ಹೆರಿಗೆ ನಂತರ ಹೊಟ್ಟೆ ಹೀಗೆ ಕರಗಿಸಿ

1. ತಾಜಾ ಹಣ್ಣುಗಳು

ನೀವು ಹಣ್ಣುಗಳನ್ನು ತಿನ್ನುವಾಗ ಒಂದು ವಿಷಯ ಯಾವಾಗಲೂ ನೆನಪಿಡಿ. ಎಂದೂ ಕೂಡ ರೆಫ್ರಿಜರೇಟರ್ನಲ್ಲಿ ಹಣ್ಣುಗಳನ್ನು ತುಂಬಾ ದಿನಗಳವರೆಗೆ ಇಟ್ಟು ಬಳಸಬೇಡಿ.

2. ತಾಜಾ ಆಹಾರ

ಸಾಧ್ಯವಾದಷ್ಟು ಆಹಾರವನ್ನು ಫ್ರೆಷ್ ಆಗಿ ತಯಾರಿಸಿ ತಿನ್ನಿರಿ. ಕೃತಕ ಸಂರಕ್ಷಕಗಳನ್ನು ಬಳಸಿದ ಆಹಾರ ಮತ್ತು ಸಂಸ್ಕರಿಸಿದ ಆಹಾರಗಳನ್ನು ತಿನ್ನಬೇಡಿ.

3. ಆಯಾ ಕಾಲದಲ್ಲಿ ಸಿಗುವ ತರಕಾರಿಗಳ ಬಳಕೆ

ಪ್ರಕೃತಿ ಒಂದೊಂದು ಕಾಲಕ್ಕೆ ಒಂದೊಂದು ರೀತಿಯ ತರಕಾರಿ ಮತ್ತು ಹಣ್ಣುಗಳನ್ನು ನಮಗೆ ನೀಡುತ್ತದೆ. ನಾವು ಕೂಡ ಪ್ರಕೃತಿ ಆಯಾ ಕಾಲದಲ್ಲಿ ಒದಗಿಸುವ ಹಣ್ಣು ತರಕಾರಿಗಳನ್ನೇ ಬಳಸುವುದು ಒಳ್ಳೆಯದು. ಇದರಿಂದ ನಿಮ್ಮ ಡಯಟ್ನಲ್ಲಿ ಕೂಡ ವೈವಿಧ್ಯತೆಯಿರುತ್ತದೆ. ಯಾವುದೋ ಒಂದೇ ರೀತಿಯ ಆಹಾರವನ್ನು ಪ್ರತಿದಿನ ತಿನ್ನುವುದು ಮತ್ತು ಒಂದೇ ಆಹಾರವನ್ನು ಹೆಚ್ಚಾಗಿ ತಿನ್ನುವುದು ಎರಡೂ ಕೂಡ ಒಳ್ಳೆಯದಲ್ಲ.

4. ಪಾರ್ಕಿಗೆ ಹೋಗುವುದನ್ನು ರೂಢಿಸಿಕೊಳ್ಳಿ

ದೇಹ ಶೇಖರಿಸಿದ ಕೊಬ್ಬನ್ನು ಕರಗಿಸಿ ಮಾಮೂಲು ಸ್ಥಿತಿಗೆ ತಲುಪಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ. ವೇಗದ ನಡಿಗೆ ಒಂದು ಒಳ್ಳೆಯ ವ್ಯಾಯಾಮ. ಇದರಿಂದಲೇ ವ್ಯಾಯಾಮವನ್ನು ಆರಂಭಿಸಿ. ಯಾವುದೇ ರೀತಿಯ ಪದ್ಧತಿಯ ಮೂಲಕ ಕೊಬ್ಬು ಕರಗಿಸಲು ಆರಂಭಿಸುವ ಮುನ್ನ ಒಮ್ಮೆ ವೈದ್ಯರ ಸಲಹೆ ಪಡೆದುಕೊಳ್ಳುವುದು ಉತ್ತಮ.

5. ಯೋಗಾಭ್ಯಾ ಸ

ಸರಿಯಾದ ಆಸನಗಳು ಮತ್ತು ಪ್ರಾಣಾಯಾಮವನ್ನು ಅಭ್ಯಾಸ ಮಾಡಿದರೆ ಖಂಡಿತವಾಗಿಯೂ ತೂಕವನ್ನು ಇಳಿಸಿಕೊಳ್ಳಬಹುದು. ಯೋಗ ತರಗತಿಗಳಿಗೆ ಸೇರಿ ಪ್ರಾಥಮಿಕ ಪಾಠಗಳನ್ನು ಮೊದಲು ಕಲಿಯಿರಿ. ಇದು ನಿಮ್ಮ ದೈಹಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಒಳ್ಳೆಯದು.

6. ಆಹಾರವನ್ನು ಜಗಿದು ತಿನ್ನಿ

ಆಹಾರವನ್ನು ಚೆನ್ನಾಗಿ ಜಗಿದು ತಿನ್ನುವುದು ಬಹಳ ಮುಖ್ಯ. ಇದು ಬಾಯಿಗೆ ಒಳ್ಳೆಯ ವ್ಯಾಯಾಮ ಜೊತೆಗೆ ನಿಮ್ಮ ದೇಹದ ಆಕಾರ ಮೊದಲಿನಂತಾಗಲೂ ಕೂಡ ನೆರವು ನೀಡುತ್ತದೆ.

7. ಸ್ತನಪಾನ

ಸ್ತನ ಪಾನ ಮಗು ಮತ್ತು ತಾಯಿ ಇಬ್ಬರಿಗೂ ಒಳ್ಳೆಯದು. ಇದು ಸ್ತನದ ಕ್ಯಾನ್ಸರ್ ತಡೆಗಟ್ಟುವುದರೊಂದಿಗೆ ದೇಹದ ಕೊಬ್ಬನ್ನು ಕರಗಿಸುವಲ್ಲಿ ಕೂಡ ಸಹಕಾರಿ.