ಲೇಟಾದಷ್ಟು ಗರ್ಭಧಾರಣೆಯ ಸಾಧ್ಯತೆ ಕಮ್ಮಿ, ಏಕೆ ಗೊತ್ತಾ?

ಅಂಡಾಣುಗಳು ಸಾಯುವುದು

ಮಹಿಳೆಯ ಗರ್ಭಕೋಶದಲ್ಲಿರುವ ಅಂಡಾಣುಗಳಲ್ಲಿ ಪ್ರತೀಬಾರಿ ಮುಟ್ಟಾದಾಗ ಎರಡು ಅಂಡಾಣುಗಳು ಸಾಯುತ್ತವೆ. ಇದರಿಂದ ಅಂಡಾಣುಗಳು ಸಂಖ್ಯೆ ಕಡಿಮೆಯಾಗುತ್ತಾ ಬರುತ್ತದೆ. ಅಂಡಾಣುಗಳ ಸಂಖ್ಯೆ ಕಮ್ಮಿಯಾದರೆ ಗರ್ಭಧಾರಣೆಯ ಸಾಮರ್ಥ್ಯ ಕುಗ್ಗುವುದು.

ಹಾರ್ಮೋನ್ ಗಳ ಚಟುವಟಿಕೆ ಕಡಿಮೆಯಾಗುವುದು

ನಮಗೆ ವಯಸ್ಸಾಗುತ್ತಿದ್ದ ಹಾಗೇ ಮಹಿಳೆಯರಿಗೆ ಮೆನೋಪಸ್ ಹಂತ ಪ್ರಾರಂಭವಾಗುವುದು. ಈ ಸಮಯದಲ್ಲಿ ಹಾರ್ಮೋನ್ ಗಳ ಚಟುವಟಿಕೆ ಸ್ವಾಭಾವಿಕವಾಗಿ ಕಮ್ಮಿಯಾಗುವುದು.

ಗರ್ಭಕೋಶದಲ್ಲಿ ತೊಂದರೆ

ವಯಸ್ಸು ಹೆಚ್ಚಾಗುತ್ತಿದ್ದಂತೆ ಗರ್ಭಕೊಶದಲ್ಲಿ Fibroids ಸಮಸ್ಯೆ ಹೆಚ್ಚಿನ ಮಹಿಳೆಯರಲ್ಲಿ ಕಂಡು ಬರುತ್ತದೆ. ಇದು ಕೂಡ ಮಕ್ಕಳಾಗದಿರಲು ಒಂದು ಕಾರಣವಾಗಿದೆ.

ವಯಸ್ಸಾದಂತೆ ಬರುವ ಕಾಯಿಲೆಗಳು

ವಯಸ್ಸಾದಂತೆ ರಕ್ತದೊತ್ತಡ, ಮಧುಮೇಹ, ಕೊಲೆಸ್ಟ್ರಾಲ್ ಈ ಸಮಸ್ಯೆಗಳು ನಿಮ್ಮ ಜೀವನ ಶೈಲಿ ಆರೋಗ್ಯಕರವಾಗಿರದಿದ್ದರೆ ಬೇಗನೆ ದಾಳಿ ಮಾಡುವುದು. ಈ ಸಮಸ್ಯೆಗಳಿರುವವರು ಗರ್ಭಧಾರಣೆಯಾದರೆ ತಾಯಿ ಮತ್ತು ಮಗುವಿನ ಆರೋಗ್ಯಕ್ಕೆ ತುಂಬಾ ಅಪಾಯ.

ಕ್ರೋಮಾಸೋಮದ ತೊಂದರೆ (chromosomal defects)

ವಯಸ್ಸಾದಾಗ ಕ್ರೋಮಾಸೋಮದ ತೊಂದರೆ ಕಂಡು ಬರುವುದು. ಇದು ಗರ್ಭಧಾರಣೆಯಾದಾಗ ಸಮಸ್ಯೆಯನ್ನು ತರುವುದು.

ಹೃದಯದ ಒತ್ತಡ

ವಯಸ್ಸಾಗುತ್ತಿದ್ದಂತೆ ಹೃದಯ ಒತ್ತಡ ಹೆಚ್ಚಾಗುವುದು. ಈ ಸಮಯದಲ್ಲಿ ಗರ್ಭಧಾರಣೆಯ ರಿಸ್ಕ್ ತೆಗೆದುಕೊಳ್ಳದಿರುವುದು ಒಳ್ಳೆಯದು.

ಜರಾಯು ಸಮಸ್ಯೆ(Placental)

ವಯಸ್ಸಾದರೆ ಯೂಟ್ರಸ್ ಹಿಗ್ಗುವುದಿಲ್ಲ, ಇದರಿಂದ ಹೆರಿಗೆಯ ಸಮಯದಲ್ಲಿ ಕಷ್ಟವಾಗುವುದು, ಇದರಿಂದ ಜರಾಯು ಅಥವಾ ಮಾಸು ಚೀಲ ಹೊರಬೀಳದೆ ತೊಂದರೆ ಉಂಟಾಗುವುದು.

ಹುಟ್ಟುವ ಮಗುವಿನ ಮೇಲೆ ಪರಿಣಾಮ ಬೀರಬಹುದು

ಮಗು ಅವಧಿಗೆ ಮುನ್ನ ಹುಟ್ಟಬಹುದು, ಅಥವಾ ಶರೀರದಲ್ಲಿ ನ್ಯೂನತೆ ಕಂಡು ಬರಬಹುದು. ಆರೋಗ್ಯವಂತ ಮಗುವನ್ನು ಪಡೆಯಲು ಯೌವನ ಪ್ರಾಯದಲ್ಲಿಯೇ ಪ್ರಯತ್ನಿಸಿ.