ಎದೆ ಹಾಲು ಹೆಚ್ಚಿಸಲು ಸೇವಿಸಿ ಈ ಆಹಾರ

Post Natal

oi-Reena

By Hema S

Updated: Friday, August 3, 2012, 15:00 [IST]

ಮಗುವಿಗೆ ಎದೆ ಹಾಲಿನಷ್ಟು ಪೌಷ್ಠಿಕ ಆಹಾರ ಮತ್ತೊಂದಿಲ್ಲ. ಆದರೆ ಕೆಲವರಿಗೆ ಎದೆ ಹಾಲಿನ ಕೊರತೆ ಉಂಟಾಗುತ್ತದೆ. ಇದರಿಂದಾಗಿ 6-7 ತಿಂಗಳಿಗೆ ಎದೆ ಹಾಲು ಕೊಡುವುದನ್ನು ನಿಲ್ಲಿಸಿ ಬಿಡುತ್ತಾರೆ. ಮಗುವಿಗೆ ಒಂದು ವರ್ಷ ತುಂಬುವ ಮೊದಲೇ ಎದೆ ಹಾಲು ಕೊಡುವುದನ್ನು ನಿಲ್ಲಿಸಿದರೆ ಅಂತಹ ಮಕ್ಕಳಲ್ಲಿ ಕಾಯಿಲೆಗಳು ಹೆಚ್ಚಾಗಿ ಕಂಡು ಬರುವುದು.

ಎದೆ ಹಾಲು ಮಕ್ಕಳ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಲು ಕಾರಣವಾಗಿದೆ. ಆದ್ದರಿಂದ ಎದೆ ಹಾಲಿನ ಕೊರತೆಯಿದೆ ಎಂದು ಎದೆ ಹಾಲು ಕೊಡುವುದನ್ನು ನಿಲ್ಲಿಸಬೇಡಿ. ಅದರ ಬದಲು ತಾಯಿಯು ತನ್ನ ಆಹಾರದ ಜೊತೆ ಈ ಕೆಳಗಿನ ವಸ್ತುಗಳನ್ನು ತಿಂದರೆ ಎದೆ ಹಾಲು ಹೆಚ್ಚಾಗುವುದು.

ಮೆಂತೆ: ಮೆಂತೆಯಲ್ಲಿ ಕಬ್ಬಿಣದಂಶ, ವಿಟಮಿನ್ ಗಳು, ಕ್ಯಾಲ್ಸಿಯಂ ಮತ್ತು ಖನಿಜಾಂಶಗಳು ಅಧಿಕವಿರುತ್ತದೆ. ಇದನ್ನು ಎದೆ ಹಾಲು ಹೆಚ್ಚಿಸುವ ಮನೆ ಮದ್ದಾಗಿ ಉಪಯೋಗಿಸಲಾಗುವುದು. ಮೆಂತೆ ಅನ್ನ ಮಾಡಿ ಸೇವಿಸಿ, ಮೆಂತೆ ತುಂಬಾ ತಿನ್ನಬಾರದು, ತುಂಬಾ ತಿಂದರೆ ದೇಹದಲ್ಲಿ ನೀರಿನಂಶ ಕಡಿಮೆಯಾಗುವುದು, ಇದನ್ನು ಹಸಿಯಾಗಿ ತಿನ್ನದೆ ಆಹಾರಗಳ ಜೊತೆ ಹಾಕಿ ತಿನ್ನಿ.

ತುಳಸಿ: ತುಳಸಿಯನ್ನು ಮನೆಮದ್ದಿನಲ್ಲಿ ಹೆಚ್ಚಾಗಿ ಬಳಸುತ್ತಾರೆ. ಇದನ್ನು ಎದೆ ಹಾಲನ್ನು ಹೆಚ್ಚಿಸಲು ಕೂಡ ಬಳಸಲಾಗುವುದು. ಇದರಲ್ಲಿ ವಿಟಮಿನ್ ಕೆ ಅಂಶ ಇರುವುದರಿಂದ ಎದೆ ಹಾಲು ಹೆಚ್ಚಿಸಲು ಸಹಾಯಕವಾಗಿದೆ. ಇದನ್ನು ಹಸಿ ಅಥವಾ ಸೂಪ್ ಜೊತೆ ಅಥವಾ ಜೇನಿನ ಜೊತೆ ಮಿಶ್ರ ಮಾಡಿ ಸೇವಿಸಿ.

ತರಕಾರಿಗಳು: ಸೋರೆಕಾಯಿ, ಹಾಗಲಕಾಯಿ ಇವುಗಳು ಎದೆ ಹಾಲನ್ನು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ.

ಕೊಬ್ಬಿನಂಶದ ಆಹಾರಗಳು: ತುಪ್ಪ, ಬೆಣ್ಣೆ, ಹಾಲು ಇವುಗಳನ್ನು ಎದೆ ಹಾಲನ್ನು ಹೆಚ್ಚಿಸುತ್ತದೆ. ಆದರೆ ಈ ಆಹಾರಗಳನ್ನು ತಾಯಿ ತಿಂದರೆ ಎದೆ ಹಾಲನ್ನು ಕುಡಿದಾಗ ಮಗುವಿನಲ್ಲಿ ಅಲರ್ಜಿ ಸಮಸಯೆ ಕಂಡು ಬರುತ್ತದೆ. ಆದ್ದರಿಂದ ಮಗುವಿಗೆ ಅಲರ್ಜಿ ಆಗದಿದ್ದರೆ ಮಾತ್ರ ಈ ಆಹಾರ ಸೇವಿಸಿ.

ಬೆಳ್ಳುಳ್ಳಿ: ಬೆಳ್ಳುಳ್ಳಿ ಎದೆ ಹಾಲು ಹೆಚ್ಚಿಸುವಲ್ಲಿ ಸಹಕಾರಿಯಾಗಿದೆ. ಇದನ್ನು ಹಸಿಯಾಗಿ ತಿನ್ನದೆ ಸಾರಿನಲ್ಲಿ, ಉಪ್ಪಿನ ಕಾಯಿಯಲ್ಲಿ ಹಾಕಿ ಸೇವಿಸಿ.

ಕೆಂಪು ತರಕಾರಿ: ಕೆಂಪು ತರಕಾರಿಯಲ್ಲಿ ಅಧಿಕ ನಾರಿನಂಶವಿರುತ್ತದೆ. ಪಾಲಕ್, ಬೀನ್ಸ್, ಸಿಹಿಗೆಣಸು ಇವುಗಳು ಎದೆ ಹಾಲನ್ನು ಹೆಚ್ಚಿಸುತ್ತದೆ.