ಪ್ರಾಣ ಮತ್ತು ನೆಮ್ಮದಿಗೆ ಕುತ್ತು ತರುವ ಅಬಾರ್ಷನ್

Pre Natal

oi-Reena

By Hema S

Published: Friday, March 30, 2012, 13:06 [IST]

ಕೆಲವರಿಗೆ ಅನಾರೋಗ್ಯದ ಕಾರಣದಿಂದ, ಮಗುವಾದರೆ ತಾಯಿಯ ಪ್ರಾಣಕ್ಕೆ ಅಪಾಯ ಉಂಟಾಗುವ ಸಾಧ್ಯತೆ ಇದ್ದರೆ ಅಬಾರ್ಷನ್ ಮಾಡಿಸಬೇಕಾಗುತ್ತದೆ. ಈ ರೀತಿ ಅಬಾರ್ಷನ್ ಮಾಡಿಸುವವರು 5% ಉಳಿದ 95% ನಷ್ಟು ಅಬಾರ್ಷನ್ ಮಾಡಿಸುವವರು ತಮ್ಮ ತಪ್ಪುಗಳನ್ನು ಮುಚ್ಚಿ ಹಾಕಲು ಕಂಡುಕೊಂಡ ಮಾರ್ಗವಾಗಿದೆ.

ಆದರೆ ಈ ರೀತಿ ಅಬಾರ್ಷನ್ ಮಾಡಿಸುವುದು ಆಟದ ವಿಷಯವಲ್ಲ. ಇದರಿಂದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಅಬಾರ್ಷನ್ ಮಾಡಿಸುವುದರಿಂದ ಸಂಭವಿಸಬಹುದಾದ ಅಪಾಯಗಳ ಬಗ್ಗೆ ತಿಳಿಯಲು ಮುಂದೆ ಓದಿ.

1. ಅಧಿಕ ರಕ್ತ ಸ್ರಾವ: ಅಬಾರ್ಷನ್ ಮಾಡಿಸಿದಾಗ ಕೆಲವರಿಗೆ ಅಧಿಕ ರಕ್ತಸ್ರಾವ ಉಂಟಾಗುತ್ತದೆ. ಈ ರೀತಿ ರಕ್ತ ಸ್ರಾವ ಉಂಟಾಗುತ್ತಿದ್ದರೆ ಪ್ರಾಣಕ್ಕೆ ಅಪಾಯ ಉಂಟಾಗಬಹುದು. ಅಧಿಕ ರಕ್ತಸ್ರಾವ ನಿಲ್ಲಿಸಲು ಮತ್ತೊಂದು ಸರ್ಜರಿ ಮಾಡಬೇಕಾದ ಪರಿಸ್ಥಿತಿ ಕೂಡ ಬರುತ್ತದೆ.

2. ಸೋಂಕು: ಸರಿಯಾಗಿ ಶುದ್ಧ ಮಾಡದ ಉಪಕರಣಗಳನ್ನು ಅಬಾರ್ಷನ್ ಮಾಡಲು ಬಳಸಿದರೆ ಅಥವಾ ಭ್ರೂಣ ಸಂಪೂರ್ಣವಾಗಿ ಹೋಗದಿದ್ದರೆ ಸೋಂಕು ಉಂಟಾಗುವುದು. ಈ ರೀತಿ ಉಂಟಾದರೆ ತುಂಬಾ ನೋವು ಬಂದು ಸಾವು ಸಂಭವಿಸುತ್ತದೆ.

3. ಸರ್ವಿಕ್ಸ್ ಗೆ ಅಪಾಯ: ಯೂಟ್ರಸ್ ಆರಂಭದ ಭಾಗದಲ್ಲಿ (ಸರ್ವಿಕ್ಸ್ ) ಅಬಾರ್ಷನ್ ಮಾಡಲು ಬಳಸಿದ ಉಪಕರಣಗಳಿಂದ ಗಾಯವಾದರೆ ಮುಂದೆ ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

4. ಅಪಾಯ: ಕೆಲವರಿಗೆ ಮೇಲೆ ಹೇಳಿದ ಕಾರಣಗಳಿಂದ ಜೀವಕ್ಕೆ ಅಪಾಯವಾಗಬಹುದು. ಅಬಾರ್ಷನ್ ಪಿಲ್ಸ್ ಅಥವಾ ಮೆಡಿಕಲ್ ಸರ್ಜರಿಯಿಂದ ಅಬಾರ್ಷನ್ ಮಾಡಲಾಗುವುದು. ಆದರೆ ಅಬಾರ್ಷನ್ ಮಾಡಿಸಿದಾಗ ಏನೂ ಅಪಾಯವಾಗದಿದ್ದರೂ ಭವಿಷ್ಯದಲ್ಲಿ ಈ ಕೆಳಗಿನ ಸಮಸ್ಯೆಗಳು ಉಂಟಾಗುವುದು.

* ಮುಗು ಬೇಕೆಂದು ಬಯಸಿ ಗರ್ಭ ಧರಿಸಿದಾಗ ತಿಂಗಳು ತುಂಬುವ ಮೊದಲೆ ಹೆರಿಗೆ ಆಗಬಹುದು. ಈ ರೀತಿ ತಿಂಗಳು ತುಂಬದೆ ಹುಟ್ಟಿದ ಮಕ್ಕಳಲ್ಲಿ ಕಣ್ಣಿನ ಸಮಸ್ಯೆ, ಬುದ್ಧಿ ಮಾಂದ್ಯತೆ, ಉಸಿರಾಟದ ತೊಂದರೆ ಕಾಣಿಸಿಕೊಳ್ಳುವುದು ಹೆಚ್ಚು.

* ಗರ್ಭೀಣಿಯಾದಾಗಲೆ ದೇಹದಲ್ಲಿ ಎದೆ ಹಾಲು ಉತ್ಪತ್ತಿಯಾಗುವ ಕ್ರಿಯೆ ಪ್ರಾರಂಭವಾಗಿರುತ್ತದೆ. ಆದರೆ ಅಬಾರ್ಷನ್ ಮಾಡಿಸಿದಾಗ ಇವೆ ಸ್ತನ ಕ್ಯಾನ್ಸರ್ ಗೆ ಕಾರಣವಾಗುವ ಸಾಧ್ಯತೆ ಹೆಚ್ಚು.

* ಅಬಾರ್ಷನ್ ಮಾಡಿಸಿದ ನಂತರ ಹೆಚ್ಚಿನವರಲ್ಲಿ ಪಶ್ಚಾತಾಪವಿರುತ್ತದೆ. ಅದರಿಂದ ಮಾನಸಿಕ ಖಿನ್ನತೆ, ಪಾಪಪ್ರಜ್ಞೆ ಹೆಚ್ಚಾಗಿ ಲೈಂಗಿಕ ಆಸಕ್ತಿ ಕಡಿಮೆಯಾಗುವುದು.