ಗರ್ಭಧಾರಣೆ ತಡೆಗಾಗಿ ಪರಿಣಾಮಕಾರಿ ವಿಧಾನಗಳು

Pre Natal

oi-Staff

By Arpitha

Updated: Tuesday, May 26, 2015, 14:19 [IST]

ಮದುವೆಯಾದ ತಕ್ಷಣ ಮಗುವಾಗಬೇಕು ಎಂಬ ಟ್ರೆಂಡ್ ಈಗ ಬದಲಾಗಿದೆ. ಮದುವೆಯಾಗಿ ಸ್ವಲ್ಪ ದಿನ ನೆಮ್ಮದಿಯಾಗಿ ಯಾವುದೇ ಜಂಜಾಟ ಮತ್ತು ಹೆಚ್ಚು ಜವಾಬ್ದಾರಿ ಇಲ್ಲದೆ ಬದುಕಲು ಈಗಿನ ಯುವಕರು ಇಷ್ಟಪಡುತ್ತಾರೆ.

ಜೊತೆಗೆ ಮಗುವಾಗುವ ಮೊದಲು ಜೀವನದಲ್ಲಿ ಸೆಟಲ್ ಆಗಬೇಕು ಎಂಬುದು ಕೂಡ ಪ್ರತಿಯೊಬ್ಬರ ಇಷ್ಟವಾಗಿರುತ್ತದೆ. ಹಾಗೆಯೇ ಗರ್ಭಿಣಿಯಾಗುವುದನ್ನು ತಪ್ಪಿಸಲು ಸಾಕಷ್ಟು ವಿಧಾನಗಳಿವೆ. ಒಮ್ಮೆ ಮಗುವಾದರೆ ಎರಡರಿಂದ ನಾಲ್ಕು ವರ್ಷ ಕೆಲಸಕ್ಕೆ ಹಿಂತಿರುಗಲು ಕಷ್ಟವಾಗುವುದರಿಂದ ಮಗು ಪಡೆಯುವ ಮೊದಲು ಎಲ್ಲವನ್ನೂ ಸರಿಯಾಗಿ ಯೋಜಿಸಿಕೊಳ್ಳುವುದು ಸೂಕ್ತ. ಗರ್ಭಧಾರಣೆ ಯಶಸ್ವಿಯಾಗುವುದು ಹೇಗೆ?

ಹಾಗಾಗಿ ಸಾಕಷ್ಟು ಜನರಿಗೆ ಇಂತಹ ಸಮಸ್ಯೆಗಳಿಂದ ದೂರವಿರಲು ಸಾಕಷ್ಟು ಪರಿಣಾಮಕಾರಿ ಗರ್ಭನಿರೋಧಕಗಳಿವೆ ಎಂಬುದು ತಿಳಿದಿರುವುದಿಲ್ಲ. ಗರ್ಭಧಾರಣೆಯನ್ನು ತಡೆಯಲು ಪರಿಣಾಮಕಾರಿಯಾದ ವಿಧಾನಗಳ ಬಗ್ಗೆ ಮಾಹಿತಿ ಇಲ್ಲಿದೆ.

ರಕ್ಷಣಾಕವಚ

ಮೊದಲ ಮಗುವನ್ನು ಪಡೆಯುವ ಮೊದಲು ಸಂಗಾತಿಗಳಿಬ್ಬರೂ ಸರಿಯಾಗಿ ನಿರ್ಧರಿಸಿ ಇಬ್ಬರೂ ರಕ್ಷಣೆಯಾಗಿ ಕಾಂಡೋಮ್ ಬಳಸಬಹುದು.ಮಾರುಕಟ್ಟೆಯಲ್ಲಿ ಮಹಿಳೆಯರಿಗೆ ಮತ್ತು ಪುರುಷರಿಗೆ ಪ್ರತ್ಯೇಕ ಕಾಂಡೋಮ್ ದೊರೆಯುತ್ತದೆ.ಇದನ್ನು ಬಳಸಿದಲ್ಲಿ ಗರ್ಭಧಾರಣೆಯಾಗುವುದನ್ನು ತಡೆಯಬಹುದು.

ಗರ್ಭನಿರೋಧಕ ಮಾತ್ರೆಗಳು

ಮೊದಲ ಮಗುವನ್ನು ಬೇಕಾದಾಗ ಪಡೆಯಲು ಮಾರುಕಟ್ಟೆಯಲ್ಲಿ ಸಾಕಷ್ಟು ಗರ್ಭನಿರೋಧಕಗಳು ದೊರೆಯುತ್ತವೆ. ಪ್ರತಿದಿನ ಅಥವಾ ವಾರ,ತಿಂಗಳು ಗಳಲ್ಲಿ ತೆಗೆದುಕೊಳ್ಳಬಹುದಾದ ಬೇರೆಬೇರೆ ರೀತಿಯ ಗರ್ಭನಿರೋಧಕ ಮಾತ್ರೆಗಳು ದೊರೆಯುತ್ತವೆ. ಗರ್ಭನಿರೋಧಕ ಮಾತ್ರೆಯ ಬಗ್ಗೆ ಕೆಲ ಮಾಹಿತಿ

ಗರ್ಭನಿರೋಧಕ ಇಂಜೆಕ್ಷನ್

ಮಾರುಕಟ್ಟೆಯಲ್ಲಿ ಗರ್ಭಧಾರಣೆಯನ್ನು ಮೂರು ತಿಂಗಳುಗಳವರೆಗೆ ತಡೆಯಬಹುದಾದ ಇಂಜೆಕ್ಷನ್‌ಗಳು ದೊರೆಯುತ್ತವೆ. ಇದು ಪರಿಣಾಮಕಾರಿಯಾದ ಗರ್ಭನಿರೊಧಕವಾದರೂ ಕೂಡ ವೈದ್ಯರಲ್ಲಿ ಸರಿಯಾದ ಮಾಹಿತಿ ಪಡೆದು ತೆಗೆದುಕೊಳ್ಳದಿದ್ದಲ್ಲಿ ಮೂಳೆಗಳ ಮೇಲೆ ಅಡ್ಡ ಪರಿಣಾಮ ಬೀರುವ ಸಂಭವವಿರುವುದರಿಂದ ಮಾಹಿತಿ ಪಡೆದು ತೆಗೆದುಕೊಳ್ಳುವುದು ಸೂಕ್ತ.

ಅಂಡೋತ್ಪತ್ತಿ ದಿನಾಂಕ

ಮುಟ್ಟಿನ ದಿನದ ಆಧಾರದ ಮೇಲೆ ಅಂಡೋತ್ಪತ್ತಿ ಸಮಯವನ್ನು ಕಂಡುಹಿಡಿದುಕೊಂಡರೆ ಮಗುವಾಗುವುದನ್ನು ತಡೆಯಬಹುದು. ಸಾಮಾನ್ಯವಾಗಿ ಋತುಸ್ರಾವವಾಗುವ ಮೊದಲ ಒಂದು ವಾರ ಮತ್ತು ನಂತರದ ಒಂದುವಾರ ಗರ್ಭಧಾರಣೆಯಾಗುವ ಸಂಭವವಿಲ್ಲದಿರುವುದರಿಂದ ಇದನ್ನು ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳಲು ಸುರಕ್ಷಿತ ಸಮಯ ಎಂದು ಪರಿಗಣಿಸಲಾಗುತ್ತದೆ.