ಹೆರಿಗೆಯ ಸ್ಪಷ್ಟ ಸೂಚನೆಗಳಿವು-ನಿರ್ಲಕ್ಷಿಸಬೇಡಿ

ಹೊಟ್ಟೆ ಕಿವುಚಿದಂತಾಗುವುದು ಹೆಚ್ಚುತ್ತದೆ

ಸಾಮಾನ್ಯವಾಗಿ ಏಳನೆಯ ತಿಂಗಳಿನಿಂದಲೇ ನಿಧಾನವಾಗಿ ಹೊಟ್ಟೆ ಕಿವುಚಿದಂತಾಗುತ್ತಿದ್ದರೂ ಅದಕ್ಕೆ ಹೆಚ್ಚಿನ ತಲೆಬಿಸಿ ಮಾಡಬೇಕಾಗಿಲ್ಲ. ಏನಾದರೂ ಕೊಂಚ ಆಹಾರ ಸೇವಿಸಿದರೆ ಇದು ಕಡಿಮೆಯಾಗುತ್ತದೆ. ಆದರೆ ಎಂಟೂವರೆ ತಿಂಗಳ ಬಳಿಕ ಈ ಕಿವುಚುವಿಕೆ ಹೆಚ್ಚುತ್ತಾ ಹೋಗುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಹೊಟ್ಟೆ ಕಿವುಚಿದಂತಾಗುವುದು ಹೆಚ್ಚುತ್ತದೆ

ಒಂದು ವೇಳೆ ಇಪ್ಪತ್ತು ನಿಮಿಷಕ್ಕೂ ಹೆಚ್ಚು ಕಾಲ ಕಿವುಚುವಿಕೆ ಮುಂದುವರೆದರೆ ನಿರ್ಲಕ್ಷ್ಯ ಸಲ್ಲದು. ಕೂಡಲೇ ನಿಮ್ಮ ಆರೈಕೆಯ ಹೊಣೆ ಹೊತ್ತಿರುವವರಿಗೆ ಅಥವಾ ನಿಮ್ಮ ವೈದ್ಯರಿಗೆ ಕೂಡಲೇ ಸುದ್ದಿ ಮುಟ್ಟಿಸುವುದು ಅಗತ್ಯ. ಒಂದು ವೇಳೆ ಹೆರಿಗೆಯ ಪ್ರಾರಂಭದ ಲಕ್ಷಣವಾಗಿದ್ದರೆ ನೀರು ಕುಡಿಯುವುದರಿಂದ ಮತ್ತು ಏನನ್ನೂ ತಿನ್ನುವುದರಿಂದ ಈ ಕಿವುಚುವಿಕೆ ನಿಲ್ಲದು.

ಆಮ್ನಿಯಾಟಿಕ್ ದ್ರವದಲ್ಲಿ ಹೆಚ್ಚಳ

ಮಗುವಿನ ಮೂತ್ರ ಮತ್ತು ವಿಷಕಾರಿ ವಸ್ತುಗಳನ್ನೂ ಗರ್ಭಾವಸ್ಥೆಯಲ್ಲಿ ತಾಯಿಯ ಮೂತ್ರದ ಮೂಲಕವೇ ಹೊರಹಾಕಲಾಗುತ್ತದೆ. ಮಗುವಿನ ಮೂತ್ರವನ್ನು ಸಂಗ್ರಹಿಸಲು omniotic sac ಎಂಬ ಚೀಲವಿದೆ. ಹನ್ನೊಂದನೇ ವಾರದಲ್ಲಿ ಈ ಚೀಲ ನಿಧಾನವಾಗಿ ತುಂಬಿಕೊಳ್ಳಲು ಪ್ರಾರಂಭವಾಗುತ್ತದೆ. ಮೊದಮೊದಲು ಈ ಪ್ರಮಾಣ ತೀರಾ ಅಲ್ಪವಾಗಿರುವುದರಿಂದ ಹೆಚ್ಚಿನ ವ್ಯತ್ಯಾಸ ಗೊತ್ತಾಗುವುದಿಲ್ಲ. ಆದರೆ ಇಪ್ಪತ್ತನೆಯ ವಾರದ ಬಳಿಕ ಮಗುವಿನ ಮೂತ್ರವೂ ಹೆಚ್ಚುವುದರಿಂದ ಪದೇ ಪದೇ ತಾಯಿಗೆ ಮೂತ್ರಕ್ಕೆ ಅವಸರವಾಗುತ್ತದೆ. ಹೆರಿಗೆ ಹತ್ತರವಾದಂತೆ ಈ ಚೀಲವನ್ನು ಬರಿದು ಮಾಡಿ ಹೆರಿಗೆ ಸುಲಭವಾಗಲು ದೇಹ ಅವಸರಿಸುತ್ತದೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಆಮ್ನಿಯಾಟಿಕ್ ದ್ರವದಲ್ಲಿ ಹೆಚ್ಚಳ

ನಿಸರ್ಗ ನೀಡಿರುವ ಈ ವರದಾನ ಹೆರಿಗೆ ಸಮೀಪಿಸುತ್ತಿದೆ ಎಂದು ಸೂಚಿಸುವ ಸ್ಪಷ್ಟ ಸೂಚನೆಯಾಗಿದೆ. ಹೆರಿಗೆಗೂ ಮುನ್ನ ಅನೈಚ್ಛಿಕವಾಗಿ ಮತ್ತು ಅತಿ ನಿಧಾನವಾಗಿ ಮೂತ್ರ ತೊಟ್ಟುತೊಟ್ಟಾಗಿ ಹೊರಬರಲು ಪ್ರಾರಂಭಿಸುತ್ತದೆ. ಹೆರಿಗೆ ಸಮೀಪಿಸುತ್ತಿದ್ದಂತೆ ಇದು ತಾರಕಕ್ಕೇರುತ್ತದೆ. ವೈದ್ಯಕೀಯ ಭಾಷೆಯಲ್ಲಿ ಇದಕ್ಕೆ "water breaking" ಎಂದು ಕರೆಯುತ್ತಾರೆ. ಈ ಸೂಚನೆ ಸಿಕ್ಕ ಕೂಡಲೇ ಮನೆಯವರು ಪ್ರಸೂತಿಗೃಹಕ್ಕೆ ಕಳುಹಿಸಲು ಏರ್ಪಾಡು ಮಾಡುವುದು ಉತ್ತಮ.

ಗರ್ಭಕೋಶದ ಕುತ್ತಿಗೆಯ ಭಾಗ ಸೆಳೆತ ಕಳೆದುಕೊಳ್ಳುತ್ತದೆ

ಗರ್ಭಾವಸ್ಥೆಯ ಅಷ್ಟೂ ದಿನಗಳಲ್ಲಿ ತಾಯಿಯ ಗರ್ಭ ದೊಡ್ಡದಾಗುತ್ತಾ ಹೋಗುತ್ತದೆಯೇ ವಿನಃ ಗರ್ಭಕೋಶದ ಕಂಠ ಅಥವಾ ಇಕ್ಕಟ್ಟಿನ ಭಾಗ (cervix) ಹೆಚ್ಚೂ ಕಡಿಮೆ ಮೊದಲಿದ್ದ ಹಾಗೇ ಇರುತ್ತದೆ, ಮತ್ತು ಇರಬೇಕು ಕೂಡಾ. ಏಕೆಂದರೆ ತಾಯಿಯಾಗುವವಳು ನಿಂತಿರುವಾಗ ಆಕೆಯ ಒಳ ಅಂಗಗಳ ಭಾರ ಕೊಂಚವಾದರೂ ಗರ್ಭದ ಮೇಲೆ ಬೀಳುತ್ತದೆ. ಗರ್ಭಕೋಶದ ಕಂಠ ಈಗ ಹಿಗ್ಗಬಾರದು, ಆಗಲೇ ಮಗು ಗರ್ಭಕೋಶದೊಳಗೆ ಭದ್ರವಾಗಿರಲು ಸಾಧ್ಯ. ಆದರೆ ಹೆರಿಗೆಯ ದಿನ ಸಮೀಪಿಸುತ್ತಿದ್ದಂತೆಯೇ ಈ ಕಂಠ ತನ್ನ ಸೆಳೆತವನ್ನು ಕಳೆದುಕೊಂಡು ಅಗಲವಾಗಲು ಸಿದ್ಧವಾಗುತ್ತದೆ. ಇದಕ್ಕೆ ವೈದ್ಯಕೀಯ ಭಾಷೆಯಲ್ಲಿ (Cervical dilation) ಎಂದು ಕರೆಯುತ್ತಾರೆ. ತಾಯಿಯಾಗುವವಳಿಗೆ ಈ ಅನುಭವ ಸ್ಪಷ್ಟವಾಗಿ ಆಗುತ್ತದೆ.

ಗರ್ಭಕೋಶದ ಕುತ್ತಿಗೆಯ ಭಾಗ ಸೆಳೆತ ಕಳೆದುಕೊಳ್ಳುತ್ತದೆ

ಇಷ್ಟರವರೆಗೆ ಮಗುವನ್ನು ಜಾರದಂತೆ ಹಿಡಿದಿಟ್ಟುಕೊಂಡಿದ್ದ ಹೊಟ್ಟೆ ಏಕಾ ಏಕಿ ಸಡಿಲವಾದಂತೆ, ಹೊಟ್ಟೆಯ ಮಗು ಇನ್ನಷ್ಟು ಕೆಳಗೆ ಜಾರಿದ ಅನುಭವವಾಗುತ್ತದೆ. ಇದು ಹೆರಿಗೆ ಸಮೀಪಿಸುತ್ತಿರುವ ಸ್ಪಷ್ಟ ಸೂಚನೆಯಾಗಿದೆ. ಕೆಲವರಿಗೆ ಈ ಪ್ರಕ್ರಿಯೆ ನಿಧಾನವಾಗಿ ಆಗುತ್ತದೆ. ಗಾಬರಿ ಬೇಡ, ಪ್ರಸೂತಿ ತಜ್ಞರಿಗೆ ಈ ಬಗ್ಗೆ ಸ್ಪಷ್ಟ ಮಾಹಿತಿಯಿದ್ದು ಅವರು ಕಾಳಜಿ ವಹಿಸುತ್ತಾರೆ. ನಿಮ್ಮ ಕೆಲಸವೇನಿದ್ದರೂ ಸೂಕ್ತ ಸಮಯಕ್ಕೆ ವೈದ್ಯರ ಬಳಿ ತಲುಪುವುದು ಮಾತ್ರ.

ಅತಿಸಾರ ಹೆಚ್ಚಾಗುತ್ತದೆ

ಹೆರಿಗೆಯ ದಿನ ಸಮೀಪಿಸುತ್ತಿದ್ದಂತೆಯೇ ಗರ್ಭಿಣಿಯಲ್ಲಿ ಅತಿಸಾರ ತೊಂದರೆಯೂ ಹೆಚ್ಚಾಗುತ್ತಾ ಹೋಗುತ್ತದೆ. ವಾಸ್ತವವಾಗಿ ಇದು ನಿಸರ್ಗ ನೀಡಿದ ಒಂದು ವರದಾನವಾಗಿದೆ. ಏಕೆಂದರೆ ಒಂದು ವೇಳೆ ಇತರ ಸಮಯದಲ್ಲಿ ಆಗುವಂತೆ ಮಲವಿಸರ್ಜನೆಯ ಸಮಯದಲ್ಲಿ ಹೆಚ್ಚಿನ ಒತ್ತಡ ನೀಡಬೇಕಾದರೆ ಇದು ಪ್ರತ್ಯಕ್ಷವಾಗಿ ಅವಧಿಗೂ ಮುನ್ನವೇ ಹೆರಿಗೆಗೆ ಪ್ರಚೋದಿಸಬಹುದು. ಆದ್ದರಿಂದ ಹೆರಿಗೆಯ ಸಮಯ ಹತ್ತಿರಾದಂತೆ ಪ್ರಸೂತಿತಜ್ಞರು ಹೆಚ್ಚಿನ ದ್ರವಾಹಾರಗಳನ್ನು ಸೇವಿಸಲು ಸಲಹೆ ಮಾಡುತ್ತಾರೆ. ಹೆರಿಗೆಗೂ ಮುನ್ನ ಜೀರ್ಣಾಂಗಗಳನ್ನು ಬರಿದುಗೊಳಿಸಿ ಸುಸೂತ್ರ ಹೆರಿಗೆಗೆ ಹೆಚ್ಚಿನ ಸ್ಥಳಾವಕಾಶ ಮಾಡಿಕೊಡಲು ದೇಹ ಬಲವಂತವಾಗಿ ಅತಿಸಾರಕ್ಕೆ ಸೂಚನೆ ನೀಡುತ್ತದೆ. ಹೆರಿಗೆಗೂ ಮುನ್ನ ನಾಲ್ಕಾರು ಬಾರಿ ಅತಿಸಾರವಾದರೆ ಇದು ಸಹಾ ಹೆರಿಗೆಯ ಸಮಯ ಹತ್ತಿರವಾಗಿದೆ ಎಂಬ ಸೂಚನೆಯಾಗಿದೆ. ವೈದ್ಯಕೀಯ ಭಾಷೆಯಲ್ಲಿ ಇದಕ್ಕೆ prostaglandins release ಎಂದು ಕರೆಯುತ್ತಾರೆ.

ಅತಿಯಾದ ಬೆನ್ನು ನೋವು ಆವರಿಸುತ್ತದೆ

ಸಾಮಾನ್ಯವಾಗಿ ಏಳನೆಯ ತಿಂಗಳಿನಿಂದಲೇ ಮಗುವಿನ ಭಾರವನ್ನು ಸರಿದೂಗಿಸಲು ಗರ್ಭಿಣಿ ಕೊಂಚ ಹಿಂಭಾಗಕ್ಕೆ ಓಲುವಂತೆ ನಡೆಯಬೇಕಾಗುತ್ತದೆ. ಇದರ ಪರಿಣಾಮವಾಗಿ ಬೆನ್ನುಮೂಳೆ, ಸೊಂಟದ ಮತ್ತು ಬೆನ್ನಿನ ಸ್ನಾಯುಗಳು ಹೆಚ್ಚಿನ ಒತ್ತಡಕ್ಕೊಳಗಾಗಿ ಕೊಂಚ ನೋವು ಬಾಧಿಸುತ್ತದೆ. ಇದು ಸಾಮಾನ್ಯವಾಗಿದೆ. ಆದರೆ ಹೆರಿಗೆ ಸಮೀಪಿಸುತ್ತಿದ್ದಂತೆ ಬೆನ್ನಿನ ಕೆಳಭಾಗ, ಕೆಳಹೊಟ್ಟೆಯ ಭಾಗದಲ್ಲಿ ವಿಪರೀತವಾಗಿ ನೋವು ಕೊಡುತ್ತವೆ. ಏಕೆಂದರೆ ಈ ಭಾಗದ ಅಷ್ಟೂ ಸ್ನಾಯುಗಳು ಸಡಿಲವಾಗಿ ಮಗು ಹೊರಬರಲು ದಾರಿ ಮಾಡಿಕೊಡಬೇಕು.

ಅತಿಯಾದ ಬೆನ್ನು ನೋವು ಆವರಿಸುತ್ತದೆ

ಜೊತೆಗೇ ಮೂಳೆಗಳ ಸಂದುಗಳೂ ಸೂಜಿ ಚುಚ್ಚಿದಂತೆ ನೋವು ನೀಡುತ್ತವೆ. ಈ ನೋವನ್ನು ತಡೆಯಲು ನಿಧಾನವಾಗಿ ನಡೆಯುತ್ತಿರುವುದು ಮತ್ತು ನಿಂತ ಭಂಗಿಯಲ್ಲಿ ಮುಂದೆ ಬಾಗುವುದು ಉತ್ತಮ. ಯಾವುದೇ ಕಾರಣಕ್ಕೂ ಹೊಟ್ಟೆ ಕೆಳಗಿರುವಂತೆ ಮಲಗಕೂಡದು. ಕೆಳಬರುತ್ತಿರುವ ಮಗುವಿನ ತಲೆ ಬೆನ್ನುಹುರಿಗೆ ಕೊಂಚ ಒತ್ತಡ ನೀಡುವುದು ಈ ನೋವನ್ನು ಹೆಚ್ಚಿಸುತ್ತದೆ. ಈ ಸೂಚನೆಯನ್ನು ಅಲಕ್ಷಿಸದೇ ಕೂಡಲೇ ವೈದ್ಯರ ಬಳಿ ಕೊಂಡೊಯ್ಯಬೇಕು.