ಗರ್ಭಧರಿಸಲು ನೆರವಾಗುವ ಆಹಾರಗಳು

Published: Monday, December 16, 2013, 11:26 [IST]

ಸಾಮಾನ್ಯವಾಗಿ ಗರ್ಭಿಣಿಯರು ತಿನ್ನಬೇಕಾದ ಆಹಾರಗಳ ಉದ್ದ ಪಟ್ಟಿಯನ್ನು ನೋಡಿರಬಹುದು. ಆದರೆ ನೀವು ಗರ್ಭಧರಿಸಲು ಬಯಸುವಾಗ ಏನು ತಿನ್ನಬೇಕು ಎಂದು ನಿಮಗೆ ಗೊತ್ತೆ? ನೀವು ಬೇಗ ಗರ್ಭಧರಿಸಲು ನೆರವಾಗುವ ಆಹಾರಗಳು ನಿಮಗೆ ತಿಳಿದಿಲ್ಲ ಎಂದು ನಮಗೆ ಗೊತ್ತು. ಈ ಆಹಾರವನ್ನು ಸೇವಿಸುವುದರಿಂದ ನೀವು ಬೇಗ ಗರ್ಭಧರಿಸಬಹುದು.

ಅಂಡೋತ್ಪತ್ತಿಯ ಕಾಲ, ಋತು ಚಕ್ರ ಮತ್ತಿತರ ಸಂಗತಿಗಳು ನೀವು ಗರ್ಭಧರಿಸುವಲ್ಲಿ ನಿಸ್ಸಂಶಯವಾಗಿ ನೆರವಾಗುತ್ತವೆ. ಅದರೊಂದಿಗೆ ಆರೋಗ್ಯಕರ ಆಹಾರ ಕ್ರಮವು ನಿಮ್ಮ ಹಾದಿಯನ್ನು ಮತ್ತಷ್ಟು ಸುಗಮಗೊಳಿಸುತ್ತದೆ. ಆಲ್ಕೊಹಾಲ್, ಕೆಫೆನ್ ಮತ್ತು ಕೆಲವು ಆಹಾರಗಳಿಂದ ನೀವು ದೂರವಿರುವುದು ಬಹಳ ಒಳ್ಳೆಯದು. ಇವು ಗರ್ಭಧರಿಸಲು ತೊಂದರೆಯುಂಟುಮಾಡುತ್ತದೆ ಮಾತ್ರವಲ್ಲ ಗರ್ಭಧರಿಸಿದ ನಂತರ ನಿಮಗೆ ಮತ್ತು ನಿಮ್ಮ ಮಗುವಿಗೆ ಇಬ್ಬರಿಗೂ ಹಾನಿಕಾರಕ. ನಿಮಗೆ ನೆರವಾಗುವ ಆಹಾರಗಳು ಇಲ್ಲಿವೆ ನೋಡಿ:

ಹುರಳಿಕಾಯಿ

ಹುರಳಿಕಾಯಿಯಲ್ಲಿ ಪ್ರೊಟೀನ್ ಹೆಚ್ಚಿದ್ದು ನಿಮ್ಮ ಫಲವಂತಿಕೆಯ ಮಟ್ಟವನ್ನು ಹೆಚ್ಚಿಸುತ್ತದೆ. ಇದು ನಿಮಗೆ ಗರ್ಭಧರಿಸಲು ನೆರವಾಗುತ್ತದೆ.

ಕಾಳುಗಳು

ಕಾಳುಗಳಲ್ಲಿ ಆ್ಯಂಟಿಆ್ಯಕ್ಸಿಡೆಂಟ್ಸ್, ವಿಟಮಿನ್ಸ್, ಮತ್ತು ಕಬ್ಬಿಣದಂಶ ಹೆಚ್ಚಿರುತ್ತದೆ. ಇವುಗಳನ್ನು ಪ್ರತಿದಿನ ತಿನ್ನುವುದರಿಂದ ಬೇಗ ಗರ್ಭಧರಿಸಲು ನೆರವಾಗುತ್ತದೆ.

ಮೀನು

ಸಾಲಮೊನ್, ಕ್ಯಾಟ್ ಫಿಶ್, ಶ್ರಿಂಪ್ಸ್ ಮತ್ತು ತುನದಂತಹ ಮೀನುಗಳು ನಿಮ್ಮ ಫಲವಂತಿಕೆಯ ಮಟ್ಟವನ್ನು ಹೆಚ್ಚಿಸುತ್ತದೆ. ಮೀನು ಒಮೆಗ 3 ಫ್ಯಾಟಿ ಆಸಿಡ್ ಒದಗಿಸುತ್ತದೆ. ಇದು ಭ್ರೂಣದ ಬೆಳವಣಿಗೆಗೆ ಅತ್ಯಗತ್ಯ.

ಹಸಿರೆಲೆ ತರಕಾರಿಗಳು

ಹಸಿರೆಲೆ ತರಕಾರಿಗಳಲ್ಲಿ ಫೊಲೆಟ್ ಹೆಚ್ಚಿದ್ದು ಇದು ಅಂಡೋತ್ಪತ್ತಿಗೆ ನೆರವಾಗುತ್ತದೆ ಮತ್ತು ವೀರ್ಯಾಣುಗಳ ಸಂಖ್ಯೆಯನ್ನು ಕೂಡ ಹೆಚ್ಚಿಸುತ್ತದೆ.

ಗೋಧಿ ಬ್ರೆಡ್

ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಕಾಪಾಡುತ್ತದೆ. ರಕ್ತದಲ್ಲಿ ಇನ್ಸುಲಿನ್ ಮಟ್ಟ ಹೆಚ್ಚಾದಲ್ಲಿ ಸಂತಾನೋತ್ಪತ್ತಿಯ ಹಾರ್ಮೋನುಗಳಿಗೆ ತೊಂದರೆಯಾಗುತ್ತದೆ. ಆದ್ದರಿಂದ ಗರ್ಭಧರಿಸಲು ಬಯಸಿದಂತಹ ಸಂದರ್ಭದಲ್ಲಿ ಈ ಬ್ರೆಡ್ಡನ್ನೇ ಬಳಸುವುದು ಒಳ್ಳೆಯದು.

ಆಲೀವ್ ಆಯಿಲ್

ಈ ಎಣ್ಣೆಯಲ್ಲಿ ಮೊನೊ ಸ್ಯಾಚುರೆಟೆಡ್ ಫ್ಯಾಟ್ ಇರುತ್ತದೆ. ಇದು ಇನ್ಸುಲಿನ್ ಸೆನ್ಸಿಟಿವಿಟಿ ಹೆಚ್ಚಿಸುತ್ತದೆ ಮತ್ತು ಉರಿಯನ್ನು ನಿವಾರಿಸುತ್ತದೆ. ಉರಿಯು ಅಂಡೋತ್ಪತ್ತಿ, ಗರ್ಭಧಾರಣೆ ಮತ್ತು ಭ್ರೂಣದ ಬೆಳವಣಿಗೆ ಎಲ್ಲದರ ಮೇಲೂ ಪರಿಣಾಮ ಬೀರುವ ಸಾಧ್ಯತೆಯಿರುತ್ತದೆ. ಆದ್ದರಿಂದ ಇದನ್ನು ಬಳಸುವುದು ಒಳ್ಳೆಯದು.