ಮಕ್ಕಳ ಸ್ಥೂಲಕಾಯಕ್ಕೆ ಪಾಲಕರ ಆಹಾರಾಭ್ಯಾಸವೇ ಕಾರಣ!

ಮಕ್ಕಳು ತಮ್ಮ ಪಾಲಕರ ನಡೆನುಡಿಗಳನ್ನು ಮಾತ್ರವಲ್ಲ, ಆಹಾರವನ್ನೂ ಅನುಸರಿಸುತ್ತಾರೆ ಎಂದು ಇತ್ತೀಚಿನ ಸಂಶೋಧನೆಯೊಂದು ತಿಳಿಸಿದೆ. ಅಂದರೆ ಮಕ್ಕಳಿಗಾಗಿ ಬೇರೆಯೇ ಆಹಾರವನ್ನು ತಯಾರಿಸಿದ್ದರೂ ಮಕ್ಕಳು ಹಿರಿಯರ ಆಹಾರವನ್ನು ಹಾಗೂ ಹಿರಿಯರು ಆಹಾರ ತಿನ್ನುವ ವಿಧಾನವನ್ನೇ ಅನುಸರಿಸುತ್ತಾರೆ, ಇದು ಸ್ಥೂಲಕಾಯಕ್ಕೆ ಕಾರಣ ಎಂದು ತಿಳಿಸಿದೆ. ಮಕ್ಕಳಿಗೆ ಕಾಡುವ ಸ್ಥೂಲಕಾಯ, ಎಂದಿಗೂ ನಿರ್ಲಕ್ಷಿಸದಿರಿ

ಸಮೀಕ್ಷೆಯಲ್ಲಿ ಆರರಿಂದ ಹನ್ನೆರದು ವರ್ಷದ ನಡುವಣ ಸ್ಥೂಲಕಾಯದ ಮಕ್ಕಳಿರುವ ಸುಮಾರು ಏಳುನೂರು ಕುಟುಂಬಗಳನ್ನು ತಜ್ಞರು ಸಂದರ್ಶಿಸಿ ಸ್ಥೂಲಕಾಯಕ್ಕೆ ಮಕ್ಕಳು ತಮ್ಮ ಪಾಲಕರ ಆಹಾರವಿಧಾನವನ್ನು ಅನುಸರಿಸುತ್ತಿರುವುದು ಪ್ರಮುಖ ಕಾರಣ ಎಂದು ಕಂಡುಕೊಂಡಿದ್ದಾರೆ. ಇವರೆಲ್ಲರ ಆಹಾರಾಭ್ಯಾಸಗಳ ಬಗ್ಗೆ ಹಲವು ಮಾಹಿತಿಗಳನ್ನು ಕಲೆಹಾಕಿ ಕಡೆಗೆ ತಜ್ಞರು ಈ ತೀರ್ಮಾನಕ್ಕೆ ಬಂದಿದ್ದಾರೆ. ಬೆಳೆಯುವ ಮಕ್ಕಳ ಆಹಾರ ಪದ್ಧತಿ ಬಗ್ಗೆ ಗಮನವಿರಲಿ

ಅಂದರೆ ಹಿರಿಯರು ಸಿದ್ಧ ಆಹಾರಗಳನ್ನು ಹೆಚ್ಚು ಹೆಚ್ಚಾಗಿ ತಿಂದಾಗ ಮಕ್ಕಳೂ ಇದೇ ಸಿದ್ಧ ಆಹಾರಗಳನ್ನು ಹೆಚ್ಚು ಹೆಚ್ಚಾಗಿ ತಿಂದು ಸ್ಥೂಲಕಾಯವನ್ನು ಆಹ್ವಾನಿಸುತ್ತಿರುವುದು ಕಂಡುಬಂದಿದೆ. ಅಲ್ಲದೇ ಹಿರಿಯರು ಹಣ್ಣು ಮತ್ತು ತರಕಾರಿಗಳನ್ನು ತಿನ್ನುವುದಿಲ್ಲ ಎಂಬ ಕಾರಣದಿಂದ ಮಕ್ಕಳೂ ತಿನ್ನದಿರುವುದು ಇಡಿಯ ವಿಶ್ವದಲ್ಲಿಯೇ ಕಂಡುಬಂದಿರುವ ಸಾಮಾನ್ಯ ಸತ್ಯವಾಗಿದೆ. ಇದರ ಕಾರಣ ಕೊಬ್ಬು ಹೆಚ್ಚಾಗಿ, ನಾರು ಕಡಿಮೆಯಾಗಿ ದೇಹದಲ್ಲಿ ಅತಿ ಹೆಚ್ಚಿನ ಕೊಬ್ಬಿನ ಸಂಗ್ರಹಗೊಂಡು ಸ್ಥೂಲಕಾಯ ಆಗಮಿಸುತ್ತದೆ. ಮಕ್ಕಳಲ್ಲಿ ಸೋಂಕು ನಿವಾರಿಸುವ ಟಾಪ್ ಆಹಾರಗಳು

ಆದ್ದರಿಂದ ಮಕ್ಕಳಿಗಾಗಿಯಾದರೂ ಪಾಲಕರು ಇಷ್ಟವಿಲ್ಲದಿದ್ದರೂ ಇಷ್ಟವಿದ್ದಂತೆ ನಟಿಸಿಯಾದರೂ ಮಕ್ಕಳಿಗೆ ಆರೋಗ್ಯಕರ ಆಹಾರಗಳನ್ನು ತಿನ್ನಿಸುವುದು ಮಾತ್ರವಲ್ಲ, ಸೂಕ್ತ ವ್ಯಾಯಾಮವನ್ನು ತಾವೂ ಅನುಸರಿಸಿ ಮಕ್ಕಳಿಗೂ ಕಲಿಸಲು ಪ್ರಾರಂಬಿಸಿದರೆ ಮಾತ್ರ ಮಕ್ಕಳ ಆರೋಗ್ಯ ಉತ್ತಮಗೊಳ್ಳಬಹುದು.