2ನೇ ಬಾರಿ ಗರ್ಭಧಾರಣೆಯಾಗದಿರಲು ಕಾರಣಗಳಿವು

ವಯಸ್ಸು

ವಯಸ್ಸು ಹೆಚ್ಚಾದಂತೆ ಗರ್ಭಧಾರಣೆಯಾಗುವ ಸಾಧ್ಯತೆ ಕಡಿಮೆಯಾಗುವುದು. 30 ವರ್ಷ ದಾಟಿದಂತೆ ಮಹಿಳೆಯರಲ್ಲಿ ಅಂಟಾಣುಗಳ ಉತ್ಪತ್ತಿ ಕಡಿಮೆಯಾಗುವುದು. ಇದರಿಂದ ಗರ್ಭಧಾರಣೆಯಾಗುವ ಸಾಧ್ಯತೆ ಕಡಿಮೆಯಾಗುತ್ತಾ ಬರುತ್ತದೆ. ಆದ್ದರಿಂದ ಗರ್ಭಧಾರಣೆಯಾಗದಿದ್ದರೆ ವಯಸ್ಸು ಕೂಡ ಪ್ರಮುಖವಾದ ವಿಷಯ.

ಸಿಸೇರಿಯನ್

ಮೊದಲ ಹೆರಿಗೆ ಸಿಸೇರಿಯನ್ ಆಗಿದ್ದು, ತುಂಬಾ ಕಷ್ಟದ ಹೆರಿಗೆಯಾಗಿದ್ದರೆ ಎರಡನೆ ಬಾರಿ ಮಕ್ಕಳಾಗದಿರಬಹುದು. ಈ ರೀತಿಯಾಗುವುದು ತುಂಬಾ ವಿರಳ.

ಪಾಲಿ ಸಿಸ್ಟಿಕ್ ಓವರಿ

ಈ ಸಮಸ್ಯೆ ಒಂದು ಮಗುವಾಗುವವರೆಗೆ ಇರಲಿಲ್ಲ ಅಂತ ಮತ್ತೆ ಉಂಟಾಗುವುದಿಲ್ಲ ಅಂತ ಹೇಳಲು ಸಾಧ್ಯವಿಲ್ಲ. ಆದ್ದರಿಂದ ಎರಡನೇಯ ಬಾರಿ ಗರ್ಭಧಾರಣೆಯಾಗದಿರಲು ಇದು ಕೂಡ ಒಂದು ಕಾರಣವಿರಬಹುದು.

ಗರ್ಭಕೋಶದಲ್ಲಿ ಗಡ್ಡೆ ಬರುವುದು

Fibroids (ಗರ್ಭಕೋಶದಲ್ಲಿ ಗಡ್ಡೆ ಬರುವುದು) ವಯಸ್ಸಾದಂತೆ ಹೆಚ್ಚಿನ ಮಹಿಳೆಯರಲ್ಲಿ ಕಂಡು ಬರುವ ಸಮಸ್ಯೆಯಾಗಿದೆ. ಇದನ್ನು ಚಿಕಿತ್ಸೆಯ ಮುಖಾಂತರ ಗುಣ ಪಡಿಸಬಹುದು.

ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾದರೆ

ಮಾನಸಿಕ ಒತ್ತಡ, ಜೀವನ ಶೈಲಿ, ಚಟ ಇವೆಲ್ಲಾ ಪುರುಷರಲ್ಲಿ ವೀರ್ಯಾಣುಗಳ ಸಂಖ್ಯೆಯನ್ನು ಕಮ್ಮಿ ಮಾಡುತ್ತದೆ. ವೀರ್ಯಾಣುಗಳ ಸಂಖ್ಯೆ ಕಮ್ಮಿಯಾದರೆ ಮಕ್ಕಳಾಗುವುದಿಲ್ಲ.

ಅಸಾಧಾರಣ ಗರ್ಭಧಾರಣೆ(ectopic pregnancy)

ಇದರಲ್ಲಿ ಅಂಡಾಣುಗಳು ಯೂಟ್ರಸ್ ನಿಂದ ಹೊರಗೆ ಬಂದು ಗರ್ಭದಾರಣೆಯಾಗುವುದು. ಆದರೆ ಈ ಗರ್ಭಧಾರಣೆಯಲ್ಲಿ ಲಕ್ಷಣಗಳು ಗರ್ಭಿಣಿಯಂತೆ ಇದ್ದರೂ ಮಗುವಾಗುವುದಿಲ್ಲ. ಇದನ್ನು ಶಸ್ತ್ರ ಚಿಕಿತ್ಸೆಯಿಂದ ಗುಣ ಪಡಿಸದಿದ್ದರೆ ಮಹಿಳೆಯ ಜೀವಕ್ಕೆ ಅಪಾಯ ಉಂಟಾಗಬಹುದು.

ಥೈರಾಯ್ಡ್

ಥೈರಾಯ್ಡ್ ಹಾರ್ಮೋನ್ ವ್ಯತ್ಯಾಸ ಮಹಿಳೆಯರಲ್ಲಿ ಕಂಡು ಬರುವ ಸಮಸ್ಯೆಯಾಗಿದೆ. ಹಾರ್ಮೋನ್ ಗಳ ವ್ಯತ್ಯಾಸ ಮಕ್ಕಳಾಗುವ ಸಾಧ್ಯತೆಯನ್ನು ಕಮ್ಮಿ ಮಾಡುವುದು.

ಮಧುಮೇಹ

ಮೊದಲ ಹೆರಿಗೆಯ ನಂತರ ಮಧುಮೇಹ ಸಮಸ್ಯೆ ಕಂಡು ಬಂದರೆ ಎರಡನೇಯ ಬಾರಿ ಗರ್ಭಧಾರಣೆಯಾಗುವ ಸಾಧ್ಯತೆಯನ್ನು ಕಮ್ಮಿ ಮಾಡುತ್ತದೆ.

ಮೊದಲ ಗರ್ಭಧಾರಣೆಯಲ್ಲಿ ಕಷ್ಟವಾಗಿದ್ದರೆ

ಮೊದಲ ಹೆರಿಗೆಯಲ್ಲಿ ತುಂಬಾ ಕಷ್ಟವಾಗಿದ್ದರೆ ಉದಾಹರಣೆ ಗರ್ಭಕೋಶದ ಸೋಂಕು ಮುಂತಾದ ತೊಂದರೆ ಅನುಭವಿಸಿದ್ದರೆ ಎರಡನೇಯ ಬಾರಿ ಗರ್ಭಧಾರಣೆ ಅಸಾಧ್ಯ.