ಮೇಕಪ್ ಗಿಂತ ಮಗುವಿನ ಆರೈಕೆ ಮುಖ್ಯ

ಗರ್ಭಧಾರಣೆ ಸಮಯದಲ್ಲಿ ಅತಿಯಾಗಿ ಮೇಕಪ್ ಮಾಡಿಕೊಳ್ಳುವುದೂ ಕೂಡ ಕಂದನ ಮೇಲೆ ಪರಿಣಾಮ ಬೀರುತ್ತದೆ. ಸಂಶೋಧನೆಯೊಂದರ ಪ್ರಕಾರ ಹೇರ್ ಸ್ಪ್ರೇ ಬಳಸುವ ಮಹಿಳೆಯರಿಗೆ ಹುಟ್ಟುವ ಮಗುವಿಗೆ ಮುಂದೆ ಮೂತ್ರನಾಳಕ್ಕೆ ಸಂಬಂಧಿಸಿದಂತೆ ತೊಂದರೆ ಅನುಭವಿಸಬೇಕಾಗಿ ಬರುತ್ತದೆ ಎಂಬ ಅಂಶ ತಿಳಿದುಬಂದಿದೆ.

ಗರ್ಭಧಾರಣೆ ಮಾಡಲು ಬಯಸುವ ಮಹಿಳೆಯರು ಹಾಗೂ ಗರ್ಭ ಧರಿಸಿ ಮೂರು ತಿಂಗಳಾಗಿರುವ ಮಹಿಳೆಯರು ತಾವು ಎಂತಹ ಸೌಂದರ್ಯ ಸಾಧನವನ್ನು ಮತ್ತು ಎಷ್ಟು ಪ್ರಮಾಣ ಸೌಂದರ್ಯ ಸಾಧನಗಳನ್ನು ಉಪಯೋಗಿಸುತ್ತಿದ್ದೇವೆ ಎಂಬುದರ ಅರಿವಿಟ್ಟುಕೊಂಡಿದ್ದರೆ ಉತ್ತಮ. ಏಕೆಂದರೆ ಮಗುವಿನ ಮೇಲೆ ಇದು ದೀರ್ಘ ಪರಿಣಾಮ ಬೀರಬಾರದಲ್ಲವೆ? ಮುಂಜಾಗ್ರತೆಯಾಗಿದ್ದರೆ ಮುಂದೆ ಬರುವ ತೊಂದರೆಯನ್ನು ಸುಲಭವಾಗಿ ತಡೆಯಬಹುದು.