ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸುವುದು ಹೇಗೆ?

Pre Natal

oi-Reena

By Hema S

Updated: Saturday, July 28, 2012, 11:52 [IST]

ಸ್ಟ್ರೆಚ್ ಮಾರ್ಕ್ಸ್ ಬಂದರೆ ಸೀರೆ ಹಾಕಿದಾಗ ಹೊಟ್ಟೆ ನೋಡಲು ಅಸಹ್ಯವಾಗಿ ಕಾಣುವುದು. ಗರ್ಭಿಣಿಯಾದಾಗ ಅಥವಾ ಇದ್ದಕ್ಕಿದ್ದ ಹಾಗೇ ತೂಕ ಹೆಚ್ಚಾದಾಗ, ಅಥವಾ ಹೆಣ್ಣು ಮಕ್ಕಳು ಋತುಮತಿಯಾದಾಗ ಹೊಟ್ಟೆಯಲ್ಲಿ, ಕಾಲುಗಳಲ್ಲಿ, ತೊಡೆಯಲ್ಲಿ ಈ ರೀತಿಯ ಸ್ಟ್ರೆಚ್ ಮಾರ್ಕ್ಸ್ ಕಂಡು ಬರುತ್ತದೆ.

ಅದರಲ್ಲೂ 90% ಮಹಿಳೆಯಿರಿಗೆ ಗರ್ಭಾವಸ್ಥೆಯಲ್ಲಿ ಈ ರೀತಿಯ ಸ್ಟ್ರೆಚ್ ಮಾರ್ಕ್ಸ್ ಕಂಡುಬರುತ್ತದೆ. ಆದರೆ ಈ ಕೆಳಗಿನ ಸಲಹೆಗಳನ್ನು ಪಾಲಿಸಿದರೆ ಈ ರೀತಿಯ ಸ್ಟ್ರೆಚ್ ಮಾರ್ಕ್ಸ್ ತಡೆಯಬಹುದು ಮತ್ತು ಈ ಹಿಂದೆ ಬಿದ್ದಂತಹ ಸ್ಟ್ರೆಚ್ ಮಾರ್ಕ್ಸ್ ಎದ್ದು ಕಾಣದಂತೆ ತಡೆಯಬಹುದಾಗಿದೆ.

1. ಮಾಯಿಶ್ಚರೈಸರ್: ಪ್ರತಿದಿನ ತ್ವಚೆಯನ್ನು ಮಾಯಿಶ್ಚರೈಸರ್ ಮಾಡುತ್ತಿದ್ದವರಿಗೆ ಈ ರೀತಿಯ ಸ್ಟ್ರೆಚ್ ಮಾರ್ಕ್ಸ್ ಬೀಳುವುದು ತುಂಬಾ ಕಡಿಮೆ ಎಂದು ಸಂಶೋಧನೆಯಿಂದ ತಿಳಿದು ಬಂದಿದೆ. ಒಂದು ವೇಳೆ ಹೊಟ್ಟೆಯಲ್ಲಿ ತುಂಬಾ ಸ್ಟ್ರೆಚ್ ಮಾರ್ಕ್ಸ್ ಬಿದ್ದಿದ್ದರೆ ಪ್ರತಿದಿನ ದೇಹವನ್ನು ಮಾಯಿಶ್ಚರೈಸ್ ಮಾಡಿ, ಈ ಕಲೆಗಳು ಕಾಣಿಸಿದಂತೆ ಮಾಡಬಹುದು. ಈ ರೀತಿ ಮಾಯಿಶ್ಚರೈಸರ್ ಗೆ ಲೋಳೆಸರ ಬಳಸಿದರೆ ತುಂಬಾ ಒಳ್ಳೆಯದು.

2. ರೆಟೋನಿಕ್ ಆಸಿಡ್ ಕ್ರೀಮ್ ಬಳಸಬಹುದು(retinoic acid cream): ಇದರಲ್ಲಿ ವಿಟಮಿನ್ ಎ ಅಂಶವಿದ್ದು ದೇಹದಲ್ಲಿ ಕೊಲೆಜಿನ್ ಉತ್ಪತ್ತಿಯನ್ನು ಹೆಚ್ಚು ಮಾಡುವುದರಿಂದ ತ್ವಚೆಯಲ್ಲಿರುವ ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸಲು ಸಹಕಾರಿಯಾಗಿದೆ. ಈ ಕ್ರೀಮ್ ಬಳಸುವವರು ತುಂಬಾ ಬಿಸಿಲಿಗೆ ಹೋಗಬಾರದು (ಮಳೆಗಾಲದಲ್ಲಿ ಸಮಸ್ಯೆಯಿಲ್ಲ, ಬೇಸಿಗೆಯಲ್ಲಿ ಹಚ್ಚಿ ಹೊರಗಡೆ ಹೋಗಬೇಡಿ, ಇದನ್ನು ರಾತ್ರಿ ಬಳಸಿದರೆ ಒಳ್ಳೆಯದು) . ಹಳೆಯ ಸ್ಟ್ರೆಚ್ ಮಾರ್ಕ್ಸ್ ಗೆ ಇದನ್ನು ಹಚ್ಚಿದರೆ ಯಾವುದೇ ಪ್ರಯೋಜನ ಪಡೆಯಲು ಸಾಧ್ಯವಿಲ್ಲ.

3. ಗ್ಲೈಸೋಲಿಕ್ ಆಸಿಡ್ (glycolic acid): ಈ ಆಸಿಡ್ ತ್ವಚೆಯಲ್ಲಿ ಕೊಲೆಜಿನ್ ಪ್ರಮಾಣ ಹೆಚ್ಚಿಸಲು ಸಹಾಯ ಮಾಡುವುದು. ಇದನ್ನು ಗರ್ಭಾವಸ್ಥೆಯಲ್ಲಿ ಬೀಳುವ ಸ್ಟ್ರೆಚ್ ಮಾರ್ಕ್ಸ್ ತಪ್ಪಿಸಲು ಬಳಸಬಹುದು.

ಸಲಹೆ: ರೆಟೋಮಿಕ್ ಆಸಿಡ್ ಮತ್ತು ಗ್ಲೈಸೋಲಿಕ್ ಆಸಿಡ್ ಜೊತೆಗ ಬಳಸಬೇಡಿ. ಈ ರೀತಿ ಮಾಡಿದರೆ ಸ್ಟ್ರೆಚ್ ಮಾರ್ಕ್ಸ್ ಹೆಚ್ಚಾಗುವುದು. ಗ್ಲೈಸೋಲಿಕ್ ಬಳಸುವುದಾದರೆ ರೆಟೋನಿಕ್ ಆಸಿಡ್ ಬಳಸಲು ಹೋಗಬೇಡಿ.

ರೆಟೋನಿಕ್ ಆಸಿಡ್ ಅನ್ನು ಗರ್ಭಾವಸ್ಥೆಯ ಸಮಯದಲ್ಲಿ ಮತ್ತು ಮಗುವಿಗೆ ಎದೆ ಹಾಲು ಕೊಡುವ ಸಮಯದಲ್ಲಿ ಬಳಸಬೇಡಿ.

4. ವಿಟಮಿನ್ ಇ ಎಣ್ಣೆ: ವಿಟಮಿನ್ ಇ ಸ್ಟ್ರೆಚ್ ಮಾರ್ಕ್ಸ್ ಮರೆಮಾಚುವಲ್ಲಿ ತುಂಬಾ ಪರಿಣಾಮಕಾರಿಯಾಗಿದೆ. ಇದರಿಂದ ಪ್ರತಿದಿನ ಕಲೆಯ ಮೇಲೆ ಮಾಯಿಶ್ಚರೈಸರ್ ಮಾಡಿ ಕೆಲವೇ ತಿಂಗಳಿನಲ್ಲಿ ಸ್ಟ್ರೆಚ್ ಮಾರ್ಕ್ಸ್ ಕಡಿಮೆಯಾಗುವುದು.

5. ವಿಟಮಿನ್ ಸಿ : ವಿಟಮಿನ್ ಸಿ ಇರುವ ಆಹಾರ ಪದಾರ್ಥಗಳನ್ನು ಹೆಚ್ಚಾಗಿ ಸೇವಿಸಿ. ಅಲ್ಲದೆ ನಿಂಬೆ ರಸ, ಕಿತ್ತಳೆ ರಸ ಇವುಗಳನ್ನು ತ್ವಚೆಗೆ ಹಚ್ಚುವುದರಿಂದ ತ್ವಚೆ ಸಮಸ್ಯೆ ನಿವಾರಿಸಬಹುದು.