ಗರ್ಭಿಣಿಯರೆ ಪ್ರಯಾಣ ಓಕೆ ಬಟ್ ಜೋಕೆ

Pre Natal

oi-Reena

By Hema S

Published: Saturday, September 24, 2011, 12:18 [IST]

ಗರ್ಭಾವಸ್ಥೆ ಸಮಯದಲ್ಲಿ ಪ್ರಯಾಣ ಒಳ್ಳೆಯದಲ್ಲ ಎಂದು ಹೇಳುತ್ತಾರೆ. ಆದರೆ ದುಡಿಯುವ ಅನೇಕ ಮಹಿಳೆಯರಿಗೆ ಪ್ರಯಾಣ ಅನಿವಾರ್ಯ. ಆರೋಗ್ಯವಂತ ಗರ್ಭಿಣಿ ಮಹಿಳೆಯರು ಪ್ರಯಾಣ ಮಾಡಬಹುದು, ಆದರೆ ಈ ಮೊದಲು ಗರ್ಭಪಾತವಾಗಿದ್ದರೆ ಅಥವಾ ಗರ್ಭದ ಸಮಸ್ಯೆಯಿಂದ ಬಳಲುತ್ತಿರುವ ಮಹಿಳೆಯರು ಈ ಸಮಯದಲ್ಲಿ ಪ್ರಯಾಣ ಮಾಡುವುದು ಹೆಚ್ಚು ಸೂಕ್ತವಲ್ಲ ಎನ್ನುತ್ತಾರೆ ಸ್ರೀ ರೋಗ ತಜ್ಞರು.

ಗರ್ಭಿಣಿ ಮಹಿಳೆಯರು ದೂರ ಪ್ರಯಾಣ ಮಾಡಬೇಕಾದರೆ ಈ ಕೆಳಗಿನ ಸಮಯದಲ್ಲಿ ಪ್ರಯಾಣ ಮಾಡುವುದು ಹೆಚ್ಚು ಸುರಕ್ಷಿತ ವಿಧಾನವಾಗಿದೆ.

1. 3 ತಿಂಗಳ ನಂತರ ವಾಂತಿ, ಸುಸ್ತು ಹೆಚ್ಚಾಗಿ ಇರುವುದಿಲ್ಲವಾದ್ದರಿಂದ ಈ ಸಮಯದಲ್ಲಿ ಪ್ರಯಾಣ ಮಾಡಬಹುದಾಗಿದೆ.

2. ಮೊದಲ 3 ತಿಂಗಳಿನಲ್ಲಿಯೆ ಅತೀ ಹೆಚ್ಚಾಗಿ ಗರ್ಭಪಾತವಾಗುವುದರಿಂದ ಈ ಸಮಯದಲ್ಲಿ ಪ್ರಯಾಣ ಮಾಡದೆ ಆದಷ್ಟು ವಿಶ್ರಾಂತಿ ತೆಗೆದುಕೊಳ್ಳಿ.

3. ಆರು ತಿಂಗಳ ನಂತರದ ಪ್ರಯಾಣವು ಮೊದಲ 3 ತಿಂಗಳಿನಷ್ಟು ಅಪಾಯಕಾರಿ ಅಲ್ಲದಿದ್ದರು ಎರಡನೇ ತ್ರೈ ಮಾಸಿಕದಷ್ಟು ಸುರಕ್ಷಿತವಲ್ಲ, ವಿಮಾನ ಪ್ರಯಾಣ ಗರ್ಭಿಣೆಯಾದ 32 ವಾರದ ಬಳಿಕ ಅವಕಾಶವಿಲ್ಲ. ಕಾರು ಅಥವಾ ರೈಲು ಪ್ರಯಾಣವನ್ನು ಮುನ್ನೆಚ್ಚರಿಕೆಯ ಕ್ರಮಗಳನ್ನು ಅನುಸರಿವುದು ಒಳ್ಳೆಯದು.

ಯಾವಾಗ ಸೂಕ್ತವಲ್ಲ

1. ಮೊದಲೊಮ್ಮೆ ಗರ್ಭಪಾತವಾಗಿದ್ದರೆ.
2. ಚಿಕ್ಕ ವಯಸ್ಸಿನಲ್ಲಿ ಅಥವಾ 35-40 ರಲ್ಲಿ ಗರ್ಭಿಣಿಯಾಗಿದ್ದರೆ
3. ಮಧುಮೇಹ ಅಥವಾ ರಕ್ತದೊತ್ತಡವಿದ್ದರೆ
4.ಗರ್ಭದಲ್ಲಿ ಅವಳಿಮಕ್ಕಳಿದ್ದರೆ
5.ಬೇರೆ ಯಾವುದೇ ಕಾರಣಗಳು ಹೆರಿಗೆಗೆ ಕಷ್ಟವೊಡ್ಡುವಂತಿದ್ದರೆ ಪ್ರಯಾಣ ಮಾಡುವುದು ಸುರಕ್ಷಿತವಲ್ಲ.