ಮಕ್ಕಳನ್ನೂ ಕಾಡುವ ಮೂಲವ್ಯಾಧಿ ಸಮಸ್ಯೆ- ಪರಿಹಾರ ಏನು?

ಸಲಹೆ #1

ನಿಮ್ಮ ಮಗು ಸುಲಭವಾಗಿ ಕುಳಿತುಕೊಳ್ಳಬಹುದಾದ ಅಗಲವಾದ ಟಬ್ ಅಥವಾ ಬಕೆಟ್‌ನಲ್ಲಿ ಉಗುರುಬೆಚ್ಚನೆಯ ನೀರು ತುಂಬಿಸಿ ಮಲವಿಸರ್ಜನೆಯ ಮುನ್ನ ಮತ್ತು ನಂತರ ನೀರಿನಲ್ಲಿ ಅರ್ಧ ಮುಳುಗಿರುವಂತೆ ಕುಳಿತುಕೊಳ್ಳುವಂತೆ ಮಾಡಿ. ಇದರಿಂದ ಗುದದ್ವಾರದ ಬಳಿಯ ಉರಿ ಶಮನವಾಗುತ್ತದೆ ಹಾಗೂ ಶೀಘ್ರವಾಗಿ ಉಪಶಮನಗೊಳ್ಳಲು ಸಾಧ್ಯವಾಗುತ್ತದೆ.

ಸಲಹೆ #2

ಈ ತೊಂದರೆಗೆ ಮಲಬದ್ಧತೆಯೇ ಸ್ಪಷ್ಟವಾದ ಕಾರಣವಾಗಿದೆ. ನಿಮ್ಮ ಮಗುವಿನ ಪ್ರತಿ ಊಟವನ್ನೂ ಗಮನಿಸಿ ಕೇವಲ ನಾರು ಹೆಚ್ಚಿರುವ ಆಹಾರಗಳನ್ನೇ ನೀಡಬೇಕು. ಅಲ್ಲದೇ ಸಾಕಷ್ಟು ನೀರನ್ನು ನಿಯಮಿತ ಅವಧಿಯಲ್ಲಿ ಮಗು ಕುಡಿಯುವಂತೆ ಮಾಡಬೇಕು. ಇಡಿಯ ದಿನ ಸುಮ್ಮನೇ ಮಲಗಿರಲು ಬಿಡದೇ ಏನಾದರೊಂದು ಆಟ ಅಥವಾ ವ್ಯಾಯಾಮದಲ್ಲಿ ದೇಹವನ್ನು ದಂಡಿಸುತ್ತಿರುವಂತೆ ನೋಡಿಕೊಳ್ಳಬೇಕು.

ಸಲಹೆ #3

ಮಕ್ಕಳ ಮಲವಿಸರ್ಜನೆಯ ಬಳಿಕ ಆ ಸ್ಥಳವನ್ನು ಒಣದಾಗಿಸಿರಿಸಲು ಬೇಬಿ ವೈಪ್ಸ್ ಕಾಗದಗಳನ್ನೇ ಬಳಸಿ. ಏಕೆಂದರೆ ಈ ಸ್ಥಳ ಸೂಕ್ಷ್ಮವಾಗಿದ್ದು ಇತರ ಕಾಗದ ಹೆಚ್ಚಿನ ಘರ್ಷಣೆಯುಂಟುಮಾಡಿ ಚರ್ಮಕ್ಕೆ ಉರಿ ತರಿಸಬಹುದು.

ಸಲಹೆ #4

ಗಾಯಕ್ಕೆ ಹಚ್ಚಲು ವೈದ್ಯರು ಸೂಕ್ತವಾದ ಮುಲಾಮೊಂದನ್ನು ಸಲಹೆ ಮಾಡುತ್ತಾರೆ. ವೈದ್ಯರ ಸಲಹೆಯಂತೆ ನಿಗದಿತ ಅವಧಿಯಲ್ಲಿ ತಪ್ಪದೇ ಮುಲಾಮು ಹಚ್ಚಿ ಒಣಗುವವರೆಗೂ ಗಾಳಿಗೆ ಒಡ್ಡಬೇಕು.

ಸಲಹೆ #5

ಮಗುವಿಗೆ ಡಯಾಪರ್ ತೊಡಿಸುತ್ತಿದ್ದರೆ ಇದನ್ನು ಬದಲಿಸುವ ಅವಧಿಯನ್ನು ಕಡಿಮೆಗೊಳಿಸಬೇಕು. ಅಂದರೆ ಇತರ ಸಮಯಕ್ಕೆ ಹೋಲಿಸಿದರೆ ಈಗ ದಿನಕ್ಕೆ ಹೆಚ್ಚು ಡಯಾಪರ್‌ಗಳನ್ನು ಗಾಯ ಒಣಗಿ ಸಾಮಾನ್ಯವಾಗುವವರೆಗೆ ಬಳಸಬೇಕು.

ಸಲಹೆ #5

ಏಕೆಂದರೆ ಕೊಂಚ ಎಚ್ಚರ ತಪ್ಪಿ ಡಯಾಪರ್ ಹೆಚ್ಚಿನ ಹೊತ್ತು ಇದ್ದರೆ ಸೂಕ್ಷ್ಮಭಾಗದಲ್ಲಿ ಬ್ಯಾಕ್ಟೀರಿಯಾಗಳು ಸುಲಭವಾಗಿ ಧಾಳಿ ಮಾಡಿ ಸೋಂಕು ಉಂಟುಮಾಡುತ್ತವೆ.