Krishna Janmashtami 2021: ಕೃಷ್ಣ ಜನ್ಮಾಷ್ಟಮಿಗೆ ಮಕ್ಕಳಿಗೆ ಕಂಫರ್ಟ್ ಡ್ರೆಸ್ಸಿಂಗ್ ಐಡಿಯಾ

ಕೃಷ್ಣ ಎಂದಿಗೂ ಭಕ್ತರ ಬಾಲ ಕೃಷ್ಣ

ಬಾಲ ಕೃಷ್ಣನ ಫೋಟೋಗಳನ್ನು ನೋಡಲು, ಅವನ ಲೀಲೆಗಳನ್ನು ಕೇಳಲು ಪ್ರತಿಯೊಬ್ಬರು ಇಷ್ಟಪಡುತ್ತಾರೆ. ಕೃಷ್ಣನ ಒಂದೊಂದು ಲೀಲೆಯೂ ಸುಂದರ. ಮನೆಯಲ್ಲಿ ಬೆಣ್ಣೆಯಿದ್ದರೆ ಮಗುವಿಗೆ ಕೃಷ್ಣನ ವೇಷ ತೋಡಿಸಿ ಬೆಣ್ಣೆ ತಿನ್ನಲು ನೀಡಿದರೆ ಆಹಾ ನೋಡಲು ಎಂಥ ಸೊಬಗು.

ಕೃಷ್ಣನ ಉಡುಗೆ

ಕೃಷ್ಣ ಉಡುಗೆ ತುಂಬಾ ಸರಳ. ಮನೆಯಲ್ಲಿ ಶಲ್ಯ ಅಥವಾ ಚಿಕ್ಕ ಪಂಚೆ ಇದ್ದರೆ ಸಾಕು, ಮಗುವಿಗೆ ಪಂಚೆ ಉಡಿಸಬಹುದು. ಪಂಚೆ ಹಳದಿ, ನೀಲಿ ಹೀಗೆ ಬಣ್ಣದ ಪಂಚೆಯಾಗಿದ್ದರೆ ತುಂಬಾ ಆಕರ್ಷಕ.

ಕೊಳಲು ಕೃಷ್ಣ

ಕೃಷ್ಣ ಎಂದರೆ ತಕ್ಷಣ ನೆನಪಾಗುವುದು ಕೊಳಲು ಊದುತ್ತಾ ಗೋಪಿಕೆಯರ ನಡುವೆ ಇರುವ ತುಂಟ ಕೃಷ್ಣ. ಕೊಳಲು, ತಲೆಗೆ ನವಿಲು ಗಿರಿ ಇಲ್ಲಾ ಅಂದ್ರೆ ಕೃಷ್ಣ ಲುಕ್ ಕಂಪ್ಲೀಟ್‌ ಆಗುವುದೇ ಇಲ್ಲ. ಕಿರೀಟಕ್ಕೆ ನವಿಲು ಗಿರಿ ಅಂಟಿಸಿ. ಇನ್ನು ಕೊಳಲು ಅನ್ನು ಗಟ್ಟಿ ರಟ್ಟಿನ ಪೇಪರ್‌ನಿಂದ ತಯಾರಿಸಿ ಅದಕ್ಕೆ ಗೋಲ್ಡನ್ ಬಣ್ಣದ ಪೇಪರ್ ಸುತ್ತಿದರೆ ಸಾಕು.

ಸಿಂಗಾರ ಬೊಟ್ಟು

ಇನ್ನು ಬೊಟ್ಟು ಹಾಕಿದ ಮೇಲೆ ಬಿಳಿ ಹಾಗೂ ಕೆಂಪು ಬಣ್ಣದ ಸಿಂಗಾರದಿಂದ ಬೊಟ್ಟು ಹಾಕಬೇಕು. ಹುಬ್ಬು ಮೇಲೆ ಕೂಡ ಬಿಳಿ, ಕೆಂಪು ಚುಕ್ಕಿ ಇಡಬೇಕು. ಇಷ್ಟು ಮಾಡಿದರೆ ಕೃಷ್ಣನ ಲುಕ್ ಪರ್ಫೆಕ್ಟ್.

ರಾಧೆ

ಇನ್ನು ಜನ್ಮಾಷ್ಟಮಿಗೆ ಮುದ್ದು ಕೃಷ್ಣ ಜೋಡಿ ರಾಧೆಯ ವೇಷ ತೊಡಿಸುವುದಾದರೆ ಸ್ವಲ್ಪ ಅಧಿಕವೇ ಅಲಂಕಾರ ಬೇಕು. ಮಗುವಿಗೆ ಉದ್ದ ಲಂಗವಿದ್ದರೆ ತುಂಬಾ ಒಳ್ಳೆಯದು. ಹಣೆಗೆ ನೆತ್ತಿ ಬೊಟ್ಟು ಹಾಕಿ, ಆಭರಣಗಳನ್ನು ಮುದ್ದು ರಾಧೆಯನ್ನು ಸಿದ್ಧ ಪಡಿಸಬಹುದು. ಆದರೆ ಮಕ್ಕಳು 5 ವರ್ಷಕ್ಕಿಂತ ಮೇಲ್ಪಟ್ಟವರು ಆದರೆ ಓಕೆ, ಆದರೆ ತುಂಬಾ ಚಿಕ್ಕವರಾದರೆ ಅವರಿಗೆ ತುಂಬಾ ಅಲಂಕಾರ ಮಾಡಿದಾಗ ಕಿರಿಕಿರಿ ಆಗುವುದು. ಆದ್ದರಿಂದ ಆಗ ಸ್ವಲ್ಪ ಸರಳ ಅಲಂಕಾರ ಮಾಡಿ.