ಆಕರ್ಷಕ ಮೈಕಟ್ಟು ನೀಡುತ್ತೆ ಸಿ ಸೆಕ್ಷನ್ ಬೆಲ್ಟ್

Post Natal

oi-Staff

By Super

Updated: Wednesday, October 7, 2015, 17:27 [IST]

ಹೆರಿಗೆಯ ನಂತರ ಅನೇಕ ಮಹಿಳೆಯರಿಗೆ ಹೊಟ್ಟೆ ದಪ್ಪಗಾಗುತ್ತದೆ. ಅದರಲ್ಲೂ ಸಿಸರೇಯನ್ ಆದವರಿಗೆ ಹೊಟ್ಟೆ ಹೆಚ್ಚಾಗಿ ಬರುತ್ತದೆ. ಏಕೆಂದರೆ ಸಾಮಾನ್ಯ ಹೆರಿಗೆಯಾದವರಿಗೆ ಬಾಣಂತಿ ಸಮಯದಲ್ಲಿ ಹೊಟ್ಟೆಗೆ ಬಟ್ಟೆ ಕಟ್ಟುತ್ತಾರೆ. ಆದರೆ ಸಿಸರೇಯನ್ ಆದವರಿಗೆ ಬಟ್ಟೆ ಕಟ್ಟಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಹೆಚ್ಚು ಬರುತ್ತದೆ. ಇದನ್ನು ಕರಗಿಸಿ ಉತ್ತಮ ದೇಹದ ಆಕಾರ ಪಡೆಯಲು ಸಿ ಸೆಕ್ಷನ್ ಬೆಲ್ಟ್ ಬಳಸುವುದು ಒಳ್ಳೆಯದು.

ಸಿ ಸೆಕ್ಷನ್ ಬೆಲ್ಟ್ ಧರಿಸುವುದರಿಂದ ಈ ಕೆಳಗಿನ ಪ್ರಮುಖ ಪ್ರಯೋಜನಗಳನ್ನು ಪಡೆಯಬಹುದು.

1. ಸ್ನಾಯುಗಳು ಬಲವಾಗುತ್ತೆ: ಗರ್ಭಿಣಿಯಾಗಿರುವಾಗ ಮಗುವಿನ ಭಾರದಿಂದ ಬೆನ್ನು ಮತ್ತು ಸೊಂಟದ ಮೇಲೆ ಒತ್ತಡ ಬಿದ್ದಿರುತ್ತದೆ. ಇದರಿಂದ ಸ್ನಾಯುಗಳಲ್ಲಿ ಬಲ ಕಡಿಮೆಯಾಗಿರುತ್ತದೆ. ಇದು ಹೆರಿಗೆಯ ನಂತರ ಹಾಗೇ ಇರುತ್ತದೆ. ಬೆಲ್ಟ್ ಧರಿಸಿದರೆ ಬೆನ್ನು ಮತ್ತು ಸೊಂಟದ ಮೂಳೆಗೆ ಬಲ ಸಿಕ್ಕಿ ಸ್ನಾಯುಗಳು ಬಲವಾಗುತ್ತದೆ.

2. ಹೊಟ್ಟೆ ಕರಗಿಸುವುದು: ಸಿ ಸೆಕ್ಷನ್ ಹೆರಿಗೆಯಾದರೆ ಹೊಟ್ಟೆ ಹೆಚ್ಚಾಗಿ ಬರುತ್ತದ. ಇದನ್ನು ನಿಯಂತ್ರಿಸಲು ಬೆಲ್ಟ್ ಧರಿಸುವುದು ಅವಶ್ಯಕ. ಇಲ್ಲದಿದ್ದರೆ ಅಧಿಕ ಬೊಜ್ಜು ತುಂಬಿ ದೇಹದ ತನ್ನ ಸುಂದರ ಆಕಾರವನ್ನು ಕಳೆದುಕೊಳ್ಳುತ್ತದೆ. ಆದರೆ ಈ ಬೆಲ್ಟ್ ಧರಿಸಿದರೆ ಹೊಟ್ಟೆ ಕರಗುವುದರಿಂದ ತೆಳ್ಳಗೆ ಕಾಣಿಸುವಿರಿ.

3. ಚಲನೆ: ಸಿಸರೇಯನ್ ಆದರೆ ಸ್ವಲ್ಪ ದಿನಗಳವರೆಗೆ ಎದ್ದು ಕೂರಲು ತುಂಬಾ ಕಷ್ಟವಾಗುತ್ತದೆ. ಈ ಬೆಲ್ಟ್ ಧರಿಸಿದರೆ ಬೆಂಬಲ ದೊರೆಯುವುದರಿಂದ ಎದ್ದು ಕೂರಲು ಸುಲಭವಾಗುವುದು.

ಸಿಸರೇರಿಯನ್ ಹೆರಿಗೆಯ ನಂತರ 6 ತಿಂಗಳ ಕಾಲ ಬೆಲ್ಟ್ ಧರಿಸಿದರೆ ಆರೋಗ್ಯಕ್ಕೆ ಒಳ್ಳೆಯದು, ಆಕರ್ಷಕ ಮೈಕಟ್ಟು ಕೂಡ ಪಡೆಯಬಹುದು.