ಗರ್ಭಿಣಿಯರೇ ಎಚ್ಚರ, ನಿಮಗೂ ಇದೇ ಸಮಸ್ಯೆ ಎದುರಾಗಬಹುದು!

ಕೆಲವೊಮ್ಮೆ ಮಲವಿಸರ್ಜನೆ ಅನಿವಾರ್ಯವಾಗುತ್ತದೆ

ಹೆರಿಗೆಗೆ ಗರ್ಭಿಣಿಯ ಒಳಹೊಟ್ಟೆಯಿಂದ ಹೊರನೂಕಲು ಒತ್ತಡವನ್ನು ಹೇರಬೇಕಾಗುತ್ತದೆ. ಈ ಒತ್ತಡ ಮಗುವನ್ನು ದೂಡುವುದರ ಜೊತೆಗೇ ಕರುಳುಗಳಿಗೂ ಕೊಂಚ ಒತ್ತಡವನ್ನು ನೀಡುತ್ತದೆ. ಈ ಒತ್ತಡ ಕರುಳುಗಳಲ್ಲಿದ್ದ ಮಲಿನವನ್ನು ಸಹಾ ಹೊರಹಾಕುತ್ತದೆ. ಹೆರಿಗೆ ಸಂದರ್ಭದಲ್ಲಿ ಇದು ಸಾಮಾನ್ಯವಾಗಿದ್ದು ದಾದಿಯರು ಇದಕ್ಕೆ ಸಿದ್ಧರಾಗಿಯೇ ಇರುತ್ತಾರೆ. ಮುಂದೆ ಓದಿ

ಕೆಲವೊಮ್ಮೆ ಮಲವಿಸರ್ಜನೆ ಅನಿವಾರ್ಯವಾಗುತ್ತದೆ

ಇದನ್ನು ತಡೆಯಲು ಹೆರಿಗೆಯ ಸಂಭಾವ್ಯ ಸಮಯಕ್ಕೂ ಆರು ಗಂಟೆಗೆ ಮುನ್ನ ಏನನ್ನೂ ತಿನ್ನದಿರಲು ಮತ್ತು ಹೆರಿಗೆಯ ಸಮಯಕ್ಕೆ ಮುನ್ನ ಶೌಚಾಲಯವನ್ನು ಬಳಸಲು ಪ್ರಸೂತಿತಜ್ಞರು ಸಲಹೆ ನೀಡುತ್ತಾರೆ. ಇದರಿಂದ ಹೆರಿಗೆಗೆ ಅಗತ್ಯವಾದ ಒತ್ತಡ ಪೂರ್ಣವಾಗಿ ಮಗುವನ್ನು ಹೊರತಳ್ಳಲು ಉಪಯೋಗಿಸಲ್ಪಡುವುದರಿಂದ ಹೆರಿಗೆ ಸುಲಭವಾಗುತ್ತದೆ.

ನಿಮ್ಮ ರಕ್ತದೊತ್ತಡ ವಿಪರೀತ ಏರುಪೇರು ಕಾಣುತ್ತದೆ

ಹೆರಿಗೆಯ ಸಮಯದಲ್ಲಿ ರಕ್ತಸ್ರಾವವೂ ಆಗುವುದರಿಂದ ಅಧಿಕ ರಕ್ತದೊತ್ತಡ ಕಂಡುಬರುತ್ತದೆ. ಕೆಲವರಿಗೆ ಸಾಮಾನ್ಯಕ್ಕೂ ಕಡಿಮೆ ಆಗಬಹುದು. ಆದ್ದರಿಂದ ವೈದ್ಯರು ನಿಮ್ಮ ರಕ್ತದೊತ್ತಡವನ್ನು ಸತತವಾಗಿ ಪರಿಶೀಲಿಸುತ್ತಾ ಅಗತ್ಯ ಕ್ರಮಗಳನ್ನು ಕೈಗೊಳ್ಳುತ್ತಿರುತ್ತಾರೆ. ಆದ್ದರಿಂದ ಹೆರಿಗೆಗೂ ಮುನ್ನ ನಿಮ್ಮ ರಕ್ತದೊತ್ತಡವನ್ನು ತಪಾಸಣೆಗೊಳಪಡಿಸಿಕೊಂಡು ಹೆಚ್ಚು ಕಡಿಮೆಯಿದ್ದರೆ ಸೂಕ್ತ ಔಷಧಿಗಳ ಮೂಲಕ ತಹಬಂದಿಗೆ ತರುವುದು ಅತಿ ಅಗತ್ಯ.

ಮೂತ್ರವಿಸರ್ಜನೆಯೂ ಆಗಬಹುದು

ಹೆರಿಗೆಯ ಸಮಯದಲ್ಲಿ ಮೂತ್ರವಿಸರ್ಜನೆ ಸಾಮಾನ್ಯವಾಗಿದ್ದು ಆತಂಕಗೊಳ್ಳಬೇಕಾದ ಯಾವುದೇ ಕಾರಣವಿಲ್ಲ.

ಅಪಾನವಾಯು ಕಂಡುಬರಬಹುದು

ಹಲವು ಸಂದರ್ಭಗಳಲ್ಲಿ ಹೆರಿಗೆಯ ಬಳಿಕ ಅಪಾನವಾಯುವಿನ ತೊಂದರೆ ಕಂಡುಬರಬಹುದು. ಇದು ಸಹಾ ಸಾಮಾನ್ಯವಾಗಿದ್ದು ಹೆಚ್ಚಿನ ತೊಂದರೆ ಇರುವುದಿಲ್ಲ. ಆದರೆ ಎಂದಿಗೂ ತಡೆಯಲು ಹೋಗಬೇಡಿ. ಹೆಚ್ಚಿನ ಸಂದರ್ಭದಲ್ಲಿ ಸೊಂಟದ ಕೆಳಭಾಗಕ್ಕೆ ಅರವಳಿಕೆ ನೀಡಿರುವುದರಿಂದ ಇದನ್ನು ತಡೆಯಲು ಸಾಧ್ಯವೂ ಇಲ್ಲ.

ಮಾಸು ಹೊರಬರುವ ಎರಡನೇ ಹೆರಿಗೆ

ಒಂಬತ್ತು ತಿಂಗಳು ನಿಮ್ಮ ಕಂದನನ್ನು ತನ್ನೊಂದಿಗೆ ಅಂಟಿಸಿಕೊಂಡು ಕಾಪಾಡಿದ್ದ ಮಾಸು (placenta) ಈಗ ಒಂದು ತ್ಯಾಜ್ಯವಾಗಿದ್ದು ಇದು ಸಹಾ ಗರ್ಭದಿಂದ ಹೊರಬರಬೇಕು. ಇದನ್ನು ಹೆರಿಗೆಯ ಎರಡನೆಯ ಭಾಗ ಅಥವಾ ಎರಡನೇ ಹೆರಿಗೆ ಎಂದೂ ತಿಳಿದುಕೊಳ್ಳಬಹುದು. ಕೆಲವೊಮ್ಮೆ ಮಗುವಿನ ಹಿಂದೆ ಹಿಂದೆಯೇ ಬಂದರೆ ಕೆಲವೊಮ್ಮೆ ಅರ್ಧ ಗಂಟೆಗೂ ಹೆಚ್ಚು ಕಾಲ ತೆಗೆದುಕೊಳ್ಳಬಹುದು. ಈ ಕಾಯುವಿಕೆ ಅಸಹನೀಯವಾಗಿರುತ್ತದೆ.

ವಾಕರಿಕೆ ಅತೀವವಾಗಿರುತ್ತದೆ

ಹೆರಿಗೆಯ ಸಮಯದಲ್ಲಿ ವಾಕರಿಕೆ ಬರುವುದು ಸಹಾ ಸಾಮಾನ್ಯವಾಗಿದೆ. ಆದರೆ ಈ ವಾಕರಿಕೆ ಹೆಚ್ಚಿನ ಮಹಿಳೆಯರಿಗೆ ಅಸಹನೀಯವಾಗಿದ್ದು ಹೊಟ್ಟೆಯೊಳಗಿದ್ದುದನ್ನು ಬಾಯಿಯ ಮೂಲಕ ಹೊರಹಾಕಲು ಒತ್ತಡ ಆವರಿಸುತ್ತದೆ. ಪರಿಣಾಮವಾಗಿ ವಾಂತಿಯಾಗುತ್ತದೆ. ಇದೇ ಕಾರಣಕ್ಕೆ ಹೆರಿಗೆಯ ಆರು ಗಂಟೆಗೂ ಮೊದಲು ಏನನ್ನೂ ಸೇವಿಸದಿರಲು ತಜ್ಞರು ಸಲಹೆ ನೀಡುತ್ತಾರೆ.