For Quick Alerts
ALLOW NOTIFICATIONS  
For Daily Alerts

ನಿಮ್ಮ ಮಕ್ಕಳಲ್ಲಿ ಈ ಲಕ್ಷಣಗಳಿದ್ದರೆ ತಕ್ಷಣ ಕೊರೋನಾ ಪರೀಕ್ಷೆ ಮಾಡಿಸಿ

|

ಎಲ್ಲಿ ನೋಡಿದರೂ, ಕೊರೋನಾದ್ದೇ ಹಾವಳಿ. ಎಷ್ಟೇ ಜಾಗರೂಕರಾಗಿದ್ದರೂ ಸಹ ಅದೇಗೋ ದೇಹವನ್ನ ಪ್ರವೇಶಿಸುತ್ತಿದೆ ಮಹಾಮಾರಿ. ಹಿಂದಿನ ಅಲೆಗೆ ಹೋಲಿಸಿದರೆ ಕೊರೋನಾ ಎರಡನೇ ಅಲೆ ಮಕ್ಕಳಿಗೆ ಅಪಾಯ ಮಾಡುವುದು ಕಡಿಮೆ. ಹಾಗಂತ ನಿರ್ಲಕ್ಷ್ಯ ತೋರುವುದು ಸರಿಯಲ್ಲ.
ವಯಸ್ಕರಿಗೆ ಹೋಲಿಸಿದರೆ ಮಕ್ಕಳು ವೇಗವಾಗಿ ಚೇತರಿಕೆಯಾಗುತ್ತಾರೆ. ಆದರೆ ನಿಮ್ಮ ಮಕ್ಕಳಲ್ಲಿ ಕೊರೋನಾದ ಸಣ್ಣ ಲಕ್ಷಣಗಳು ಕಂಡುಬಂದರೂ ಸಹ, ಅಗತ್ಯ ಚಿಕಿತ್ಸೆ ಕೊಡಿಸಬೇಕು. ಹಾಗಾದರೆ ಇದೀಗ ಮಕ್ಕಳಲ್ಲಿ ಕಂಡುಬರುವ ಕೊರೋನಾದ ಲಕ್ಷಣಗಳೇನು ಎಂಬುದನ್ನು ನೋಡೋಣ.

ಇದೀಗ, ಮಕ್ಕಳಲ್ಲಿ ಸಾಮಾನ್ಯವಾಗಿ ಕಂಡುಬರುವ ಪ್ರಮುಖ ಲಕ್ಷಣಗಳು ಇವು:

ಹೊಟ್ಟೆ ನೋವು:

ಹೊಟ್ಟೆ ನೋವು:

ಕೊರೋನಾ ಎರಡನೇ ಅಲೆಯ ಸಾಮಾನ್ಯ ಲಕ್ಷಣವಿದು. ನಿಮ್ಮ ಮಗು ಅಸಾಮಾನ್ಯ ಹೊಟ್ಟೆ ನೋವು, ಹೊಟ್ಟೆ ಉಬ್ಬುವುದು, ಭಾರ, ಹೊಟ್ಟೆಯ ಸೆಳೆತವನ್ನು ಅನುಭವಿಸುತ್ತಿದ್ದರೆ, ಅದು ಕೊರೋನಾದ ಲಕ್ಷಣವಿರಬಹುದು. ಕೆಲವು ಮಕ್ಕಳಿಗೆ ಹಸಿವಾಗದೇ ಇರಬಹುದು ಅಥವಾ ತಿನ್ನಬೇಕೆಂಬ ಬಯಕೆಯನ್ನು ಅನುಭವಿಸುವುದಿಲ್ಲ, ಇದು ಗಮನಹರಿಸಬೇಕಾದ ಲಕ್ಷಣವಾಗಿದೆ.

ಅತಿಸಾರ/ಭೇದಿ:

ಅತಿಸಾರ/ಭೇದಿ:

ಅತಿಸಾರ ಮತ್ತು ವಾಂತಿ ಕೂಡ ಮಕ್ಕಳ ಮೇಲೆ ಸಾಮಾನ್ಯವಾಗಿ ಪರಿಣಾಮ ಬೀರುವ ಲಕ್ಷಣಗಳಾಗಿವೆ. ಇದಕ್ಕೆ ಯಾವುದೇ ತಾರ್ಕಿಕತೆಯಿಲ್ಲದಿದ್ದರೂ, ಇದು ಕರುಳಿನ ಉದ್ದಕ್ಕೂ ಇರುವ ಎಸಿಇ 2 ಗ್ರಾಹಕಗಳಿಗೆ ವೈರಸ್ ನ್ನು ಹರಡಲು ಪ್ರಾರಂಭಿಸುವ ಸಂಭಾವ್ಯ ಮಾರ್ಗಗಳನ್ನು ಮಾತ್ರ ಸೂಚಿಸುತ್ತದೆ. ಇದು ವ್ಯಾಪಕವಾದ ಉರಿಯೂತ ಮತ್ತು ಜೀರ್ಣಕಾರಿ ತೊಂದರೆಗಳಿಗೆ ಕಾರಣವಾಗುತ್ತದೆ.

ಮಧ್ಯಮ ಅಥವಾ ಹೆಚ್ಚಿನ ಜ್ವರ:

ಮಧ್ಯಮ ಅಥವಾ ಹೆಚ್ಚಿನ ಜ್ವರ:

ಮಕ್ಕಳಿಗೆ ಕೊರೋನಾ ತಗುಲಿದ್ದರೆ 102 ಡಿಗ್ರಿ ಫ್ಯಾರನ್‌ಹೀಟ್‌ನಷ್ಟು ಜ್ವರ ಬರಬಹುದು. ಇದರ ಜೊತೆಗೆ ಶೀತ, ನೋವು, ಸುಸ್ತು ಸಹ ಇರುತ್ತದೆ. ಹೆಚ್ಚಿನ ಸಂದರ್ಭಗಳಲ್ಲಿ, 2-3 ದಿನಗಳ ನಂತರ ಜ್ವರವು ಕಡಿಮೆಯಾಗುತ್ತದೆ. ಆದರೂ, ರೋಗಲಕ್ಷಣವು 5 ದಿನಗಳವರೆಗೆ ಮುಂದುವರಿದರೆ, ವಿಶೇಷ ಆರೈಕೆಯನ್ನು ಪಡೆಯಿರಿ.

ನಿರಂತರ ಶೀತ ಮತ್ತು ಕೆಮ್ಮು:

ನಿರಂತರ ಶೀತ ಮತ್ತು ಕೆಮ್ಮು:

ಮೇಲೆ ಹೇಳಿದಂತೆ ಇದು ಜ್ವರದೊಂದಿಗೂ ಸಂಬಂಧ ಹೊಂದಿರಬಹುದು. ಆದರೆ ಕೆಲವೊಮ್ಮೆ ನಿರಂತರ ಕೆಮ್ಮು ಹಾಗೂ ಶೀತವೂ ಕೊರೋನಾದ ಲಕ್ಷಣವಾಗಿರುತ್ತದೆ. ಇವುಗಳ ಜೊತೆಗೆ ಗಂಟಲು ನೋವು ಸಹ ಇರಬಹುದು.

ಅರೆನಿದ್ರೆ, ದಣಿವು:

ಅರೆನಿದ್ರೆ, ದಣಿವು:

ಮಕ್ಕಳಿಗೆ ಕೊರೋನಾ ಇದ್ದರೆ, ಮಕ್ಕಳ ಶಕ್ತಿಯ ಮಟ್ಟದಲ್ಲಿ ಹಠಾತ್ ಕುಸಿತವನ್ನು ಕಾಣಬಹುದು. ಆಯಾಸ, ದಣಿವು, ಕಳಪೆ ನಿದ್ರೆ ಮತ್ತು ಆಲಸ್ಯವು ದೇಹದ ರೋಗನಿರೋಧಕ ವ್ಯವಸ್ಥೆಯು ಸೋಂಕಿನ ವಿರುದ್ಧ ಹೋರಾಡುವಲ್ಲಿ ನಿರತವಾಗಿದೆ ಎಂಬುದರ ಸೂಚನೆಯಾಗಿದೆ. ಸಣ್ಣ ಮಕ್ಕಳಲ್ಲಿ ಸೋಂಕಿನಿಂದ ಉಂಟಾಗುವ ಆಯಾಸ ಮತ್ತು ದೌರ್ಬಲ್ಯ ಅವರ ಕಿರಿಕಿರಿಗೆ ಕಾರಣವಾಗಬಹುದು.

ಚರ್ಮದ ದದ್ದುಗಳು:

ಚರ್ಮದ ದದ್ದುಗಳು:

ಇದ ವಯಸ್ಕರಲ್ಲಿ ಕಂಡುಬರುವಂತೆ ಸಾಮಾನ್ಯವಾಗಿ ಮಕ್ಕಳಲ್ಲೂ ಕಂಡುಬರುವ ಕೊರೋನಾದ ಲಕ್ಷಣವಾಗಿದೆ. ಬೆರಳುಗಳ ಬಣ್ಣ ಬದಲಾವಣೆ, ಕೆಂಪು ದದ್ದುಗಳು, ಮಚ್ಚೆಯ ಚರ್ಮದಲ್ಲಿನ ಬದಲಾವಣೆಯನ್ನು ಪೋಷಕರು ಗಮನಿಸಿದಾಗ ಕೊರೋನಾ ಪರೀಕ್ಷೆ ಮಾಡುವುದು ಉತ್ತಮ.

ಮಕ್ಕಳಿಗೆ ಯಾವ ರೀತಿಯ ಚಿಕಿತ್ಸೆ ಬೇಕು?:

ಮಕ್ಕಳಿಗೆ ಯಾವ ರೀತಿಯ ಚಿಕಿತ್ಸೆ ಬೇಕು?:

ಮಕ್ಕಳಲ್ಲಿ ರೋಗಲಕ್ಷಣ ಹೆಚ್ಚಾಗುತ್ತಿದ್ದರೂ, ಮನೆಯಲ್ಲಿ ಸುಲಭವಾಗಿ ಪರಿಹರಿಸಬಹುದು ಎಂದು ವೈದ್ಯರು ಪದೇ ಪದೇ ಪ್ರತಿಪಾದಿಸಿದ್ದಾರೆ. ನಿಮ್ಮ ಮಗುವಿಗೆ ರೋಗಲಕ್ಷಣವಿದ್ದರೆ ಪರೀಕ್ಷೆಯನ್ನು ಮಾಡಿಸಿ ಮತ್ತು ವೈದ್ಯರನ್ನು ಸಂಪರ್ಕಿಸಿ. ಸಾಮಾನ್ಯವಾಗಿ, ಒಟಿಸಿ ಔಷಧಿಗಳಾದ ಪ್ಯಾರೆಸಿಟಮಾಲ್ ಮತ್ತು ಮಲ್ಟಿವಿಟಾಮಿನ್ಗಳು ಮಗುವಿಗೆ ಸಾಕಾಗುತ್ತದೆ. ನಿಮ್ಮ ಮಗುವಿಗೆ ಸಾಕಷ್ಟು ವಿಶ್ರಾಂತಿ ಪಡೆಯಲು ಹೇಳಿ, ಮುನ್ನೆಚ್ಚರಿಕೆಗಳನ್ನು ಅನುಸರಿಸಿ ಮತ್ತು ಸಾಕಷ್ಟು ನೀರಿನಾಂಶ ಇರುವ ಪಾನೀಯ ಕುಡಿಯಿರಿ. ಕೊರೋನಾಗೆ ಸಂಬಂಧಿಸಿದ ಎಲ್ಲಾ ಮಾರ್ಗಸೂಚಿಗಳನ್ನು ಅನುಸರಿಸುವುದು ತುಂಬಾ ಮುಖ್ಯ.

English summary

Coronavirus in Kids: Most Common COVID-19 Symptoms in Kids in Kannada

Here we talking about Coronavirus in kids: Most common COVID-19 symptoms in kids in Kannada, read on
X