ಈ ಸ್ಟೆಪ್ಸ್ ಬಳಿಕವಷ್ಟೇ ಗರ್ಭಿಣಿ ಎಂದು ಖಚಿತಪಡಿಸಬಹುದು

ಮುಟ್ಟಾಗದಿರುವುದು

ಮುಟ್ಟಿನ ಸಮಯ ಕಳೆದರೂ ಮುಟ್ಟಾಗದಿದ್ದರೆ ಇದು ಗರ್ಭಾವಸ್ಥೆಯ ಮೊದಲನೇ ಲಕ್ಷಣವಾಗಿದೆ.

ಟೆಸ್ಟ್ ಮೀಟರ್ ಪರೀಕ್ಷೆ

ಮುಟ್ಟಾಗದಿದ್ದಾಗ ಟೆಸ್ಟ್ ಮೀಟರ್ ನಲ್ಲಿ ಪರೀಕ್ಷೆ ಮಾಡಿದರೆ ಅದರಲ್ಲಿ ಒಂದು ಗೆರೆ (faint line) ಕಂಡು ಬರುತ್ತದೆ. ಇದು ನೀವು ಗರ್ಭಿಣಿ ಎಂದು ಹೇಳುವ ಎರಡನೇ ಲಕ್ಷಣವಾಗಿದೆ.

ವಾಂತಿ, ತಲೆ ಸುತ್ತು

ಗರ್ಭ ನಿಂತಾಗ ಹೆಚ್ಚಿನವರಲ್ಲಿ ವಾಂತಿ, ತಲೆ ಸುತ್ತು ಕಂಡು ಬರುವುದು. ಈ ರೀತಿ ಕಂಡು ಬಂದರೆ ಗರ್ಭಿಣಿಯಾಗಿರಬಹುದು, ಕೆಲವೊಮ್ಮೆ ಆರೋಗ್ಯ ಸಮಸ್ಯೆಯಿಂದಲೂ ಈ ರೀತಿ ಉಂಟಾಗುತ್ತದೆ. ಆದ್ದರಿಂದ ವೈದ್ಯರನ್ನು ಕಂಡು ಪರೀಕ್ಷಿಸುವುದು ಒಳ್ಳೆಯದು.

ಗಾಢವಾದ ಗೆರೆ

ಗರ್ಭಧಾರಣೆಯಾಗಿ ಎರಡು ವಾರಗಳು ಕಳೆದಿದ್ದರೆ pregnancy home test kitನಲ್ಲಿ ಪರೀಕ್ಷಿಸಿದಾಗ ಗಾಢವಾದ ಗೆರೆ ಕಂಡು ಬರುತ್ತದೆ.

ಈಗ ವೈದ್ಯರನ್ನು ಪರೀಕ್ಷಿಸಿ

ಈಗ ವೈದ್ಯರನ್ನು ಕಂಡು ಅವರು ಹೇಳಿದ ಪರೀಕ್ಷೆಗಳನ್ನು ಮಾಡಿಸಿ. ಆಗ ಗರ್ಭಿಣಿ ಹೌದೇ, ಅಲ್ಲವೇ? ಎನ್ನುವುದು ಖಚಿತವಾಗುವುದು.

ರಕ್ತಸ್ರಾವ ಕಂಡು ಬಂದರೆ

ಗರ್ಭಿಣಿ ಎಂದು ಖಚಿತವಾದ ಬಳಿಕ ಒಂದು ತಿಂಗಳು ಕಾಯಿರಿ. ಈ ಸಮಯದಲ್ಲಿ ರಕ್ತಸ್ರಾವ ಕಂಡು ಬಂದರೆ ಗರ್ಭಪಾತವಾಗಿರಬಹುದು. ಆದರೆ ಕೆಲವರಿಗೆ ಸ್ವಲ್ಪ ರಕ್ತಸ್ರಾವ ಕಂಡು ಬರುತ್ತದೆ. ಈ ರೀತಿ ಉಂಟಾದರೆ ಯಾವುದೇ ತೊಂದರೆಯಿಲ್ಲ. ಯಾವುದಕ್ಕೂ ವೈದ್ಯರನ್ನು ಕಾಣುವುದು ಒಳ್ಳೆಯದು.

ರಕ್ತದಲ್ಲಿ HGC ಪ್ರಮಾಣ ಪರೀಕ್ಷೆ

ಈ ಪರೀಕ್ಷೆಯನ್ನು ಬೆಳಗ್ಗೆ ಮಾಡಿಸಲಾಗುವುದು. ಆಗ ರಕ್ತದಲ್ಲಿರುವ HGC ಪ್ರಮಾಣ ಸರಿಯಾಗಿ ತಿಳಿಯುತ್ತದೆ.

ಸಾಮಾನ್ಯ ರಕ್ತ ಪರೀಕ್ಷೆ

ಉಳಿದ ಪರೀಕ್ಷೆಗಳು ಮಾಡಿದ ಬಳಿಕ ರಕ್ತ ಪರೀಕ್ಷೆ ಮಾಡಿಸಿ ದೇಹದಲ್ಲಿ ಥೈರಾಯ್ಡ್ ಅಂಶ, ಹಿಮೋಗ್ಲೋಬಿನ್ ಎಷ್ಟಿದೆ ಎಂದು ತಿಳಿಯಲಾಗುವುದು. ಮಧುಮೇಹ ಪರೀಕ್ಷೆಯೂ ಮಾಡಲಾಗುವುದು.

ಸ್ಕ್ಯಾನಿಂಗ್

ಗರ್ಭಿಣಿಯಾಗಿ 8 ವಾರಗಳ ಬಳಿಕ ಸ್ಕ್ಯಾನಿಂಗ್ ಮಾಡಿಸಬೇಕು. ನೋವು, ರಕ್ತ ಸ್ರಾವ ಕಂಡು ಬಂದರೆ ಈ ಸ್ಕ್ಯಾನಿಂಗ್ ಅನ್ನು 8 ವಾರಗಳಿಗಿಂತ ಮುಂಚೆಯೇ ಮಾಡಲಾಗುವುದು. ಇದರಿಂದ ಭ್ರೂಣ ಆರೊಗ್ಯವಾಗಿದೆಯೇ, ಇಲ್ಲವೇ ಎಂದು ತಿಳಿಯುವುದು.