್ನು ಮುಂದೆ ಓದಿ...

ಭಾವನೆಗಳ ತಾಕಲಾಟ
ಆಕೆಯ ದೇಹದಲ್ಲಿ ಉಂಟಾಗುತ್ತಿರುವ ಹಾರ್ಮೋನಲ್ ಬದಲಾವಣೆಗಳಿಂದಾಗಿ ಅಂತೆಯೇ ಆತಂಕ ಮತ್ತು ಉದ್ವೇಗದಿಂದಾಗಿ ಆಕೆಯಲ್ಲಿ ಮೂಡ್ ಬದಲಾಗುತ್ತಿರುತ್ತದೆ.

ಬೆಳಗ್ಗಿನ ಅನಾರೋಗ್ಯ
ಬೆಳಗ್ಗೆ ಆಕೆಯನ್ನು ಕಾಡುವ ದೈಹಿಕ ಸಮಸ್ಯೆಗಳು ಕೆಲವು ನಿಮಿಷಗಳಿಗೆ ಮಾತ್ರ ಸೀಮಿತವಾಗಿರದೇ ಒಮ್ಮೊಮ್ಮೆ ಕೆಲವು
ಗಂಟೆಗಳವರೆಗೆ ಆಕೆ ಅನುಭವಿಸಬೇಕಾಗುತ್ತದೆ.

ಮಲಬದ್ಧತೆ ಸಮಸ್ಯೆಗಳು
ಗರ್ಭಾವಸ್ಥೆಯಲ್ಲಿ ಸ್ತ್ರೀಯನ್ನು ಕಾಡುವ ಸಮಸ್ಯೆಯಾಗಿದೆ ಮಲಬದ್ಧತೆ ಹಾರ್ಮೋನುಗಳ ಬದಲಾವಣೆಗಳಿಂದಾಗಿ ಕಡಿಮೆಯಾದ ಕರುಳಿನ ಚಲನೆಗಳಿಂದಾಗಿ, ಗರ್ಭಿಣೆಯು ಮಲಬದ್ಧತೆ ಸಮಸ್ಯೆಯನ್ನು ಎದುರಿಸುತ್ತಾಳೆ, ಇದು ಕಿರಿಕಿರಿಯನ್ನುಂಟು ಮಾಡುವುದು ಖಂಡಿತವಾಗಿದೆ.

ಆಗಾಗ್ಗೆ ವಾಶ್‎ರೂಮ್ ಭೇಟಿ
ಗಂಟೆಯಲ್ಲಿ ಆಗಾಗ್ಗೆ ಮೂತ್ರಕ್ಕೆ ಹೋಗುವ ಸಂಕಷ್ಟ ಆಕೆಗೆ ಮಾತ್ರವೇ ಅರ್ಥವಾಗುತ್ತದೆ. ಗರ್ಭದಿಂದ ಉಂಟಾಗುವ ಒತ್ತಡವು ಗಾಳಿಗುಳ್ಳೆಯ ಮೇಲೆ ಅನ್ವಯವಾಗುವುದರಿಂದ ಹೀಗೆ ಆಗುತ್ತದೆ.

ಮಗುವಿನ ಒದೆತದ ಸಂತಸ
ತನ್ನ ನವಜಾತ ಶಿಶು ತನ್ನದೇ ಕುಡಿ ಹೊಟ್ಟೆಯಲ್ಲಿ ಮೃದುವಾದ ಒದೆತಗಳನ್ನು ನೀಡಿದಾಗ ಆ ಸಂತಸ ಆಕೆಗೆ ವರ್ಣಿಸಲು ಆಗದ ಅನುಭವವಾಗಿರುತ್ತದೆ. ಇದೊಂದು ಭಾವನಾತ್ಮಕ ಕ್ಷಣವಾಗಿರುತ್ತದೆ