ಗರ್ಭಾವಸ್ಥೆಯಲ್ಲಿ ಗ್ರೀನ್ ಟೀ ಸುರಕ್ಷಿತವೇ?

ಗ್ರೀನ್ ಟೀ ಕುಡಿದರೆ ಆರೋಗ್ಯಕ್ಕೆ ಒಳ್ಳೆಯದು. ಇದು ದೇಹದಲ್ಲಿ ರೋಗ ನಿರೋಧಕ ಸಾಮರ್ಥ್ಯ ಹೆಚ್ಚಿಸುತ್ತದೆ , ಬೊಜ್ಜನ್ನು ಕರಗಿಸುತ್ತದೆ. ಹೀಗೆ ಹತ್ತು ಹಲವು ಗುಣವಿರುವ ಗ್ರೀನ್ ಟೀಯನ್ನು ಗರ್ಭಿಣಿಯರು ಕುಡಿಯುವುದು ಸುರಕ್ಷಿತವೇ?

ಗರ್ಭಾವಸ್ಥೆಯಲ್ಲಿ ಗ್ರೀನ್ ಟೀ ಸ್ವಲ್ಪ ಕುಡಿದರೆ ಯಾವುದೇ ತೊಂದರೆಯಿಲ್ಲ ಎನ್ನುತ್ತಾರೆ. ಆದರೆ ಗ್ರೀನ್ ಟೀ ದಿನಾ ಕುಡಿದರೆ ಉಂಟಾಗುವ ಅವಗುಣಗಳನ್ನು ತಿಳಿಯಲು ಮುಂದೆ ಓದಿ:

ಫಾಲಿಕ್ ಆಸಿಡ್ ಕಮ್ಮಿ ಮಾಡುತ್ತದೆ: ಗರ್ಭಿಣಿಯರ ದೇಹದಲ್ಲಿ ಫಾಲಿಕ್ ಆಸಿಡ್ ಹೆಚ್ಚು ಉತ್ಪತ್ತಿಯಾಗಬೇಕು. ಗ್ರಿನ್ ಟೀ ಕುಡಿದರೆ ಫಾಲಿಕ್ ಆಸಿಡ್ ಉತ್ಪತ್ತಿ ಕಡಿಮೆಯಾಗುವುದು.

ಕೆಫೀನ್: ಗ್ರೀನ್ ಟೀಯಲ್ಲಿ ಕೆಫೀನ್ ಅಂಶ ಇತರ ಟೀಯಲ್ಲಿರುವಷ್ಟು ಅಲ್ಲದಿದ್ದರೂ ಸ್ವಲ್ಪ ಮಟ್ಟಿಗೆ ಇದೆ. ಗರ್ಭಾವಸ್ಥೆಯಲ್ಲಿ ತುಂಬಾ ಕೆಫೀನ್ ದೇಹವನ್ನು ಸೇರುವುದು ಒಳ್ಳೆಯದಲ್ಲ.

ಕಬ್ಬಿಣದಂಶ ಹೀರಿಕೊಳ್ಳಲು ತೊಂದರೆ ಉಂಟಾಗುವುದು: ಅಧಿಕ ಗ್ರೀನ್ ಕುಡಿದರೆ ದೆಹವು ಕಬ್ಬಿಣದಂಶ ಹೀರಿಕೊಳ್ಳುವುದಕ್ಕೆ ಅಡಚಣೆ ಉಂಟಾಗುವುದು. ಗರ್ಭಣಿಯರಿಗೆ ಕಬ್ಬಿಣದಂಶ ಅವಶ್ಯಕವಾದ ಖನಿಜಾಂಶವಾಗಿದೆ.

ಕಡಿಮೆ ತೂಕದ ಮಗು: ಕೆಫೀನ್ ಜಾಸ್ತಿ ದೇಹವನ್ನು ಸೇರಿದರೆ ಕಡಿಮೆ ತೂಕದ ಮಗು ಹುಟ್ಟುವ ಸಾಧ್ಯತೆ ಹೆಚ್ಚು.

ನಿರ್ಜಲೀಕರಣ ಮತ್ತು ಮಾಸುಚೀಲದ ಮೇಲೆ ಕೆಟ್ಟ ಪರಿಣಾಮ: ಇದರಲ್ಲಿರುವ ಕೆಫೀನ್ ನಿರ್ಜಲೀಕರಣ ಉಂಟಾಗುವಂತೆ ಮಾಡುತ್ತದೆ ಅಲ್ಲದೆ ಇದು ಮಾಸುಚೀಲವನ್ನು (ಗರ್ಭವೇಷ್ಟನ) ಮೀರಿ ಮಗುವಿನ ದೇಹಕ್ಕೆ ಸೇರುತ್ತದೆ. ಗರ್ಭದಲ್ಲಿರುವ ಮಗುವಿಗೆ ಕೆಫೀನ್ ಅಂಶ ಕರಗಿಸುವ ಸಾಮರ್ಥ್ಯಿರುವುದಿಲ್ಲ.