ಅಮೃತ ಸಮಾನ ಎದೆಹಾಲಿನಿಂದ ಮಗುವಿನ ಮೆದುಳು ಅಭಿವೃದ್ಧಿ

ಗರ್ಭಾವಸ್ಥೆಯಲ್ಲಿ ತಾಯಿ ಹೇಗೆ ತನ್ನ ಹೊಟ್ಟೆಯಲ್ಲಿರುವ ಕಂದಮ್ಮನನ್ನು ಕುರಿತು ಕನಸಿನ ಮನೆ ಕಟ್ಟಿರುತ್ತಾಳೋ ಅಂತೆಯೇ ಅದು ಜನಿಸಿದ ನಂತರ ಮಗುವಿನ ಆರೈಕೆಯಲ್ಲಿ ಮಹತ್ತರ ಗಮನವನ್ನು ನೀಡುತ್ತಾಳೆ.

ಹೊಟ್ಟೆಯಲ್ಲಿದ್ದಾಗ ಮಗುವಿನ ಚಲನ ವಲನಗಳನ್ನು ಆಸ್ವಾದಿಸುವುದು, ಅದಕ್ಕಾಗಿ ಬಟ್ಟೆಗಳನ್ನು ಆಟಿಕೆಗಳನ್ನು ತಂದಿಟ್ಟುಕೊಳ್ಳುವುದು ಅಬ್ಬಾ ಆಕೆಯ ಸಂಭ್ರಮವನ್ನು ವಿವರಿಸಲು ಸಾಧ್ಯವೇ ಆಗದು.

ಶಿಶು ಜನಿಸಿದ ನಂತರ ಬೇರೆಲ್ಲಾ ಆಹಾರಗಳನ್ನು ಸೇವಿಸುವುದಕ್ಕಿಂತ ಮುನ್ನ ಅದಕ್ಕೆ ಆವಶ್ಯಕವಾಗಿರುವುದು ತಾಯಿಯ ಎದೆಹಾಲಾಗಿದೆ. ಮಗುವಿನ ಸರ್ವತೋಮುಖ ಬೆಳವಣಿಗೆಗೆ ಈ ಹಾಲು ಸಹಾಯಕ.

ಅಂತೆಯೇ ಸ್ತನ್ಯಪಾನವನ್ನು ಅಮೃತಕ್ಕೆ ಹೋಲಿಸಲಾಗಿದೆ. ಈಗ ಈ ಹಾಲಿನಿಂದ ಕಂಡುಕೊಂಡಿರುವ ಇನ್ನೊಂದು ಅಂಶವೆಂದರೆ ಮಗುವಿನ ಮೆದುಳಿನ ಬೆಳವಣಿಗೆಯಾಗಿದೆ. ಎದೆಹಾಲಿನಲ್ಲಿರುವ ನೈಸರ್ಗಿಕ ಅಂಶಗಳು ಮೆದುಳಿನ ಅಭಿವೃದ್ಧಿಯನ್ನು ಮಾಡುತ್ತದೆ ಎಂಬುದಾಗಿ ಹೊಸ ಅಧ್ಯಯನವೊಂದು ತಿಳಿಸಿದೆ.

ತಮ್ಮ ನಿರ್ದಿಷ್ಟ ದಿನಾಂಕದ ಮುನ್ನ ಹುಟ್ಟುವ ಮಗುವು ತಮ್ಮ ಮೆದುಳಿನಲ್ಲಿ ವಿಕಸನವಾಗಿಲ್ಲದ ಪ್ರದೇಶಗಳನ್ನು ಹೊಂದಿದ್ದು ಇದರ ಬೆಳವಣಿಗೆಗೆ ಎದೆಹಾಲು ಸಹಾಯಕವಾಗಿದೆ. ಎಂಬುದಾಗಿ ಸಂಶೋಧಕರು ತಿಳಿಸಿದ್ದಾರೆ. ಕೆಲವು ಮಕ್ಕಳಲ್ಲಿ ಮೆದುಳಿನ ಬೆಳವಣಿಗೆಯನ್ನು ಪತ್ತೆಹಚ್ಚಲು ಅವರುಗಳು ಎಮ್‎ಆರ್‫‎‎ಐ ಸ್ಕ್ಯಾನ್‎ಗಳನ್ನು ನಡೆಸಿದ್ದಾರೆ.

ಎರಡು ಸಮೂಹಗಳಲ್ಲಿ ಅಧ್ಯಯನವನ್ನು ನಿಕಟವಾಗಿ ನಡೆಸಿದಾಗ, ಎದೆಹಾಲು ಸೇವಿಸಿದ ಮಗುವಿನ ಮೆದುಳು ಗಾತ್ರದಲ್ಲಿ ಹಿರಿದಾಗಿತ್ತು. ಮೆದುಳಿನ ಪರಿಮಾಣ ಅರಿವಿನ ಬೋಧನೆಗಳ ಮೇಲೆ ಪರಿಣಾಮವನ್ನು ಬೀರುತ್ತವೆ. ಈ ಸಂಶೋಧನೆ ಮಾತ್ರವಲ್ಲದೆ ತಾಯಿಯ ಎದೆಹಾಲು ಮಗುವಿಗೆ ಹಲವಾರು ರೀತಿಯಲ್ಲಿ ಪ್ರಯೋಜನವನ್ನು ನೀಡುತ್ತಿದೆ.

ಮಗುವು ಎದೆಹಾಲು ಸೇವೆನಯಿಂದ ಉಂಟಾಗುವ ಮಹತ್ತರ ಪ್ರಯೋಜವನ್ನು ಈ ಅಧ್ಯಯನವು ತಿಳಿಸಿದೆ. ಮಗುವಿನ ಮೆದುಳು ಅವುಗಳ ಜೀವನ ಸುಧಾರಣೆಗೆ ಅತೀ ಅಗತ್ಯವಾಗಿದ್ದು ಎದೆಹಾಲು ಸೇವನೆಯಿಂದ ಮಗುವಿನ ಸರ್ವತೋಮುಖ ಪ್ರಯೋಜನ ಲಭಿಸಲಿದೆ ಎಂಬುದಾಗಿ ಈ ಅಧ್ಯಯನದಿಂದ ತಿಳಿದು ಬಂದಿರುವ ಅಂಶವಾಗಿದೆ.