ಬಂಜೆತನಕ್ಕೆ ಮಹಿಳೆಯರು ಮಾತ್ರವಲ್ಲ ಪುರುಷರೂ ಕಾರಣ..

ಒತ್ತಡ ಕಡಿಮೆ ಮಾಡಿ

ಬಂಜೆತನವನ್ನು ಕಡಿಮೆ ಮಾಡಿಕೊಳ್ಳಲು ಮುಖ್ಯವಾಗಿ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳಬೇಕಾಗುತ್ತದೆ. ಲೈಂಗಿಕ ಕ್ರಿಯೆಗೆ ಮೊದಲು ಆರಾಮವಾಗಿ ಇದ್ದು, ಕೆಲವು ನಿಮಿಷ ರಸವತ್ತಾಗಿ ಮಾತನಾಡುತ್ತಿದ್ದರೆ ಅಂತಿಮವಾಗಿ ನೀವು ಬೇಕಾದೆಡೆ ಗಮನಹರಿಸಬಹುದಾಗಿದೆ.

ಔಷಧಿ

ಯುವ ಜನರಲ್ಲಿ ಬಂಜೆತನ ಕಾಣಿಸಿಕೊಳ್ಳಲು ಹಲವಾರು ಕಾರಣಗಳಿದ್ದರೂ ಅದರಲ್ಲಿ ಒಂದು ಔಷಧಿ. ನಾವು ಸೇವಿಸುವಂತಹ ಸುಮಾರು 150 ಔಷಧಿಗಳಲ್ಲಿ ಬಂಜೆತನವನ್ನು ಉಂಟುಮಾಡುವಂತಹ ಅಂಶಗಳಿವೆ ಎಂದು ವೈದ್ಯಕೀಯ ಮೂಲಗಳು ಹೇಳಿವೆ. ನೀವು ತೆಗೆದುಕೊಳ್ಳುತ್ತಿರುವ ಔಷಧಿ ಬಗ್ಗೆ ವೈದ್ಯರಲ್ಲಿ ಮಾತನಾಡಿ ಲೈಂಗಿಕ ಆಸಕ್ತಿಗೆ ಇದರಿಂದ ಕುಂದು ಉಂಟಾಗುತ್ತದೆಯಾ ಎಂದು ತಿಳಿದುಕೊಳ್ಳಿ. ವೈದ್ಯರು ಬೇರೆ ಔಷಧಿಯನ್ನು ನೀಡಿ ನಿಮ್ಮ ಸಮಸ್ಯೆಯನ್ನು ಪರಿಹರಿಸಬಹುದು.

ಮದ್ಯ

ಅತಿಯಾಗಿ ಮದ್ಯ ಸೇವನೆ ಮಾಡುತ್ತಿದ್ದರೆ ನೀವು ಅದರಿಂದ ದೂರ ಉಳಿಯುವುದು ಉತ್ತಮ. ಆಗ ಬಂಜೆತನವು ತನ್ನಿಂದತಾನೆ ದೂರ ಓಡಿಹೋಗುತ್ತದೆ.

ಧೂಮಪಾನ

ಮದ್ಯಪಾನದಂತೆ ಧೂಮಪಾನ ಕೂಡ ನಿಮ್ಮ ಆರೋಗ್ಯಕ್ಕೆ ಮಾತ್ರವಲ್ಲದೆ ಲೈಂಗಿಕ ಆಸಕ್ತಿ ಮೇಲೂ ಪರಿಣಾಮ ಬೀರಬಲ್ಲದು. ಸಿಗರೇಟಿನಲ್ಲಿರುವ ನಿಕೋಟಿನ್ ಎನ್ನುವ ಅಂಶವು ರಕ್ತನಾಳಗಳನ್ನು ಕುಗ್ಗಿಸಿ ನಿಮ್ಮ ಜನನಾಂಗಕ್ಕೆ ರಕ್ತ ಪರಿಚಲನೆಯಾಗದಂತೆ ತಡೆಯುತ್ತದೆ. ಬಂಜೆತನವನ್ನು ದೂರವಿಡಬೇಕಾದರೆ ನೀವು ಸಿಗರೇಟ್ ನ್ನು ದೂರಕ್ಕೆ ಎಸೆಯಬೇಕು.

ಅನಾರೋಗ್ಯಕರ ಆಹಾರ

ಆರೋಗ್ಯ ಸಮಸ್ಯೆಯಿಂದಾಗಿ ಉಂಟಾಗುವಂತಹ ಬಂಜೆತವನ್ನು ನಾವು ಆರೋಗ್ಯಕರ ಜೀವನಶೈಲಿಯಿಂದ ಪರಿಹರಿಸಿಕೊಳ್ಳಬಹುದಾಗಿದೆ. ಸರಿಯಾದ ಆಹಾರ ಪಥ್ಯ ಮತ್ತು ವ್ಯಾಯಾಮದಿಂದ ಬಂಜೆತನ ದೂರವಿಡಬಹುದು. ವ್ಯಾಯಾಮ ಮಾಡದೆ ಅನಾರೋಗ್ಯಕರ ಆಹಾರವನ್ನು ತಿನ್ನುತ್ತಿದ್ದರೆ ಆಗ ಖಂಡಿತವಾಗಿಯೂ ಬಂಜೆತನ ಬರಲಿದೆ. ಆರೋಗ್ಯಕರ ಜೀವನಶೈಲಿ, ಆಹಾರ ಹಾಗೂ ವ್ಯಾಯಾಮದಿಂದ ದೇಹದ ತೂಕ ನಿಯಂತ್ರಣದಲ್ಲಿ ಇಟ್ಟುಕೊಂಡು ಬಂಜೆತನ ಬರದಂತೆ ನೋಡಿಕೊಳ್ಳಬಹುದು.