ಹೆರಿಗೆಯ ನಂತರ ಕಂಡು ಬರುವ ಸಮಸ್ಯೆಗಳು

ಗರ್ಭಿಣಿಯಾದಾಗಿನಿಂದ ಸ್ತ್ರೀಯ ಶರೀರದಲ್ಲಿ ಮಾತ್ರವಲ್ಲ, ಮಾನಸಿಕ ಸ್ಥಿತಿಯಲ್ಲೂ ಸಾಕಷ್ಟು ಬದಲಾವಣೆ ಉಂಟಾಗುವುದು. ಹೆರಿಗೆಯ ನಂತರ ಬದಲಾವಣೆ ಉಂಟಾಗುವುದು. ಹೆರಿಗೆಯಾದ ಹೆಚ್ಚಿನ ಮಹಿಳೆಯರು ದಪ್ಪಗಾಗುತ್ತಾರೆ, ಆದರೆ ದಪ್ಪಗಾಗುವುದು ದೊಡ್ಡ ಸಮಸ್ಯೆ ಅಲ್ಲ, ಬಾಣಂತನದ ನಂತರ ವ್ಯಾಯಾಮ ಮಾಡಿ ಮೈ ತೂಕ ಕಮ್ಮಿ ಮಾಡಿಕೊಳ್ಳಬಹುದು.

ಆದರೆ ಕೆಲವು ಆರೋಗ್ಯ ಸಂಬಂಧಿ ಸಮಸ್ಯೆಗಳು ಕಂಡು ಬರಬಹುದು. ಅದು ಮಾನಸಿಕವಾಗಿ ಆಗಿರಬಹುದು, ದೈಹಿಕವಾಗಿ ಇರಬಹುದು. ಮಾನಸಿಕ ಸಮಸ್ಯೆಯನ್ನು ಮನೆಯವರು ಗುರುತಿಸಿ, ಸೂಕ್ತ ಚಿಕಿತ್ಸೆ ನೀಡಬೇಕು. ಹೆರಿಗೆಯಾದ ಮಹಿಳೆಯರು ಈ ಕೆಳಗಿನ ಸಮಸ್ಯೆಗಳ ಬಗ್ಗೆ ಅರಿತಿದ್ದರೆ ಒಂದು ವೇಳೆ ಇಂಥ ಕಂಡು ಬಂದರೆ ಸಮಸ್ಯೆಯನ್ನು ಗುರುತಿಸುವುದು ಸುಲಭ.

ಖಿನ್ನತೆ
ಖಿನ್ನತೆ ಕೆಲ ಮಹಿಳೆಯರಲ್ಲಿ ಹೆರಿಗೆಯ ನಂತರ ಕಂಡು ಬರುವ ಸಮಸ್ಯೆಯಾಗಿದೆ. ಹೆರಿಗೆಯ ನಂತರ ಮಹಿಳೆ ಖಿನ್ನತೆ ಅನುಭವಿಸುತ್ತಿದ್ದರೆ ಮನೆಯವರು ಅವಳಿಗೆ ತಕ್ಷಣ ಸೂಕ್ತ ಚಿಕಿತ್ಸೆ ನೀಡಬೇಕು. ಇಲ್ಲದಿದ್ದರೆ ಅವಳು ಆತ್ಮಹತ್ಯೆ ಮಾಡಿಕೊಳ್ಳುವ ಅಪಾಯ ಕೂಡ ಇದೆ.

ದೈಹಿಕ ಸಮಸ್ಯೆಗಳು
ಬೆನ್ನು ನೋವು
ಬಾಣಂತನದ ಸಮಯದಲ್ಲಿ ಸರಿಯಾಗಿ ವಿಶ್ರಾಂತಿ ಪಡೆಯದಿದ್ದರೆ ಬೆನ್ನು ನೋವಿನ ಸಮಸ್ಯೆ ಕಂಡು ಬರುವುದು. ಬಾಣಂತನದ ಸಮಯದಲ್ಲಿ ಸರಿಯಾದ ಆರೈಕೆ ಮತ್ತು ಪೌಷ್ಟಿಕಾಂಶವಿರುವ ಆಹಾರ ಈ ಬೆನ್ನು ನೋವನ್ನು ದೂರವಿಡುವಲ್ಲಿ ಸಹಕಾರಿ.

ಗಾಲಾಸ್ಟೋನ್
ಗರ್ಭಾವಸ್ಥೆಯಲ್ಲಿ ಕೆಲವರಿಗೆ progesterone ಹಾರ್ಮೋನ್ ಅಧಿಕ ಬಿಡುಗಡೆಯಾಗುವುದು, ಇದು ಪಿತ್ತ ರಸದ ಉತ್ಪತ್ತಿಗೆ ಅಡಚಣೆ ಉಂಟು ಮಾಡಿ ಗಾಲಾಸ್ಟೋನ್ ಉಂಟಾಗುವುದು.

ಹರ್ನಿಯಾ
ಸಿಸೇರಿಯನ್ ಆದರೆ, ಗಾಯ ಸಂಪೂರ್ಣವಾಗಿ ಗುಣಮುಖವಾಗುವವರೆಗೆ ರೆಸ್ಟ್ ತೆಗೆದುಕೊಳ್ಳದಿದ್ದರೆ ಹರ್ನಿಯಾ ಬರಬಹುದು.

ಸ್ತನದಲ್ಲಿ ಸಮಸ್ಯೆ
Mastitis ಎಂಬ ಸ್ತನದ ಸಮಸ್ಯೆ ಕಂಡು ಬರುವುದು. ಈ ರೀತಿ ಉಂಟಾದಾಗ ನೋವಿನಿಂದ ಜ್ವರ ಬರುವುದು. antibiotics ಮಾತ್ರೆ ತೆಗದುಕೊಂಡರೆ ಕಡಿಮೆಯಾಗುವುದು.