ಎಂಟನೆಯ ತಿಂಗಳಲ್ಲಿ ದೈಹಿಕ ಸಂಪರ್ಕ ಎಷ್ಟು ಸರಿ ?

ಅವಧಿಪೂರ್ವ ಜನನ

ಬಹಳಷ್ಟು ಮಹಿಳೆಯರು ತಮ್ಮ ದೈಹಿಕ ಬಯಕೆಗಳನ್ನು ಹಿಡಿದಿರಲು ಮುಖ್ಯ ಕಾರಣ ಅವಧಿಗೆ ಮುನ್ನ ಮಗುವಿನ ಜನನವಾಗುತ್ತದೆ ಎಂಬ ಭೀತಿ. ಆದರೆ ನಿಮ್ಮಲ್ಲಿ ವೈದ್ಯಕೀಯ ತೊಂದರೆಗಳು ಇಲ್ಲದಿದ್ದ ಪಕ್ಷದಲ್ಲಿ ಹೀಗಾಗುವ ಯಾವುದೇ ಸಾಧ್ಯತೆಗಳಿಲ್ಲ.

ಮಗುವಿಗೆ ಯಾವುದೇ ಹಾನಿಯಿಲ್ಲ

ಎಂಟನೆಯ ತಿಂಗಳಿನಲ್ಲಿ ದೈಹಿಕ ಸಂಪರ್ಕ ಹೊಂದಿದರೆ ಮಗುವಿಗೆ ಹಾನಿಕರ ಎಂಬ ಸತ್ಯವಲ್ಲದ ಮಾಹಿತಿ ಬಹಳಷ್ಟು ಮಹಿಳೆಯರಲ್ಲಿದೆ. ಆದರೆ ಸತ್ಯವೇನೆಂದರೆ ನಿಮ್ಮ ಮಗು ಗರ್ಭದ ಒಳಗಡೆ ಸುರಕ್ಷಿತವಾಗಿರುತ್ತದೆ. ಮಗುವಿನ ರಕ್ಷಣೆಗೆ ಸಾಕಷ್ಟು ಸ್ವಾಭಾವಿಕ ರಕ್ಷಾ ಕವಚಗಳಿವೆ.

ಭಾವನಾತ್ಮಕ ಆರೋಗ್ಯ

ನಿಮ್ಮ ಮಾನಸಿಕ ಆರೋಗ್ಯ ನಿಮ್ಮ ಮಗುವಿನ ಮಾನಸಿಕ ಸ್ವಾಸ್ಥ್ಯದ ಮೇಲೆ ಬಹಳಷ್ಟು ಪರಿಣಾಮ ಬೀರುತ್ತದೆ. ಎಂಟನೆಯ ತಿಂಗಳಲ್ಲೂ ದೈಹಿಕ ಸಂಪರ್ಕ ಹೊಂದಿರುವುದು ನಿಮ್ಮ ಮಾನಸಿಕ ಸ್ವಾಸ್ಥ್ಯದ ಮೇಲೆ ಬಹಳ ಧನಾತ್ಮಕ ಪರಿಣಾಮ ಬೀರುತ್ತದೆ. ಇದರಿಂದಾಗಿ ನಿಮ್ಮ ಬಾಣಂತನ ಸಾಂಗವಾಗಿ ಆಗುತ್ತದೆ.

ಸಂಗಾತಿಯ ಜೊತೆಗೆ ಬಾಂಧವ್ಯದ ಬೆಳವಣಿಗೆ

ನಿಮ್ಮ ಸಂಗಾತಿಗೆ ನಿಮ್ಮ ಜೊತೆ ಆನಂದಿಸದ ರಾತ್ರಿಗಳು ಬಹಳ ಕೆಟ್ಟ ರಾತ್ರಿಗಳಾಗಬಹುದು ನಿಮ್ಮ ಬಗೆಗಿನ ಕಾಳಜಿ ಮತ್ತು ಪ್ರೀತಿಯಿಂದಾಗಿ ತನ್ನ ಬಯಕೆಯನ್ನು ತೋರದೇ ಇರಬಹುದು ವಿನಃ ಬಯಕೆಗಳು ಇಲ್ಲದೇ ಇರಲು ಸಾಧ್ಯವಿಲ್ಲ. ಎಂಟನೆಯ ತಿಂಗಳಲ್ಲಿ ದೈಹಿಕ ಸಂಪರ್ಕ ಹೊಂದಲು ಯಾವುದೇ ಅಡ್ಡಿ ಇಲ್ಲದ ಕಾರಣ ಸಂಗಾತಿಯನ್ನು ಬೇಸರದಲ್ಲಿಡುವುದರಲ್ಲಿ ಯಾವುದೇ ಅರ್ಥವಿಲ್ಲ.

ಆನಂದಪೂರ್ವಕ ಸುರಕ್ಷಿತ

ದೈಹಿಕ ಸಂಪರ್ಕದ ಕೊನೆಯಲ್ಲಿ ನೀವು ಅನುಭವಿಸುವ ಖುಷಿ ಬಹಳ ತೀವ್ರವಾದುದಲ್ಲ ಹಾಗೂ ಇದರಿಂದ ನಿಮ್ಮ ಮಗುವಿಗೆ ಯಾವುದೇ ತೊಂದರೆಯಿಲ್ಲ. ಮಗುವಿನ ರಕ್ಷಣೆ ಸ್ವಾಭಾವಿಕ ಕವಚಗಳಿಂದ ಆಗುತ್ತಿರುತ್ತದೆ. ನಿಮ್ಮ ಗಟ್ಟಿಯಾದ ಮೂಳೆಗಳು ಮತ್ತು ಸ್ನಾಯುಗಳಿಂದ ಮಗುವಿನ ರಕ್ಷಣೆ ಆಗುತ್ತಿರುತ್ತದೆ.

ಸುರಕ್ಷಿತವಾಗಿರಲಿ

ನಿಮ್ಮ ಕಾಳಜಿಗಳೇನಾದರೂ ಇದ್ದಲ್ಲಿ ನಿಮ್ಮ ಸಂಗಾತಿಯ ಬಳಿ ಮಾತನಾಡಿ. ನಿಮಗೆ ಹಿತವೆನಿಸುವ ಭಂಗಿಗಳನ್ನೇ ಆರಿಸಿಕೊಳ್ಳಿ. ನಿಮ್ಮ ದೇಹದ ಮೇಲೆ ಒತ್ತಡ ಬಾರದಂತೆ ಎಚ್ಚರ ವಹಿಸಿ. ದೈಹಿಕ ಸಂಪರ್ಕವಿಲ್ಲದೇ ಬರಿಯ ಮುತ್ತು, ತಬ್ಬಿಕೊಳ್ಳುವುದು ಹಾಗೂ ಕಾಲಿನ ಮಸಾಜ್ ನಿಂದ ಸುಖ ಸಿಗುವುದಾದರೇ ಅದೇ ಮಾಡಿ.

ಸಲಹೆ

ಯಾವೆಲ್ಲಾ ಸಂದರ್ಭಗಳಲ್ಲಿ ದೈಹಿಕ ಸಂಪರ್ಕ ಸುರಕ್ಷಿತವಲ್ಲ ಎನ್ನುವುದನ್ನು ತಿಳಿಯಿರಿ. ಇದಕ್ಕಾಗಿ ನಿಮ್ಮ ವೈದ್ಯರ ಸಲಹೆಯನ್ನೂ ಪಡೆದುಕೊಳ್ಳಿ. ನಿಮಗೆ ಏನೋ ಸರಿಯಿಲ್ಲ ಎಂದನ್ನಿಸಿದರೆ ಅಪಾಯವನ್ನು ತಂದುಕೊಳ್ಳುವುದರಲ್ಲಿ ಯಾವುದೇ ಅರ್ಥವಿಲ್ಲ. ಎಲ್ಲವೂ ಸುರಕ್ಷಿತ ಹಾಗೂ ಸರಿಯಾಗಿದ್ದರೆ ನಿಮ್ಮ ಸಂಗಾತಿಯ ಜೊತೆಗಿನ ಕ್ಷಣಗಳನ್ನು ಆನಂದಿಸಿ.