ಸ್ಟ್ರೆಚ್ ಮಾರ್ಕ್ಸ್ ಹೋಗಲಾಡಿಸಬೇಕೆ?

Post Natal

oi-Reena

By Hema S

Updated: Wednesday, September 5, 2012, 15:36 [IST]

ಹೆರಿಗೆಯಾದ ನಂತರ ಮಹಿಳೆಯು ದೈಹಿಕವಾಗಿ ಮತ್ತು ಮಾನಸಿಕವಾಗಿ ಸಾಕಷ್ಟು ಬದಲಾವಣೆ ಹೊಂದುತ್ತಾಳೆ. ದೇಹದ ತೂಕ ಹೆಚ್ಚಾಗುತ್ತದೆ, ತನ್ನ ಆರೋಗ್ಯ ಗಮನಿಸುವ ಬದಲು ತನ್ನ ಸಮಯವನ್ನು ಮಗುವಿನ ಆರೈಕೆಯಲ್ಲಿ ಕಳೆಯುತ್ತಾಳೆ.

ದೇಹದ ಬಗ್ಗೆ ಆರೈಕೆ ಕಡಿಮೆಯಾದಾಗ ದೇಹ ಶೇಪ್ ಔಟ್ ಆಗುತ್ತದೆ. ಕೆಲವರು ಜಿಮ್ ಗೆ ಹೋಗಿ ಹಿಂದಿನ ಮೈಕಟ್ಟು ಪಡೆಯಲು ಪ್ರಯತ್ನಿಸಿದರೆ ಮತ್ತೆ ಕೆಲವರು ಸಮಯವಿಲ್ಲ, ಒಂದು ಮಗುವಿನ ತಾಯಿಯಾದ ಮೇಲೆ ಹಿಂದಿನಂತಹ ಮೈಕಟ್ಟು ಪಡೆಯಲು ಸಾಧ್ಯನಾ ಎಂದು ಉದಾಸೀನ ತೋರಿಸುತ್ತಾರೆ.

ಆದರೆ ಎಣ್ಣೆ ಮಸಾಜ್ ಮಾಡಿದರೆ ಆಕರ್ಷಕ ಮೈಕಟ್ಟು ಉಳಿಸಬಹುದು ಮತ್ತು ಸಾಕಷ್ಟು ಪ್ರಯೋಜನ ಪಡೆಯಬಹುದು. ಹೆರಿಗೆಯ ನಂತರ ಎಣ್ಣೆ ಮಸಾಜ್ ಮಾಡಿದರೆ ದೊರೆಯುವ ಪ್ರಯೋಜನಗಳ ಬಗ್ಗೆ ತಿಳಿಯಲು ಮುಂದೆ ಓದಿ:

1. ಮೈಕೈ ನೋವು ಕಡಿಮೆಯಾಗುತ್ತದೆ: ಹೆರಿಗೆಯ ನಂತರ ಸೊಂಟ ನೋವು, ಮೈಕೈ ನೋವು ಕಂಡುಬರುತ್ತದೆ. ಆದ್ದರಿಂದ ಸ್ನಾನದ ಮೊದಲು ಎಣ್ಣೆ ಮಸಾಜ್ ಮಾಡಿ ಬಿಸಿ ನೀರಿನಿಂದ ಸ್ನಾನ ಮಾಡಿದರೆ ನೋವು ಕಡಿಮೆಯಾಗುತ್ತದೆ.

2. ರಕ್ತ ಸಂಚಲನ ಹೆಚ್ಚಾಗುತ್ತದೆ: ಎಣ್ಣೆ ಮಸಾಜ್ ಮೈಕೈ ನೋವು ಕಡಿಮೆ ಮಾಡುವುದರ ಜೊತೆಗೆ ದೇಹವು ಆಮ್ಲಜನಕವನ್ನು ಹೆಚ್ಚು ಹೀರಿಕೊಳ್ಳುವಂತೆ ಮಾಡುತ್ತದೆ. ಇದರಿಂದ ದೇಹಕ್ಕೆ ಅಗತ್ಯವಾದ ಆಮ್ಲಜನಕ ದೊರೆಯುವುದರಿಂದ ರಕ್ತ ಸರಾಗವಾಗಿ ಸಂಚರಿಸಲು ಸಹಾಯಮಾಡುತ್ತದೆ.

3. ಎದೆ ಹಾಲು ಹೆಚ್ಚಾಗುವಂತೆ ಮಾಡುತ್ತದೆ: ಎಣ್ಣೆ ಮಸಾಜ್ ಮಾಡುವುದರಿಂದ ಪ್ರೊಲೆಕ್ಟಿನ್ ಹೆಚ್ಚು ಉತ್ಪತ್ತಿಯಾಗಿ ಎದೆ ಹಾಲನ್ನು ಹೆಚ್ಚಿಸುತ್ತದೆ.

4. ತ್ವಚೆಯನ್ನು ಬಿಗಿಗೊಳಿಸುತ್ತದೆ: ಹೆರಿಗೆಯ ನಂತರ ತ್ವಚೆ ಸ್ವಲ್ಪ ಸಡಿಲವಾಗುತ್ತದೆ. ಮಸಾಜ್ ಮಾಡುವುದರಿಂದ ತ್ವಚೆಯು ಬಿಗಿಯಾಗುತ್ತದೆ. ಇದರಿಂದ ತ್ವಚೆ ಯೌವನಭರಿತವಾಗಿ ಕಾಣುವುದು.

5. ಸ್ಟ್ರೆಚ್ ಮಾರ್ಕ್ಸ್ ಕಡಿಮೆ ಮಾಡುತ್ತದೆ: ಸಾಕಷ್ಟು ಜನರಿಗೆ ಹೆರಿಗೆಯ ನಂತರ ಬಿದ್ದ ಸ್ಟ್ರೆಚ್ ಮಾರ್ಕ್ಸ್ ಅನ್ನು ಹೋಗಲಾಡಿಸುವುದು ಹೇಗೆ ಎಂಬ ಚಿಂತೆಯಾಗಿರುತ್ತದೆ. ವಿಟಮಿನ್ ಇ ಎಣ್ಣೆಯಿಂದ ಆ ಭಾಗದಲ್ಲಿ ಮಸಾಜ್ ಮಾಡುತ್ತಾ ಬಂದರೆ ಸ್ಟ್ರೆಚ್ ಮಾರ್ಕ್ಸ್ ಕಡಿಮೆಯಾಗುತ್ತದೆ.

6. ತ್ವಚೆ ಕಾಂತಿಯನ್ನು ಹೆಚ್ಚಿಸುತ್ತದೆ: ಮಸಾಜ್ ಮಾಡುವುದರಿಂದ ತ್ವಚೆ ಕಾಂತಿಯನ್ನು ಪಡೆಯುತ್ತದೆ.

7. ವಿಶ್ರಾಂತಿ: ಎಣ್ಣೆ ಮಸಾಜ್ ಮಾಡಿದರೆ ನೆಮ್ಮದಿಯ ನಿದ್ದೆ ಬರಲು ಸಹಾಯ ಮಾಡುತ್ತದೆ. ಒತ್ತಡವನ್ನು ಕಡಿಮೆ ಮಾಡಿ ವಿಶ್ರಾಂತಿಯ ಅನುಭವ ನೀಡುತ್ತದೆ.
ಆದ್ದರಿಂದ ಪ್ರತಿದಿನ ಸಾಧ್ಯವಾಗದಿದ್ದರೂ ವಾರದಲ್ಲಿ 3-4 ಬಾರಿ ಎಣ್ಣೆ ಮಸಾಜ್ ಮಾಡಿದರೆ ಆರೋಗ್ಯ ಮತ್ತು ಸೌಂದರ್ಯವನ್ನು ಕಾಪಾಡಿಕೊಳ್ಳಬಹುದು.