ಹಾಲುಣಿಸುವ ತಾಯಂದಿರು ತಿನ್ನಬಾರದ ಆಹಾರ

ಹಾಲುಣಿಸುವ ಸಮಯದಲ್ಲಿ ತಾಯಂದಿರು ತ್ಯಜಿಸಬೇಕಾದ ಆಹಾರ:

* ಹಸುವಿನ ಹಾಲು: ಹಸುವಿನ ಹಾಲಿನಲ್ಲಿ ಉತ್ತಮ ಅಂಶಗಳಿದ್ದರೂ ಕೂಡ ಅದು ಹಾಲುಣಿಸುವ ಸಮಯದಲ್ಲಿ ಅಲರ್ಜಿ ಉಂಟುಮಾಡಬಹುದು. ತಾಯಿಗೂ ಅಲರ್ಜಿಯಾಗಿ ತಾಯಿಯ ಹಾಲನ್ನು ಕುಡಿಯುವ ಮಗುವಿಗೂ ಅಲರ್ಜಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ಹಾಲಿನ ಬದಲಾಗಿ ಬೆಣ್ಣೆ, ಮೊಸರನ್ನು ಸೇವಿಸಬಹುದು.

* ಮಸಾಲೆ ಪದಾರ್ಥ: ಮಸಾಲೆ ಭರಿತ ಪದಾರ್ಥಗಳು ಗ್ಯಾಸ್ ತುಂಬಿಕೊಳ್ಳಲು ಅನುವು ಮಾಡಿಕೊಡಬಹುದು. ಆದ್ದರಿಂದ ಚೆಕ್ಕೆ, ಬೆಳ್ಳುಳ್ಳಿ, ಮೆಣಸು ಇಂತಹ ಪದಾರ್ಥಗಳನ್ನು ಈ ಸಮಯದಲ್ಲಿ ತ್ಯಜಿಸಿದರೆ ಉತ್ತಮ.

* ಸುವಾಸನೆ ಭರಿತ ಪದಾರ್ಥ: ಸುವಾಸನೆ ಭರಿತ ಸಾಮಾಗ್ರಿಗಳಾದ ಕೊತ್ತಂಬರಿ, ಚೆಕ್ಕೆ, ಏಲಕ್ಕಿ ಮುಂತಾದುವನ್ನು ಈ ಸಮಯದಲ್ಲಿ ಕಡಿಮೆ ಮಾಡಿದರೆ ಉತ್ತಮ. ಇದು ಎದೆ ಹಾಲಿನ ರುಚಿಯನ್ನು ಬದಲಾಯಿಸಬಹುದು. ಇದರಿಂದ ಮಗುವಿಗೆ ಅಹಿತವೆನಿಸ ಹಾಲು ಕುಡಿಯಲೂ ಹಟ ಹಿಡಿಯಬಹುದು.

* ಸಿಟ್ರಸ್ ಆಹಾರ: ವಿಟಮಿನ್ ಸಿ ಹೇರಳವಾಗಿರುವ ಹಣ್ಣು ಮತ್ತು ತರಕಾರಿಗಳನ್ನು ಹಾಲುಣಿಸುವ ಅವಧಿಯಲ್ಲಿ ತ್ಯಜಿಸಬೇಕು. ಇದನ್ನು ಅತಿಯಾಗಿ ಸೇವಿಸಿದರೆ ಆಸಿಡಿಟಿ ಉಂಟಾಗಿ ಮಗುವನ್ನೂ ಅಲರ್ಜಿ ತೊಂದರೆಗೀಡುಮಾಡುತ್ತದೆ.

* ಮದ್ಯ ಮತ್ತು ಹೊಗೆಸೊಪ್ಪು: ಹಾಲುಣಿಸುವ ಸಮಯದಲ್ಲಿ ಮದ್ಯಪಾನ, ಹೊಗೆಸೊಪ್ಪು ಇವುಗಳನ್ನು ಬಿಡಬೇಕು. ಇದು ಹಾಲಿನ ಉತ್ಪಾದನೆಯನ್ನು ಕಡಿಮೆಗೊಳಿಸಿ ಮಗುವಿನ ಆರೋಗ್ಯವನ್ನೂ ಗಂಭೀರವಾಗಿರಿಸುತ್ತದೆ.