ಎದೆಹಾಲು ಉಣಿಸುವಾಗ ಮಗುವಿನ ಹೊಟ್ಟೆ ತುಂಬಿದೆಯೇ, ಇಲ್ಲವೇ ಎಂಬುದನ್ನು ತಿಳಿಯುವುದು ಹೇಗೆ?

2 ತಿಂಗಳವರೆಗೆ:

ಜನನದಿಂದ ಎರಡು ತಿಂಗಳವರೆಗೆ ಶಿಶುಗಳು ದಿನಕ್ಕೆ 8 ರಿಂದ 12 ಬಾರಿ ಹಾಲು ಕುಡಿಯುತ್ತವೆ. ಇದರರ್ಥ ನಿಮ್ಮ ಮಗು ಪ್ರತಿ ಎರಡರಿಂದ ಮೂರು ಗಂಟೆಗಳಿಗೊಮ್ಮೆ ಆಹಾರಕ್ಕಾಗಿ ನಿಮಗೆ ಸನ್ನೆ ಮಾಡುತ್ತದೆ. ಆರಂಭದಲ್ಲಿ ನಿಮ್ಮ ಮಗು ಕಾಲಕಾಲಕ್ಕೆ ಹಾಲು ಕುಡಿಯಲು ಕೇಳದಿದ್ದರೆ, ನೀವೇ ಅದನ್ನು ಎತ್ತಿಕೊಂಡು ಕುಡಿಸಬೇಕು. ಕೆಲವು ಮಹಿಳೆಯರು ಮಗುವಿಗೆ ಕೇವಲ 10 ನಿಮಿಷಗಳ ಕಾಲ ಹಾಲುಣಿಸುತ್ತಾರೆ, ಆದರೆ ಕೆಲವರು ಹೆಚ್ಚು ಸಮಯ ನೀಡುತ್ತಾರೆ. ಇದು ನಿಮಗೆ ಬಿಟ್ಟದ್ದು ಆದರೆ ಮಗು ಹಾಲು ಕುಡಿಯುತ್ತಿದೆಯೇ ಎಂಬುದನ್ನು ಗಮನಿಸಿ. ಎರಡು ತಿಂಗಳಾಗುವ ಹೊತ್ತಿಗೆ ಮೂರ್ನಾಲ್ಕು ಗಂಟೆಗಳ ಅಂತರದಲ್ಲಿ ಹಾಲು ಕುಡಿಯಲು ಆರಂಭಿಸುತ್ತವೆ.

4 ತಿಂಗಳಿಗೆ:

ನಾಲ್ಕು ತಿಂಗಳ ವಯಸ್ಸಿನಲ್ಲಿ, ಮಗು ಕಡಿಮೆ ಹಾಲು ಕುಡಿಯಲು ಪ್ರಾರಂಭಿಸುತ್ತದೆ. ಈ ಹಂತದಲ್ಲಿ ಆರು ಗಂಟೆಗೊಮ್ಮೆ ಹಾಲಿಗಾಗಿ ಕಿರಿಕಿರಿ ಮಾಡುತ್ತದೆ. ಇದಲ್ಲದೆ, ಈ ಸಮಯದಲ್ಲಿ ನೀವು ಅವರಿಗೆ ಸ್ವಲ್ಪ ಘನ ಆಹಾರವನ್ನು ನೀಡಲು ಪ್ರಾರಂಭಿಸಬಹುದು.

ಆರು ತಿಂಗಳಿಗೆ :

ಈ ವಯಸ್ಸಿಗೆ ಬರುವಾಗ, ಅನೇಕ ತಾಯಂದಿರು ತಮ್ಮ ಮಗುವಿಗೆ ಧಾನ್ಯಗಳಂತಹ ಘನ ಆಹಾರವನ್ನು ನೀಡಲು ಪ್ರಾರಂಭಿಸುತ್ತಾರೆ, ಆದ್ದರಿಂದ ಮಗುವಿಗೆ ಹಾಲಿನ ಅಗತ್ಯವು ಕಡಿಮೆಯಾಗುತ್ತದೆ. ಆದರೆ, ಈ ಸಮಯದಲ್ಲಿ ಮಗು 8 ಗಂಟೆಗಳಿಗೊಮ್ಮೆ ಹಾಲು ಕುಡಿಸಬೇಕು.

ಮಗು ಸಾಕಷ್ಟು ಹಾಲು ಕುಡಿಯುತ್ತಿದೆಯೇ ಎಂದು ಕಂಡುಹಿಡಿಯುವುದು ಹೇಗೆ?:

ಮಗು ಸಾಕಷ್ಟು ಎದೆಹಾಲು ಕುಡಿಯುತ್ತಿದ್ದರೆ, ಅದು ಈ ವರ್ತನೆ ತೋರುವುದು, ಅವುಗಳೆಂದರೆ:

ಮಗು ಸಂತೋಷ ಮತ್ತು ಸಕ್ರಿಯವಾಗಿರುವುದು:

ಪೂರ್ಣ ಪ್ರಮಾಣದಲ್ಲಿ ಹಾಲು ಸೇವಿಸುವ ಮಕ್ಕಳು ಯಾವಾಗಲೂ ಸಂತೋಷದಿಂದ ಇರುತ್ತಾರೆ, ಜೊತೆಗೆ ಹೆಚ್ಚು ಜಾಗರೂಕರಾಗಿರುತ್ತಾರೆ. ಹೆಚ್ಚು ಹಸಿದಿರುವ ಮಗು ಯಾವಾಗಲೂ ಕಿರಿಕಿರಿ ಮಾಡುತ್ತಿರುತ್ತಾರೆ.

ಹೆಚ್ಚು ಬಟ್ಟೆ ಒದ್ದೆಯಾಗುವುದು:

ಮೊದಲ ಒಂದು ಅಥವಾ ಎರಡು ದಿನಗಳಲ್ಲಿ ಮಗುವಿನ ಡೈಪರ್ ಅನ್ನು ಒಂದು ಅಥವಾ ಎರಡು ಬಾರಿ ಮಾತ್ರ ಬದಲಾಯಿಸಬೇಕಾಗಬಹುದು, ಆದರೆ ನಂತರದಲ್ಲಿ ಇದು ಹೆಚ್ಚಾಗುತ್ತದೆ. ಒಂದು ಮಗು ದಿನಕ್ಕೆ 5 ರಿಂದ 6 ಬಿಸಾಡಬಹುದಾದ ಬಟ್ಟೆಗಳನ್ನು ಮತ್ತು ಒಂದರಿಂದ ಎರಡು ಡೈಪರ್ಗಳನ್ನು ಬಳಕೆ ಮಾಡುತ್ತಿದೆ ಎಂದರೆ, ನಿಮ್ಮ ಮಗು ಹೊಟ್ಟೆ ತುಂಬಾ ತಿನ್ನುತ್ತಿದ ಎಂದರ್ಥ.

ತೂಕ ಹೆಚ್ಚಾಗುವುದು:

ನಿಮ್ಮ ಮಗು ನಿಧಾನವಾಗಿ ತೂಕವನ್ನು ಪಡೆಯುತ್ತಿದ್ದರೆ ಮತ್ತು ಚೆನ್ನಾಗಿ ಅಭಿವೃದ್ಧಿ ಹೊಂದುತ್ತಿದ್ದರೆ, ನಿಮ್ಮ ಮಗುವಿಗೆ ಕಾಲಕಾಲಕ್ಕೆ ಆಹಾರವನ್ನು ನೀಡುತ್ತಿದ್ದೀರಿ ಎಂದರ್ಥ.

ಮಗು ಸಾಕಷ್ಟು ಹಾಲು ಕುಡಿಯುತ್ತಿಲ್ಲ ಅಥವಾ ತಿನ್ನುತ್ತಿಲ್ಲ ಎಂದು ಕಂಡುಹಿಡಿಯುವುದು ಹೇಗೆ?:

ಮಗುವಿನ ಮೂತ್ರದ ಬಣ್ಣವು ಹೆಚ್ಚು ಹಳದಿ ಆಗುತ್ತದೆ.

ತಿನ್ನುವ ಮತ್ತು ಕುಡಿಯುವ ಬದಲು, ಮಗು ದೀರ್ಘಕಾಲ ನಿದ್ರಿಸುತ್ತದೆ.

ಹಾಲು ಕುಡಿಯುವುದರಲ್ಲಿ ತುಂಬಾ ಗಡಿಬಿಡಿ.

ಮಗುವಿನ ಬಟ್ಟೆ ಕಡಿಮೆ ಒದ್ದೆಯಾಗುವುದು.