ಕೋವಿಡ್-19ನಿಂದ ಭಯಭೀತರಾದ ಮಕ್ಕಳಿಗೆ ಈ ರೀತಿ ಹೇಳಿ ಅರ್ಥ ಮಾಡಿಸಿ

ಮಕ್ಕಳಲ್ಲಿ ಸುರಕ್ಷಿತ ಭಾವನೆ ಮೂಡಿಸಿ:

ನಿಮ್ಮ ಮಗುವಿಗೆ ಸುರಕ್ಷಿತ ಭಾವನೆ ಮೂಡಿಸಲು ಸಹಾಯ ಮಾಡುವತ್ತ ಗಮನಹರಿಸಿ. ಒಂದು ವೇಳೆ ಮಗು ಕೊರೋನಾದ ಬಗ್ಗೆ ಭಯ ವ್ಯಕ್ತ ಪಡಿಸಿದರೆ ಅವರಿಗೆ ಧೈರ್ಯ ತುಂಬಿ. ಸ್ಥಿತಿಯನ್ನು ನಿಧಾನವಾಗಿ ಅರ್ಥ ಮಾಡಿಸಿ. ನಿಮ್ಮ ಉತ್ತರದಿಂದ ಮಗುವಿಗೆ ನಾನು ಸುರಕ್ಷಿತ ನನಗೇನು ಆಗುವುದಿಲ್ಲ ಎಂಬ ಭಾವನೆ ಮೂಡಬೇಕು.

ಶಾಂತವಾಗಿ, ಧೈರ್ಯದಿಂದ ಮಾತನಾಡಿ:

ಮಗು ಕೇಳುವ ಪ್ರಶ್ನೆಗಳಿಗೆ ರೇಗಬೇಡಿ. ಅವರೇನಾದರೂ ಕೊರೋನಾದ ಬಗ್ಗೆ ಮಾತನಾಡಿದರೆ ಧ್ವನಿಯನ್ನು ಇಳಿಸಿ ಮಾತನಾಡಿ. ಅವರ ಪ್ರಶ್ನೆಗಳಿಗೆ ನಿಧಾನವಾಗಿ ಉತ್ತರ ನೀಡಿ. ಒಂದು ವೇಳೆ ಉತ್ತರ ತಿಳಿಯದಿದ್ದಲ್ಲಿ ಇಬ್ಬರೂ ಸೇರಿ ಅಧೀಕೃತ ಸೈಟ್ ನಿಂದ ಮಾಹಿತಿ ಪಡೆದುಕೊಳ್ಳುವ ಪ್ರಯತ್ನ ಮಾಡಿ.

ಮಕ್ಕಳಿಗೆ ಅವರ ಭಯವನ್ನು ಹಂಚಿಕೊಳ್ಳಲು ಬಿಡಿ:

"ನನಗೆ ಮುಂದೇನಾಗಬಹುದು? ನನಗೆ ಏನಾದರೂ ಆಗಬಹುದೇ?" ಎಂದು ಮಕ್ಕಳು ಚಿಂತೆ ಮಾಡುವುದು ಸಹಜ. ಮಕ್ಕಳು ವಯಸ್ಕರಂತೆ ಅಪಾಯಕ್ಕೆ ಒಳಗಾಗುವುದಿಲ್ಲ ಎಂದು ನಿಮ್ಮ ಮಗುವಿಗೆ ತಿಳಿಸಿ. ಇಂತಹ ಉತ್ತರಗಳಿಗಾಗಿ ಅವರು ಯಾವಾಗಲೂ ನಿಮ್ಮ ಬಳಿಗೆ ಬರಬಹುದು ಅಥವಾ ಅವರನ್ನು ಹೆದರಿಸುವ ವಿಷಯಗಳ ಬಗ್ಗೆ ಮಾತನಾಡಲು ನಿಮ್ಮ ಬಳಿ ಬರಬಹುದು. ಆಗ ಅವರಿಗೆ ಅರ್ಥವಾಗುವಂತೆ ಹೇಳುವುದು ನಿಮ್ಮ ಜವಾಬ್ದಾರಿ.

ನಡೆಯುತ್ತಿರುವ ವಿದ್ಯಮಾನಗಳ ಬಗ್ಗೆ ತಿಳಿಸಿ:

ಜನರನ್ನು ಸುರಕ್ಷಿತವಾಗಿ ಮತ್ತು ಆರೋಗ್ಯವಾಗಿಡಲು ನಡೆಯುತ್ತಿರುವ ಎಲ್ಲ ವಿಷಯಗಳ ಬಗ್ಗೆ ಮಾತನಾಡಿ. ಅನಾರೋಗ್ಯದಿಂದ ಬಳಲುತ್ತಿರುವ ಜನರಿಗೆ ಚಿಕಿತ್ಸೆ ನೀಡಲು ಆಸ್ಪತ್ರೆಗಳು ಮತ್ತು ವೈದ್ಯರು ಹೇಗೆ ಸಿದ್ಧರಾಗಿದ್ದಾರೆಂದು ತಿಳಿದರೆ ಅದು ಚಿಕ್ಕ ಮಕ್ಕಳಿಗೆ ಧೈರ್ಯ ತುಂಬಬಹುದು. COVID-19 ಲಸಿಕೆಗಳನ್ನು ಅಭಿವೃದ್ಧಿಪಡಿಸಲು ವಿಜ್ಞಾನಿಗಳು ಹೇಗೆ ಶ್ರಮಿಸಿದ್ದಾರೆ ಎಂದು ಮಕ್ಕಳು ತಿಳಿದಿರಬೇಕು ಮತ್ತು ಲಕ್ಷಾಂತರ ಜನರಿಗೆ ಈಗಾಗಲೇ ಲಸಿಕೆ ನೀಡಲಾಗಿದೆ. COVID-19 ಹರಡುವುದನ್ನು ತಡೆಯಲು 12 ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳು ಮಾಸ್ಕ್ ಧರಿಸಬೇಕು. ಈ ಮಾತುಕತೆಗಳು ಮಕ್ಕಳು ತಮ್ಮ ಸಾಮಾನ್ಯ ದಿನಚರಿಯಲ್ಲಿ ಬದಲಾವಣೆಗಳನ್ನು ತರಲು ಸಹಾಯ ಮಾಡುತ್ತದೆ.

ಒತ್ತಡ ಸಾಮಾನ್ಯ ಎಂದು ಅರ್ಥಮಾಡಿಸಿ:

ಕೆಲವೊಮ್ಮೆ ಒತ್ತಡವನ್ನು ಅನುಭವಿಸುವುದು ಸಾಮಾನ್ಯ ಎಂದು ನಿಮ್ಮ ಮಕ್ಕಳಿಗೆ ತಿಳಿಸಿ. ಇದು ಎಲ್ಲರಿಗೂ ಎದುರಾಗಿರುವ ಪರಿಸ್ಥಿತಿ, ಭಯ ಬೇಡ, ಒಂದು ದಿನ ಇದೆಲ್ಲವೂ ಮುಗಿಯುತ್ತದೆ ಎಂಬ ಮಾತುಗಳನ್ನಾಡಿ ಅವರನ್ನು ಒತ್ತಡದಿಮದ ಹೊರಬರುವಂತೆ ಆಡಿ. ಜೀವನ ಸಹಜ ಸ್ಥಿತಿಗೆ ಮರಳುತ್ತದೆ ಎಂಬುದುನ್ನು ತಿಳಿಸಿ.

ಮಕ್ಕಳ ಆರೋಗ್ಯ ನಿಯಂತ್ರಣ ಹೇಳಿಕೊಡಿ:

ಮಕ್ಕಳಿಗೆ ಕೈಗಳನ್ನು ಚೆನ್ನಾಗಿ ತೊಳೆಯುವುದು, ಸಾಕಷ್ಟು ನಿದ್ರೆ ಮಾಡುವುದಕ್ಕೆ ಹೇಳಿ. ಇದರಿಂದ ನಿಮ್ಮ ಮಗುವಿಗೆ ಅವರ ಆರೋಗ್ಯ ನಿಯಂತ್ರಣದಲ್ಲಿದೆ ಎಂಬುದು ಅರಿವಾಗುತ್ತದೆ. ನಿಯಮಿತವಾಗಿ ಕೈ ತೊಳೆಯುವುದು ವೈರಸ್ಗಳು ಇತರರಿಗೆ ಹರಡುವುದನ್ನು ತಡೆಯಲು ಸಹಾಯ ಮಾಡುತ್ತದೆ ಎಂದು ಮಕ್ಕಳಿಗೆ ವಿವರಿಸಿ. ಇದರಿಂದ ಅವರು ಇತರರಿಗೆ ಆದರ್ಶಪ್ರಾಯರಾಗಬಹುದು ಎಂಬುದನ್ನೂ ತಿಳಿಸಿ.