ಗರ್ಭಾವಸ್ಥೆಯಲ್ಲಿ ಹೇಗೆ ಕೂರಬಾರದು?

ಗರ್ಭಿಣಿಯರು ಕೂರುವಾಗ ಬೆನ್ನಿಗೆ ಭಾರ ಬೀಳದಂತೆ ಕೂರಬೇಕು. ಇಲ್ಲದಿದ್ದರೆ ಸೊಂಟನೋವು ಕಾಡುವುದು, ಈ ಸೊಂಟ ನೋವಿನ ಸಮಸ್ಯೆ ಹೆರಿಗೆಯಾದ ಮೇಲೂ ಕೂಡ ನಿಮ್ಮನ್ನು ಹಿಂಬಾಲಿಸುತ್ತದೆ. ಆದ್ದರಿಂದ ಗರ್ಭಾವಸ್ಥೆಯಲ್ಲಿ ಜಾಗೃತವಾಗಿರಬೇಕು.

ಗರ್ಭಾವಸ್ಥೆಯಲ್ಲಿ ನಮ್ಮ ಕೂರುವ ಭಂಗಿ ಸರಿಯಿಲ್ಲದೆ ಸೊಂಟ ನೋವು, ಕೆಳ ಹೊಟ್ಟೆ ನೋವಿನಿಂದ ನರಳುವ ಬದಲು ಈ ಕೆಳಗಿನ ಟಿಪ್ಸ್ ಪಾಲಿಸುವುದು ಒಳ್ಳೆಯದು.

* ಕೂರುವಾಗ ಬೆನ್ನು ನೇರವಾಗಿದ್ದು, ಭುಜ ಹಿಂದೆಕ್ಕೆ ಸ್ವಲ್ಪ ಭಾಗಿ ಇರಬೇಕು. ದೇಹದ ತೂಕ ಹೆಚ್ಚಾದಂತೆ ಬೆನ್ನಿನ ಮೇಲೆ ಭಾರ ಬೀಳುವುದು. ಈ ರೀತಿ ಕೂರುವುದರಿಂದ ಬೆನ್ನಿನ ಮೇಲೆ ಅಧಿಕ ಭಾರ ಬೀಳುವುದಿಲ್ಲ.

* ಸಪೋರ್ಟ್ ನೀಡುವ ಚೇರ್ ನಲ್ಲಿ ಕೂರುವುದು ಒಳ್ಳೆಯದು. ಅದರಲ್ಲೂ ತುಂಬಾ ಹೊತ್ತು ಚೇರ್ ನಲ್ಲಿ ಕೆಲಸ ಮಾಡುವವರಾದರೆ ಕಂಫರ್ಟ್ ಆದ ಚೇರ್ ಬಳಸಿ.

* ಕೂತಲ್ಲಿಂದ ಬೇರೆ ಕಡೆ ನೋಡುವಾಗ ಬರೀ ಕತ್ತನ್ನು ತಿರುಗಿಸುವ ಬದಲು ಸಂಪೂರ್ಣ ದೇಹವನ್ನು ತಿರುಗಿಸಿ. ಬರೀ ಮೇಲ್ಭಾಗದ ಶರೀರ ಮಾತ್ರ ತಿರುಗಿಸುವುದರಿಂದ ಕೆಳ ಹೊಟ್ಟೆ ಮೇಲೆ ಅಧಿಕ ಒತ್ತಡ ಬೀಳುವುದು.

* ಕೂರುವಾಗ ದೇಹದ ಎರಡು ಕಾಲಿಗೆ ದೇಹದ ತೂಕ ಬೀಳುವಂತೆ ಕೂರಿ, ಇಲ್ಲದಿದ್ದರೆ ಕಾಲು ನೋವು ಕಂಡು ಬರುವುದು.

* ಪಾದಗಳು ನೆಲವನ್ನು ತಾಗುವಂತೆ ಕೂರುವುದು ಒಳ್ಳೆಯದು.

*ಗರ್ಭಿಣಿಯರು ಒಂದೇ ಭಂಗಿಯಲ್ಲಿ 30 ನಿಮಿಷಕ್ಕಿಂತ ಅಧಿಕ ಹೊತ್ತು ಕೂರಬಾರದು. ದೇಹದಲ್ಲಿ ರಕ್ತ ಸಂಚಾರ ಸರಿಯಾಗಿರಲು ಕೂರುವ ಭಂಗಿಯನ್ನು ಬದಲಾಯಿಸಿ ಅಥವಾ ಸ್ವಲ್ಪ ನಡೆದಾಡಿ ಮತ್ತೆ ಬಂದು ಕೂರಿ.

* ಗರ್ಭಿಣಿಯರು ಕಾಲು ಮೇಲೆ ಕಾಲು ಹಾಕಿ ಕೂರಬಾರದು.

* ಆಫೀಸ್ ನಲ್ಲಿ ತುಂಬಾ ಹೊತ್ತು ಕೂರಬೇಕಾಗುತ್ತದೆ. ಆಗ ಪ್ರತೀ ಅರ್ಧ ಅಥವಾ ಒಂದು ಗಂಟೆಗೊಮ್ಮೆ ಕಾಲುಗಳನ್ನು ನೀಡಿ. ನಿಮ್ಮ ಕೂರುವ ಭಂಗಿ ಸರಿಯಾಗಿದ್ದರೆ ಸೊಂಟ ನೋವು, ಬೆನ್ನು ನೋವಿನ ತೊಂದರೆಯಿಲ್ಲದೆ ಇರಬಹುದು.